2 Ŋirw. 1:2 - Ebaibul

² Abu erwosit Aasia ŋolo a Isirael tocakun alogoropa keŋ alo Samaria towana nooi, ido eperi. Aŋun kiyakiya iŋes ŋituŋa tolimok ikes tema, “Toloto neni a Baalsebub a ŋina erae akuj a Ŋipilistin, a ŋina eyai lotaun Ekiron, tosodo kiŋita iŋes erae kapedori ayoŋ aŋaleun, kori mam.”

2 Ŋirw. 1:2 Iomraidhean Croise

1 Ŋirw. 11:33

Etiyae ayoŋ ŋun, anerae ekemyek ayoŋ, ido ilipi neni ka Asitores a akuj a ŋisidonianineni a Cemes a akuj a Ŋimoabi ka neni a Milikom a akuj a Ŋiamoni. Awou iŋes akiwuap ŋuna abala ayoŋ, nyitiya daŋ ŋuna iyookino alokiŋaren kaŋ, nyiwuapa daŋ ŋikisila kaŋ ka ŋuna atubunit ayoŋ kitiya iŋes lopite ŋolo etiyator Daudi ŋolo arae papa a Solomon.

1 Ŋirw. 14:3

Ya ŋabopuloe ŋatomon, ŋaboboryo ŋuna erukitoe esibit ŋamugati ka ao ileleba locupa, tolot neni keŋ. Ikilimokini iŋes iyoŋ ŋuna itiyakin neni a edya.”

1 Ŋirw. 22:34

Nai kebu esigarit epei ŋolo ka Aram topeto ekaleleŋeleŋet keŋ kicwanya Aab, toŋicar aloboro a ŋulu ke ejie a ŋulu anapit iŋes, togum iŋes. Tema erwosit neni a ekameton agaari keŋ, “Kibelekin, yaarae ayoŋ alojie, anerae akawani ayoŋ.”

1 Ŋirw. 22:40

Abu Aab totwana, tonukae akuwan keŋ neni anukitae atapapaa keŋ; ido abu lokoku keŋ Akasia kilunyokin lokicoloŋ keŋ kipuka Isirael.

2 Ŋirw. 1:16

tosodi Elia tolimok Aasia tema, “Ebala Ekapolon aŋuna ibunio iyoŋ kiyaki ŋituŋa akiŋitun ŋakiro kon aneni a Baalsebub, a ŋina erae akuj a etaun a Ekiron, esibit mam Akuj alo Isirael, mam jik nyinyouni iyoŋ anaryeba kon, nai itwani jik iyoŋ.”

2 Ŋirw. 1:3

Nai abu emalaika ŋolo ke Ekapolon kisirworik ekadwaran Eliya ŋolo alotaun Tisibe tema, “Tonyou, tolot kisiriamiya ŋituŋa ŋulu iyakit erwosit Aasia, kiŋit ikes tema, ‘Kaanukiro eraakar Baalsebub ŋina erae akuj a etaun a Ekiron iŋisit iyoŋ ŋakiro ŋuna ka adyak kon; mam mono Akuj alo Isirael a?’

2 Ŋirw. 1:6

Toboŋokis ikes temasi, “Ikipotu isua eryama ka ekile ŋolo ikilimokini isua aboŋun alimokin iyoŋ atemar, ebala Ekapolon, ‘Kaanukiro eraakar Baalsebub ŋina erae akuj a etaun a Ekiron iŋisit iyoŋ ŋakiro ŋuna ka adyak kon; mam mono Akuj alo Isirael a? Nyiŋaleuni iyoŋ anaryeba kon; itwani jik iyoŋ!’”

2 Ŋirw. 17:16

Apotu ikes toŋero ŋakiciketa daadaŋ ŋuna ke Ekapolon Akuj kec, tosodo kitiyaut aŋuna kec ŋitorubei a ŋitak ŋiarei a ŋasuwa. Apotu todukut epir ŋolo etaletoi, kilipa neni a ŋitopon ka etopoloorito akuj Baal.

Yob 31:3

Nyeryamununeete mono ŋituŋa ŋulu nyiyookino ŋican a? Nyeryamununeete mono ŋituŋa ŋulu itiyaete aronis akisicanio a?

Eete a Ŋie. 2:9

Ikwaan ŋolominat kaŋ ka agete, kori etili ŋolosorokit. Kiŋolikisi ewoi iŋes kaama alodiyete arwatata kosi, iŋoliunit tooma alodirisa, eripuunit iŋes anibore a ŋini eyai lodirisa.

Isa. 19:3

Ekadakini Ŋijipitian, ido eruwor ŋakiro ŋuna eyeunete ikes ŋacaryo; elosete ikes akiŋita ŋakiro aneni a ŋitorubei a ŋakujo, aneni a ŋitai a ŋikatwak ka aneni a ŋimurok ta aneni a ŋililae,

Isa. 2:6

Okoe ŋituŋa a Yakob, imyekis iyes akiwuap ŋuna a ŋituŋa kus. Elalak alokidiŋ kus ŋimurok ŋulu eponito alo Kide, elalak ŋikadwarak ŋulu eponito alo Pilistia, aruwor ikes ŋipei ka ŋituŋa ŋulugelae.

Isa. 37:12

Apotu mono ŋakujo a ŋakwapin a ŋuna apotu ŋirwosi ŋulu epukato Asiriya eriŋa ayoŋ kinyasut, tolakut ŋituŋa a? Ŋakwapin ŋun ikes nu: Gosan, Aran, Resep ka ŋituŋa a Eden ŋulu ayakasi Telasar.

Isa. 37:19

ka emasanakis ŋakujo a ŋituŋa nakim tari ŋina pa araakatar ŋakujo ŋun ŋuna a kire, nai ŋitorubei ŋulu etiyaunete ŋituŋa a ŋakan kec anakito ka anamoru, aŋun, aponi kinyasunae ŋakujo ŋun.

Mat. 10:25

Itemokino ekasyoman kikoni eketataman keŋ ka eketiyan kikoni ekapolon keŋ. Ani kenyaritae ekapolon ŋolo ka akai atemar Belesebul, enyarao ŋituŋa ŋulu ka akai a ŋin a ŋirorwa a ŋulu aronok nooi.

Mar. 3:22

Tari ŋiketatamak a Ŋikisila ŋulu apote alo Yerusalem temasi, “Eyai iŋes Belesebul ŋolo isiritanari iŋes ŋipyan, ŋolo erae daŋ ekapolon a ŋipyan.”

Luk. 11:15

Tosodo ŋice temasi, “Erae Belesebul ŋolo epolokinit ŋipyan einakinit iŋes apedor ŋina kiritanaret ŋipyan.”

Ŋitic. 20:9

Eboi esorokit ŋolo anyaritae Eutiko alodirisa; ikwaŋina arubakinitor Paulo irworo, kilurakin nooi Eutiko akitodol neni ajotooror. Kimasun kwap alodirisa a ŋolo anagule a ŋina ayai kidiama ŋunaarei. Toryamunae iŋes etwanit.

Yos. 15:11

kiporo a nen kitor nakeju a ekamukumukut a ŋolo alo Kuju Ekiron, kilugok kidir Cikeron, kinapakin emoru Baala, kiporo Yabaneel; toremokin nai nanam Mediteranian.

Ŋikat. 11:24

Nyemaikina mono iyes kituruwosi akwap ŋina ikiinakini iyes akuj kus Kemos ŋina kus a? Tosodi, nyemaikina mono isua eturuwosi akwap daadaŋ ŋina abu Ekapolon Akuj kosi kikama aŋuna kosi ŋina kosi a?

Ŋikat. 5:28

Toripiya toto a Sisera alodirisa keŋ, kikalou ayaye edirisa tema, ‘Kaanukiro adidiyo agaari keŋ? Kaanukiro adidiyoto ŋaŋolei keŋ?’

1 Sam. 5:10

Aŋun, apotu ikes kiyakiyasi Asaduku ŋina ka Akuj a Ŋisirael yaasi Ekiron. Nai adolun Asaduku ŋina ka Akuj ŋin Ekiron bon, kikalout ŋituŋa ke Ekiron temasi, “Kaanukiro ayauniata ikes Asaduku ŋina ka Akuj a Ŋisirael neni yok akiar iwon ka ŋituŋa yok?”