2 Ŋirw. 1:4 - Ebaibul

⁴ Alimu tokona Ekapolon ebe, ‘Nyiŋaleuni iyoŋ anaryeba kon, itwani jik iyoŋ!’” Torotok nai Eliya a nen.

2 Ŋirw. 1:4 Iomraidhean Croise

Akisy. 2:17

nai ŋuna a Ekitoe a ŋolo ka ayenut ajokis ka aronis, nyitemokino iyoŋ akinyam, anerae akoloŋit ŋina inyamia iyoŋ ikes, itwani iyoŋ kire jik.”

Akisy. 3:4

Nai tolimok emun aberu tema, “Kire jik nyitwakete iyes.

1 Ŋirw. 14:12

Aŋun, torotok a ne, toboŋo lore kon. Apaki ŋina idolio iyoŋ lotaun kus, iridakini edya.

1 Ŋirw. 18:2

Aŋun, abu Eliya tolot kitoodiyar neni ka Aab. Apaki ŋin, arono nooi akoro alo Samaria.

2 Ŋirw. 1:16

tosodi Elia tolimok Aasia tema, “Ebala Ekapolon aŋuna ibunio iyoŋ kiyaki ŋituŋa akiŋitun ŋakiro kon aneni a Baalsebub, a ŋina erae akuj a etaun a Ekiron, esibit mam Akuj alo Isirael, mam jik nyinyouni iyoŋ anaryeba kon, nai itwani jik iyoŋ.”

2 Ŋirw. 1:5

Apotu nai ŋituŋa ŋul toboŋosi neni a erwosit Aasia, kiŋit erwosit ikes tema, “Kaanukiro iboŋunioto iyes?”

2 Ŋirw. 1:6

Toboŋokis ikes temasi, “Ikipotu isua eryama ka ekile ŋolo ikilimokini isua aboŋun alimokin iyoŋ atemar, ebala Ekapolon, ‘Kaanukiro eraakar Baalsebub ŋina erae akuj a etaun a Ekiron iŋisit iyoŋ ŋakiro ŋuna ka adyak kon; mam mono Akuj alo Isirael a? Nyiŋaleuni iyoŋ anaryeba kon; itwani jik iyoŋ!’”

2 Ŋirw. 20:1

Ŋirwa ŋul, abu Esekia todyakakin edeke ŋolo adikino eari. Tolot ekadwaran Isaya lokoku ka Amos neni keŋ tema, “Ebala Ekapolon kitemonokin, anerae ilosi iyoŋ atwanare, nyiŋaleuni iyoŋ anadyaka kon.”

2 Ŋirw. 8:10

Tolimok Elisa iŋes tema, “Tolot, tolimok iŋes atemar ebookoi eŋaleuni iŋes; nai aneni kaŋ, adau Ekapolon akitoodikin ayoŋ atemar kire etwani iŋes.”

Ŋakit. 11:19

Ituŋanan ŋini nyiryaŋiryaŋa anakiyookino keŋ, eyari, nai ituŋanan ŋini erubakinit jik itiyae aronis, etwani.

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Esek. 18:4

Toyenutu atemar ayoŋ ayakar apedor ŋina eyarya ŋinituŋanan, ayoŋ ayakar apedor ŋina eyarya ekauruunan ka ŋina eyarya ikoku. Ituŋanan ŋini eseci, iŋes bon emaikina totwana.

Ekim. 26:65

Apotu ŋituŋa ŋul daadaŋ totwaka, anerae alimunit Ekapolon aŋuna kec ebe, “Etwakete ikes analoŋisat.” Mam ikes ipei daŋ ŋini ariŋa eyari mati Kaleb lokoku a Yepune ka Yosua lokoku a Nun.

1 Sam. 28:19

Ipotokini Ekapolon Isirael kaapei ka iyoŋ neni a Ŋipilistin, nai iyoŋ ka ŋidwe kon ŋulusapa, ikiruki ka ayoŋ moi taparacu. Ipotokini Ekapolon tari ŋasigarya a Isirael neni a Ŋipilistin.”