2 Ŋirw. 1:13 - Ebaibul

¹³ Abu erwosit Aasia kiyakiya ekarikon ŋasigarya ece, erikit ŋasigarya ŋatomonikan. Todoka iŋes lomukura, toryedik alokiŋaren Eliya kimaima tema, “Okoe, ekile ŋolo irae ituŋanan ka Akuj, kisyoni ayoŋ ka ŋasigarya kaŋ ŋunatomonikan. Kimyekinae isua.

2 Ŋirw. 1:13 Iomraidhean Croise

1 Ŋirw. 13:6

Tema erwosit neni a ekile a ŋol a ŋolo arae ituŋanan ŋini ka Akuj, “Kilip tokona neni ke Ekapolon Akuj kon, kilipakinae ayoŋ, ikotere tojokyar akan kaŋ.” Aŋun, abu ekile ŋolo arae ituŋanan ŋini ka Akuj kilip neni ke Ekapolon, ido abu akan a erwosit tojokyar, kikok nenipei sek.

2 Ŋirw. 1:12

Nai abu Eliya toboŋok iŋes tema, “Ani karae ayoŋ ituŋanan ŋini ka Akuj, elipi ayoŋ akim totiyaun alokidiyama, itonomiya iyoŋ ka ŋasigarya kon!” Abu nai akim ŋina ka Akuj totiyaun alokidiyama, tonomiya ekarikon ŋol ka ŋasigarya keŋ.

2 Ŋirw. 1:14

Kiira iyoŋ; abu akim totiyaun alokidiyama tonomiya ŋikarikok a ŋasigarya ŋuluarei kaapei ka ŋasigarya kec; nai kimyekinae kare ca ayoŋ.”

Ŋikiru. 102:17

Iirari iŋes akilip a ŋulu a ŋican, ido nyejamuwari akilip kec.

Ŋikiru. 72:14

Elakununui iŋes akiyar a ŋituŋa a ŋul aneni a ŋulu isicanito ikes ka toryenyanikinito; epol nooi akiyar a ŋituŋa a ŋul anakonyen keŋ.

Awos. 11:8

Tema nai Moses irikakini erwor keŋ, “Epote ŋikapolok kus lu daadaŋ neni kaŋ, toryediko alokiŋaren kaŋ ebasi, ‘Apesi, iyoŋ kaapei ka ŋituŋa kon.’ Ekaku a ŋun, arotokini ayoŋ.” Torotok nai Moses aneni a Parao eŋoit nooi.

Ŋakit. 27:22

Tari kibuŋae ibaŋaanot kirakar, mam ituŋanan epedori akibuŋaar abaŋao todaun aneni keŋ.

Ekal. 9:3

Eroko ŋakiro ŋun ŋuna etakanunete neni a ŋinituŋanan ŋun, ikwaan aronis kec ka aronis ŋina etakanunui neni a ŋinibore anakwap a na. Apaki daadaŋ ŋina iboiyoto ŋituŋa anakwap a na, ileleba aronis natameta kec ka imasimasit ikes, ido elemari atwanare ikes atipei pa eyenete.

Isa. 1:5

Kaanukiro iwaritotor ŋakibuŋaeta ŋace? Kaanukiro irubakinitotor irae ŋikaŋerok? Idyakasi iyes ŋakyes ka alilimiyosi ŋitai kus.

Isa. 60:14

Epote ŋiletok a ŋituŋa a ŋulu sek isicanito etaun kus neni kus itiditeuna, eryedikete anakejen kus daadaŋ ŋulu sek ikijamuwarito iyes; enyaraete ikes etaun kus etaun a Ekapolon Sion ŋolo a Akuj a ŋina asegan a ŋina a Isirael.

Isa. 66:2

Ŋakan kaŋ etiyaunete ŋiboro lu daadaŋ, ido erae ŋiboro lu daadaŋ ŋulu kaŋ. Nai ituŋanan ŋini ikoni ne iŋes alakaror ayoŋ: Ituŋanan ŋini itiditeuna bon ŋini ekiit alotau keŋ, ŋini itopoloorit akirot kaŋ.

Yer. 5:3

Okoe Ekapolon, meere mono ŋuna a kire ite iyoŋ a? Idau iyoŋ akisican ikes, nai eriŋa aryeba nyenomoro ikes; idau iyoŋ akitonomor ikes, nai aŋero ikes akiwuap ŋuna icamit iyoŋ. Etogogoŋ ikes ŋakyes kec lopite ŋolo egogoŋio ataaba; aŋero ikes aboŋun neni kon.

Yak. 4:7

Aŋun, inakinos neni ka Akuj. Kitepega Satan, eemi iŋes aneni kus.

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.

1 Sam. 26:21

Tema nai Saul, “Etiya ayoŋ ŋuna aronok; toboŋu ikaakoku Daudi, anerae ibu iyoŋ nakoloŋit na nyilema akiyar kaŋ, nyekatakini nabo ayoŋ akiar iyoŋ. Kire jik abu ayoŋ etiya lopite ŋolo itiyaa ebaŋaanot, ido etiya ayoŋ ŋuna aronok nooi.”