2 Ŋirw. 1:9 - Ebaibul

⁹ Abu erwosit Aasia kiyakiya ekarikon a ŋasigarya erikit ŋasigarya ŋatomonikan. Tolot ekarikon a ŋasigarya, torukau Eliya iboi alomukura, tolimok tema, “Iyoŋ, ekile ŋolo irae ituŋanan ka Akuj, ebala erwosit Aasia iyoŋ todoku kwap.”

2 Ŋirw. 1:9 Iomraidhean Croise

1 Ŋirw. 17:18

Tema apuserut ŋin neni ke Eliya, “Anukiro eya iyoŋ, ŋuna ikitoronitor iyoŋ ayoŋ, okoe ekile ŋolo irae ituŋanan ŋini ka Akuj? Ibu iyoŋ neni kaŋ akitatamun ayoŋ asecit kaŋ ka iyau atwanare neni alokoku kaŋ.”

1 Ŋirw. 18:10

Ikwaŋinapei eyarya Ekapolon Akuj kon, mam akwap, kori apukan ŋina nyiyakiyara Ekapolon kaŋ ituŋanan, ido akiwarun iyoŋ. Ani ketemasi ŋituŋa ka akwap ka adio, kori apukan ka adio ebe, ‘Emam iŋes a ne,’ etemari ŋini ikiwuarit iyoŋ lotuŋa ŋulu ka akwap a ŋin, kori ŋulu a apukan a ŋin kikoŋo ebe, ‘Nyiŋolikina isua iŋes.’

1 Ŋirw. 18:4

Apaki ŋina aarya Yesebel ŋikadwarak ŋulu ke Ekapolon, keris Obadia keya ŋikadwarak amiat kiwua anaturukanin a ŋaarei, ŋatomonikan a ŋinaturukan, inanari ikes ŋamugati ka ŋakipi a nen.)

1 Ŋirw. 18:42

Aŋun, abu Aab kitipeiyo ikotere imuji ka emasi. Tolot Eliya todoka kidiama emoru Karimel, toryedik a nen kijuuru, kiwuak ereet keŋ kidiŋ ŋakuŋin keŋ.

1 Ŋirw. 19:2

Aŋun, abu Yesebel kiyakiya ituŋanan neni ke Eliya alimokin iŋes ebe, “Elipi ayoŋ ekesican ayoŋ ŋakujo, nai nooi, erae pa kesikwaanik ayoŋ akiyar kon ka ŋina a ekadwaran a epei a ŋul moi taparacu esaa lopei lo.”

1 Ŋirw. 22:8

Toboŋok erwosit a Isirael Yeosapat tema, “Eyai ekile epei ŋolo ikipedorya iwon akiŋitunia ŋuna ebala Ekapolon, erae ekiro keŋ Mikaia, lokoku a Imela. Nai nyacamit ayoŋ ekile ŋol, anerae nyedwarenene iŋes ŋakiro ŋuna eketalakarito ayoŋ, edwari ŋuna a ŋican bon.” Tema Yeosapat, “Nyemaikina erwosit irworo ŋakiro ŋuna ikote ŋun.”

2 Ŋirw. 2:25

Tolot Elisa lomoru ŋolo enyaritae Karimel, ani ekaku toboŋo Samaria.

2 Ŋirw. 4:25

Abu iŋes tonyou, tolot lomoru Karimel neni ayai Elisa ituŋanan ŋini ka Akuj. Ani iŋolikini Elisa iŋes ebunit eriŋa elwana, tolimok Elisa Geasi eketiyan keŋ tema, “Kiŋolik, aberu ŋina alo Sunem ya;

Yer. 35:4

Abu ayoŋ oya ikes Kai a Ekapolon nagule ŋina a ŋidwe ka Anan alokoku ka Igidaliaa a ŋolo arae ituŋanan ŋini ka Akuj, ayai agule ŋin diyete agule ŋina a ŋikapolok, ayai agule ŋin kidiama agule ŋina a Mesaia alokoku a Salum a ŋolo arae eketen epuke.

Amos 7:12

Tema nai Amasia neni ka Amos, “Ekadwaran, tolot a ne, toboŋo nakwap a Yudaya, ikotere ikiinakin a nen akimuj aŋuna ka akidwar kon.

Mat. 14:3

Aris Erode kikama Yoana toen ya mabus, aŋuna ke Erodiya a ŋina arae aberu a Pilipo a lokaato ke Erode.

Mat. 26:68

ebasi, “Todwar iyoŋ Kristo! Ŋae ikibap iyoŋ?”

Mat. 27:29

Toyeut nai aikit ŋina a ŋikukwa kiwuakis nakou keŋ, kiwuakis akasirimaete daŋ nakan keŋ ŋina aloteten; toryediko nai alokiŋaren keŋ tokyenatar iŋes ebasi, “Maata erwosit a Ŋiyudayan!”

Mar. 15:29

Ŋituŋa daadaŋ ŋulu kepotu kitorut nen, kiyanya yesu, kimuŋimuŋete ŋakyes ebasi, “Okoe! Iyoŋ ŋoon ibala ebe ituwori Akai ka Akuj, ido todukok nabo alotooma ŋirwa ŋiuni!

Mar. 15:32

Eteutu cenite Kristo, erwosit a Isirael, edokuni alomusalaba; ikotere ikiyanyuni ka ikinupi daŋ.” Tari ŋulu ebubukinitoe kaapei ka iŋes, apotu tojamuwasi iŋes.

Luk. 9:54

Ani iŋolikinete Yoana ka Yakobo ŋulu arae ŋikasyomak a Yesu ŋakiro ŋun, temasi, “Ekapolon, icamit iyoŋ onyarautu akim anakuj, tomunya ŋituŋa lu a?”

Ŋibur. 11:36

Aponi ŋice tojamuwarae ka kibuŋae, torocae a ŋiriko, yaarae mabus.

1 Sam. 19:21

Ani elimokinio Saul ŋakiro a ŋul, kiyakiya iŋes ŋituŋa ŋice, apotu ŋul daŋ tolomasi neni a ŋuluce kirworo edwarete. Kiyakiya nabo Saul ŋituŋa ŋice akiyakiyaret ŋina a ŋauni, apotu ŋul daŋ tolomasi neni a ŋuluce kirworo edwarete.