2 Ŋikor. 7:3 - Ebaibul

³ Nyalimunit ayoŋ nu aŋuna ka atubokinia iyes; anerae ikwapei sek alimunitor ayoŋ ekiŋaren atemar ikiminae isua iyes nooi, iŋes nai ikitamunitor isua iyes jwi jwi alotai kosi, kikiyari kori kikitwaka.

2 Ŋikor. 7:3 Iomraidhean Croise

2 Ŋikor. 11:11

Alimunit mono ayoŋ nu anerae nyakamina ayoŋ iyes a? Eyeni Akuj atemar akamina ayoŋ iyes!

2 Ŋikor. 12:15

Abuni ayoŋ alakari nooi erae kekesunyak iyes ŋinibore daadaŋ ayakar ka ojal akuwan kaŋ daŋ aŋuna ka akiŋarakin ŋitai kus. Kaanukiro ikiminatar iyes ayoŋ iwadiocici aŋuna akaminar ayoŋ iyes nooi?

2 Ŋikor. 13:10

Egiri ayoŋ nu eriŋa alwana aneni kus, ikotere ani abuni, nyadedeŋiar alopite a ŋolo esitiyaa apolou ŋina abu Ekapolon okoinak ayoŋ aŋuna ka adukunio, nai meere akielielaar iyes.

2 Ŋikor. 3:2

Iyes iraakasi ŋabaruwae kosi--ikidau isua akigirakin Kristo lotai kus--ikotere daadaŋ eyenuniata ka tosyoma.

2 Ŋikor. 7:12

Aŋun, ani nai kegirit ayoŋ neni kus, nyerae aŋuna a ŋini abu kitiya aronis kori aŋuna a ŋini aponi kitiyakinae aronis neni keŋ, nai arae akisileerekinio iyes alokiŋaren Akuj epite ŋolo epoloo nooi ekimuye kus aŋuna kosi.

Ŋipil. 1:7

Itemokino ayoŋ okatamunite iyes daadaŋ ikona, anerae akamina ayoŋ iyes nooi, ikwapei ikimorya iwon daadaŋ ainakinet ŋina adau Akuj ainakin ayoŋ, tari anapaki a na, a ŋina ayakar ayoŋ mabus ka apaki ŋina erworor ayoŋ aŋuna a Ŋakiro a ŋuna Ajokak etogogoŋit.

1 Ŋites. 2:8

Aponi isua ikiminakin iyes nooi, ido aponi toryamunae alakara, meere ŋinamoret Ŋakiro ŋuna Ajokak bon ka iyes, nai tari akiyar kosi a ŋilopeyek; anerae ipotu iyes toruworos ŋuluminan kosi.