16 Alelyani ayoŋ nooi, anerae ekekinyomit ayoŋ iyes nooi!
Ileere aneni kon kire atemar irae iyoŋ ekarikon a ŋimudukanotin, ikoni iyoŋ akica ŋina a ŋulu eya nakiryonut.
Iŋes nai abunio ayoŋ egiria abaruwa ŋin neni kus. Pa acamit ayoŋ abunore neni kus, ido ekesiyaloloŋ ayoŋ ŋituŋa ŋulupei etemokino eketalakasi ayoŋ. Anerae acamunit kire ayoŋ atemar, ani alakara ayoŋ, iŋes atemar ilakara iyes daadaŋ.
Ikikinyomit isua Ekapolon aŋuna kus atemar itiyaete ka irubakinete itiyaete ŋuna adaun isua akicikakin iyes.
Ekegirakinit ayoŋ iyoŋ abaruwa, anerae ayeni atemar iwuapi iyoŋ ŋakiro ŋuna akalimokini ayoŋ iyoŋ--ka itiyakini tari ŋuna iloito ŋun.
A ŋakiro a nu, kejoikinit ayoŋ ikwapei lokaato kon alotooma Kristo akicikakin iyoŋ akitiya ŋuna itemokino akitiya;