2 Ŋikor. 7:7 - Ebaibul

⁷ Meere adolun keŋ bon abu ikitalaka isua, nai arae tari epite ŋolo kiponiata iyes kisimukekis iŋes. Abu iŋes itolimok isua epite ŋolo iitanitotor iyes nooi aanyun ayoŋ, epite ŋolo ikibulitor iyes, epite ŋolo ilelakinitotor iyes akiŋarakin ayoŋ; aŋun, eatakin tokona tari alakara kaŋ.

2 Ŋikor. 7:7 Iomraidhean Croise

Ŋikiru. 141:5

Kimyek ituŋanan ŋini iyookino ekesican ayoŋ, erae ŋun arimao kimyek ŋulu ikinyoma eketatam ayoŋ akimyekin akitiya aronis; erae ŋun amina; nyikimyek ayoŋ oŋer amina ŋin, anerae elipi ayoŋ jwi jwi eteŋeriyorit ŋiticisyo a ŋulu itiyaete aronis.

Ŋikiru. 30:5

Nyeai iŋes apaki ŋina aoyan eŋoit, nai erubakini ajokis keŋ aneni a ituŋanan ŋirwa daadaŋ ŋulu ka akiyar a ituŋanan a ŋin, tari daŋ kegwor ayoŋ akuwar kya, aryamuni ayoŋ alelyanu taparacu.

Ŋikiru. 38:18

Alimori ayoŋ aronis kaŋ; aki ayoŋ asecit kaŋ.

Ŋikiru. 51:1

Okoe Akuj, kisyoni ayoŋ, alotooma amina kon ŋina nyiryaŋiryaŋa; aŋuna ka akisyon kon a ŋina alalan, kikisa ŋasecisya kaŋ.

Mat. 26:75

Totamu nai Petero ŋakiro ŋuna alimokinit Yesu iŋes atemar, “Ani eriŋa ekokoroit nyeruuno, ipegi iyoŋ ŋapeget ŋauni atemar ikiyeni ayoŋ.” Toloma iŋes kiŋa, kigwor nooi.

Mat. 5:4

Erereŋ ŋulu iyaloloŋete; ebuni Akuj akisirworiun ikes.

Luk. 22:44

Kilip iŋes imukekinit toryeba nooi alotau, kikokis ŋakinyinyir keŋ edoete kwap ŋaokot.]

Ŋitic. 11:23

Ani edoluni iŋes ka iŋolikini epite ŋolo kebunio Akuj kiterereŋio ikes, tolakar iŋes. Kicikak ikes arubakin anupit Ekapolon a ŋitai kec a daadaŋ.

Ŋirom. 1:12

Iŋes atemar esimukekinos iwon kaapei ananupit yok; ekesimukek ayoŋ iyes ananupit kus ka ikisimukekis iyes ayoŋ ananupit kaŋ.

1 Ŋikor. 5:2

Kaanukiro nai iturotor iyes? Kitemokino iyes kiyaloloŋete, nabo kitemokino ituŋanan ŋini itiyae ŋakiro ŋun, totyakarae anatukot kus.

2 Ŋikor. 1:14

ikiyenunete iyes isua ejok lopite ŋolopei ikiyenuniata tokona iwadio, ikotere kiturokinos aŋuna kosi lopite ŋolopei iturokinere isua daŋ aŋuna kus Akoloŋit ŋina ke Ekapolon Yesu.

2 Ŋikor. 1:4

Ikiŋaranakini iŋes iwon alocan yok a daadaŋ, ikotere opedoryata akiŋarakin ŋuluce, ŋulu eyakatar ŋican kan akiŋarakinet ŋinapei abu Akuj ikiinak iwon.

2 Ŋikor. 2:9

Abu ayoŋ ekegirak iyes abaruwa ŋin, anerae acamit ayoŋ ayenun epite ŋolo kiponiata iyes topedoryata akipiyor akikatakinet ŋin, ka erae kipedorito jwi jwi akiwuap ŋakitatameta kaŋ.

2 Ŋikor. 5:2

Aŋun tokona, ikirurumae iwon ka ikiitanit atemar kerae onapa ere yok ŋolo anakuj--akuwan yok ŋina nyesaluni;

2 Ŋikor. 7:6

Nai, abu Akuj ŋina emaimaan ŋulu esiliyorito ikitogogoŋ isua apaki ŋina adolunio Tito.

2 Ŋikor. 7:8

Kikisiyaloloŋit iyes abaruwa kaŋ, nyeyaloloŋi ayoŋ aŋuna abunio egiria. Abu ayoŋ eyaloloŋ ekiŋaren apaki ŋina aanyunia atemar ipotu iyes kiyaloloŋo aŋuna ka abaruwa a ŋin.

2 Ŋikor. 8:16

Ikilakara neni ka Akuj aŋuna ewuakinia neni a Tito akiitanit ŋina ka akiŋaranakin ikwa isua daŋ aŋuna ka akiŋarakin iyes!

Ŋipil. 1:20

eitanit ayoŋ nooi ka egeno atemar nyekerumete jik ayoŋ ŋileec, nai ayakaunor atitinyu ŋina itemokino, anapakio a daadaŋ, nooi tokona, ikwapei sek itopolooritere Kristo aŋuna kaŋ, eriŋa ayari kori katwana.

Ŋikol. 2:5

Anerae tari kalwana ayoŋ aneni kus, ikirukit iwon alotau ka alelyani ayoŋ aŋuna ka akimorikina kus ka ayenut epite ŋolo icasitor anupit kus alotooma Kristo.

1 Ŋites. 3:6

Nai tokona, aboŋu Timoteo aneni kus, ikilimok iŋes isua ŋakiro ŋuna ka alakara ŋuna ka anupit ka ŋuna ka amina kus. Ikilimok iŋes isua atemar ikitamunito iyes isua jwi jwi ka alakara; nabo ikiburakinit iyes aanyun ka isua lopite ŋolopei ikiburakinitor isua daŋ aanyun ka iyes.

1 Ŋites. 3:8

Ikiyari kire tokona isua, anerae igogoŋ iyes anakimorikina kus ke Ekapolon.

Ŋibur. 2:1

Aŋuna a ŋakiro a ŋun, itemokino ericakisi ejok ŋuna ikidau akiirar, ikotere nyikioliyo.

Yak. 5:17

Arae koloŋ Eliya ituŋanan ikwa iwon. Abu iŋes kilip nooi, ikotere nyilim akiru ka emam akiru abu kilim ŋikaru ŋiuni ka ŋilapyo ŋikanikapei.

2 Yoa. 1:4

Abu ayoŋ olelyan nooi aryamuni ŋidwe kon ŋice iwuapito ŋakiro ŋuna a kire, ikwaŋinapei abunio Papa ikicikakinia iwon.

Yud. 1:3

Ŋikaitotoi ŋulu minan, ikwaŋina acamitor ayoŋ akigir neni kus aŋuna ka aiuno a ŋina ikimori iwon, abu oanyu atemar itemokino egir anakilipit iyes tojioto aŋuna ka anupit a ŋina abu Akuj inak ŋituŋa keŋ apeiinakinet kirikakin.