2 Ŋikor. 7:8 - Ebaibul

⁸ Kikisiyaloloŋit iyes abaruwa kaŋ, nyeyaloloŋi ayoŋ aŋuna abunio egiria. Abu ayoŋ eyaloloŋ ekiŋaren apaki ŋina aanyunia atemar ipotu iyes kiyaloloŋo aŋuna ka abaruwa a ŋin.

2 Ŋikor. 7:8 Iomraidhean Croise

Aum. 3:32

Epedori Ekapolon ayaun aryeba neni yok, nai ikisyoni iŋes iwon anamina keŋ a ŋina nyiryaŋiryaŋa.

Yoa. 16:6

Aŋuna tokona adaunia ayoŋ alimokin iyes ŋun daadaŋ, eyaloloŋ ŋikusitai nooi.

Yoa. 21:17

Kiŋit Yesu Petero akiŋiset ŋina a ŋauni tema, “Simoni lokoku a Yoana, ikimina iyoŋ ayoŋ a?” Kiyaloloŋ Petero aŋuna abunio Yesu kiŋit iŋes ŋakiŋiset ŋauni ebala, “Ikimina iyoŋ ayoŋ a?” Tolimok nai Petero Yesu tema, “Ekapolon, iyeni iyoŋ ŋakiro daadaŋ, iyeni daŋ atemar akamina ayoŋ iyoŋ!” Tolimok nai Yesu Petero tema, “Kiyok ŋamesekin kaŋ.

2 Ŋikor. 7:11

Toanyuwasi ŋuna abu Akuj kitiya aŋuna ka akiyaloloŋ kus! Abu akiyaloloŋ ŋin ikiinak iyes alelakinit akitiya ka akitoodiun atemar emam ŋuna ikikamunito iyes! Ipotu iyes toŋoa aŋuna apotu totakanut, ipotu tokuryaketa aŋuna epedorete akitiyakin nabo. Apotu ŋakiro ŋun ikiinakis iyes akiitan aanyun ayoŋ, ekimuye ŋolo kigaŋet ayoŋ ka akisican ŋolo aratan.

2 Ŋikor. 7:12

Aŋun, ani nai kegirit ayoŋ neni kus, nyerae aŋuna a ŋini abu kitiya aronis kori aŋuna a ŋini aponi kitiyakinae aronis neni keŋ, nai arae akisileerekinio iyes alokiŋaren Akuj epite ŋolo epoloo nooi ekimuye kus aŋuna kosi.

2 Ŋikor. 7:6

Nai, abu Akuj ŋina emaimaan ŋulu esiliyorito ikitogogoŋ isua apaki ŋina adolunio Tito.

2 Ŋikor. 7:7

Meere adolun keŋ bon abu ikitalaka isua, nai arae tari epite ŋolo kiponiata iyes kisimukekis iŋes. Abu iŋes itolimok isua epite ŋolo iitanitotor iyes nooi aanyun ayoŋ, epite ŋolo ikibulitor iyes, epite ŋolo ilelakinitotor iyes akiŋarakin ayoŋ; aŋun, eatakin tokona tari alakara kaŋ.

2 Ŋikor. 7:9

Nai tokona, alakara ayoŋ, meere aŋuna abunio ekesiyaloloŋ iyes, nai aŋuna abunio akiyaloloŋ kus ikiinak iyes akiki. Abu Akuj kitojok akiyaloloŋ kus, aŋun nyitiya isua ŋadi ŋuna aronok neni kus.

Akis. 3:19

Eyayakini ka esicani ŋulu amina ayoŋ; aŋun, tomwakutu tokiwa!