2 Ŋikor. 8:3 - Ebaibul

^3-4 Akalimokini ayoŋ iyes kire atemar apotu ikes inanakis alotyae a ŋolo apedoritotor ikes ka kitedepakis daŋ etyae ŋolo apedoritotor ikes ainanakinia. Anacamit kec a ŋilopeyek, apotu ikes ikidyeka ka ikimaimaa isua ainakin ikes daŋ arereŋu ŋina ruworet ŋipei ka ŋulu iŋarakinete ŋituŋa ŋulu ka Akuj alo Yudaya.

2 Ŋikor. 8:3 Iomraidhean Croise

1 Ŋakiro a ŋirwa 29:9

Apotu ŋituŋa tolelyana aŋuna aponiata ŋikarikok inakis alotooma acamit kec, apotu ikes inakis neni ke Ekapolon einakina a ŋitai kec a daadaŋ. Abu erwosit Daudi daŋ tolelyan nooi.

Ŋikiru. 110:3

Einakinosi ŋituŋa kon anacamit akoloŋit ŋina irikio iyoŋ ŋikajiok kon lojie alokidiama ŋimukura ŋulu asegak. Alopite a ŋolo eponiata ŋakopi taparacu, epote ŋisorok kon neni kon.

Awos. 35:29

Apotu Ŋisirael daadaŋ ŋikilyok ka ŋaberu, ŋulu acamito alotai kec akitiya ŋuna abu Moses kicik ikes akitiya, yaut ŋainakineta kec neni ke Ekapolon emam akitiŋakinit.

Awos. 35:5

Alotooma ibore ŋini iyakar iyoŋ ŋinituŋanan daadaŋ, ya ainakinet adio neni ke Ekapolon. Ituŋanan daadaŋ ŋini ecamit ainakin Ekapolon ainakinet, emaikina yau egolid, esilipa ka eburonis;

Mar. 14:8

Etiya iŋes ŋuna epedori; ekeos iŋes ayoŋ eriŋa nyenuka.

Ŋitic. 11:29

Totyakut ŋikasyomak a Yesu atemar itemokino ŋinituŋanan alokidiŋ kec tolemu alopite a ŋolo apedorya alemun idiobore ŋini kiŋarakinet ŋikanupak alo Yudaya.

Ŋirom. 10:2

Apedori ayoŋ aruwor esuuda kec atemar erae ikes ŋulu elelakinito anupit Akuj. Nai ibatara alelakinit kec.

1 Ŋikor. 16:2

A ŋinakoloŋit a Esabit, itemokino ŋinituŋanan kus toseta nawae ŋisiliŋa ŋidi lotyae ŋolo ke ebari keŋ, kidiatakinos, ikotere ani abuni ayoŋ, nyecuni nabo ŋice.

1 Ŋikor. 9:17

Ani kalimonok ayoŋ aŋuna ka acamit kaŋ, iŋes atemar aryamuni ayoŋ eropit; nai itemokino ayoŋ etiyae ŋun, anerae ekecikak Akuj ayoŋ akitiya.

Ŋigal. 4:15

Ilakara iyes apaki ŋin nooi! Nyo bo tokona atakanu? Alimuni ayoŋ kire atemar kerae topedorito, kigorunito iyes tari ŋakonyen kus a ŋilopeyek apaki ŋin, ikiinakis ayoŋ.

Ŋipil. 2:13

anerae Akuj iŋes itiyae alotooma kus, ikotere ikitacamu ka ikitepedo iyes akiwuap ŋakiro ŋuna ajokak ŋuna ecamit iŋes.

Ŋikol. 4:13

Apedorit ayoŋ elope alimokin iyes epite ŋolo abunio iŋes kitiyaa ka agogoŋu aŋuna kus ka aŋuna a ŋituŋa a ŋulu eyakasi Laodikeya ka Ierapolis.

1 Ŋites. 2:8

Aponi isua ikiminakin iyes nooi, ido aponi toryamunae alakara, meere ŋinamoret Ŋakiro ŋuna Ajokak bon ka iyes, nai tari akiyar kosi a ŋilopeyek; anerae ipotu iyes toruworos ŋuluminan kosi.

Pil. 1:14

Nai pa acamit ayoŋ akitiya idiobore alotooma ŋun eriŋa nyecamuna iyoŋ, ikotere nyeruwor ajokis kon ŋina itiŋaunitae, nai torae acamit kon a elope.

1 Pet. 4:11

Ituŋanan ŋini itatami, itemokino kitatam ŋakiro ŋuna ka Akuj; ituŋanan ŋini itiyae etic, itemokino iŋes kitiya ka agogoŋu a ŋina einanakini Akuj iŋes, ikotere ipuroe Akuj aloboro a daadaŋ, alotooma Yesu Kristo, ŋolo eyakar apolou ka apedor ŋina a ŋikaru ka ŋikaru. Amen.

1 Pet. 5:2

Kiyoko ejok ŋamesekin ŋuna erae ŋituŋa ŋulu ikiinakinit Akuj iyes. Nyitiyata ŋun anakitiŋakina, nai anainakina ikwaŋina ecamitor Akuj, meere aŋuna ke eropit ca, nai aŋuna ka acamit akitiya.