2 Ŋikor. 7:10 - Ebaibul

¹⁰ Anerae akiyaloloŋ ŋina erae acamit ŋina ka Akuj, iŋes ikiinakini iwon akibelekin neni ka Akuj, yau nai aiuno. Emam ituŋanan iyaloloŋi a ŋakiro a ŋun! Nai akiyaloloŋ ŋina ka akwap a na, eyauni atwanare.

2 Ŋikor. 7:10 Iomraidhean Croise

Akisy. 30:1

Ani eanyuni Rakel atemar emam ŋidwe edoe iŋes aŋuna a Yakob, torakaanik nakaato keŋ; tolimok Yakob tema, “Kiteryamunae ayoŋ ŋidwe, ani kemam atwani ayoŋ!”

2 Sam. 12:13

Tema Daudi neni a Nasan, “Asec ayoŋ alokiŋaren Ekapolon.” Tema Nasan neni a Daudi, “Ikisyon tokona iyoŋ Ekapolon aŋuna ka asecit kon, nyikiari iŋes iyoŋ.

2 Sam. 13:4

Kiŋit Yonadab Aminon tema, “Kaanukiro okoe ikoku a erwosit isiliyoritor iyoŋ a ŋinataparacu? Nyo nyikilimokinia iyoŋ ayoŋ ŋakiro?” Tema Aminon neni a Yonadab, “Amina ayoŋ nooi Tamar nakaato alokaapa kaŋ Abusalom.”

2 Sam. 17:23

Ani eyenuni Aisopel atemar mam ituŋanan abu kiwuap ŋakiro keŋ, abu toenik esigirya keŋ toboŋo kai keŋ lotaun kec. Kitemok ŋiboro alokai keŋ, ido tomyedakin. Ani kedau iŋes atwanare, aponi yaarae akuwan keŋ tonukae neni anukitae papa keŋ.

1 Ŋirw. 21:4

Aŋun, abu Aab tolot lore ekililiŋat itiilito ŋakiro ŋuna alimokini Nabos ŋolo arae Eyesirelait iŋes ebe, “Mam nyakainakini ayoŋ iyoŋ ibore ŋini abu ayoŋ erum aneni atapapaa kaŋ.” Toper iŋes alokitaada keŋ akililiŋat, towou akimuj.

Ŋikiru. 38:18

Alimori ayoŋ aronis kaŋ; aki ayoŋ asecit kaŋ.

Ŋakit. 15:13

Ituŋanan ŋini emaisyani, itoodiunit alakara ŋina eyai lotau keŋ, nai ani kiyaloloŋi ituŋanan, mam alakara eyai lotau keŋ.

Ŋakit. 15:15

Etyonikinit ŋikulyak akiyar ŋirwa daadaŋ ŋulu ka akiyar kec, nai ŋituŋa ŋulu elakara, elelyanete a ŋinapaki anakiyar kec.

Ŋakit. 17:22

Erae alakara a etau a ituŋanan ekitoe ŋolo einakinit akuwan keŋ aŋaleu, nai erae aŋoit ibore ŋini ipyedari etau a ituŋanan.

Ŋakit. 18:14

Ituŋanan ŋini nyiyaloloŋi aŋuna edyakar, epedori atitinyikin edeke, nai ani kipyeda bon ituŋanan ŋini edyeka, adau akigeno keŋ ŋina ka aŋaleun adaun.

Ekal. 7:3

Ejok akiyaloloŋ akilo akyena, epedori akiyaloloŋ akitisiliyor ereet a ituŋanan, nai ikituruwori ŋini epatana ayenun ŋakiro.

Yer. 31:9

Epote ikes igworosi, ido enyakuni ayoŋ ikes emaimai, etorunio ayoŋ ikes nayona ŋuna a ŋakipi, etorunio ayoŋ ikes lorot ŋolo ecorot ŋolo emam ibore igukini ikes, anerae aruwor ayoŋ papa a Ŋisirael ka erae Epuraim lokoku kaŋ ŋolokiyae.”

Esek. 7:16

Ani keyakaun ŋulu ebucarosi tosiwa, eryamunio ikes alokidiama ŋimoru ikwa ŋakuryo ŋuna a ŋakadipaalae, eryamunio ŋinituŋanan igworo aŋuna a ŋasecisya keŋ.

Yona 3:10

Ani iŋolikini Akuj ŋuna apotu ikes kitiyata, epite ŋolo aponiata ikes tokiwa aronis kec, kisyoni Akuj ikes kimyek aronis ŋina sek aris ketema esicania ŋituŋa a Ninepe; ido abu nyisican ikes.

Yona 3:8

Itemokino ŋituŋa tonapa ŋiguniyae ka toenikis ŋityaŋ daŋ, ido kimukekis akilip Akuj. Itemokino ŋinituŋanan toki aronis keŋ ka aryenyeo keŋ.

Yona 4:9

Nai abu Akuj kiŋit Yona tema, “Iyookino kire iyoŋ aŋoit aŋuna a elogilog a?” Toboŋok Yona tema, “Ee, aŋoit ayoŋ jik, acamit otwan.”

Mat. 26:75

Totamu nai Petero ŋakiro ŋuna alimokinit Yesu iŋes atemar, “Ani eriŋa ekokoroit nyeruuno, ipegi iyoŋ ŋapeget ŋauni atemar ikiyeni ayoŋ.” Toloma iŋes kiŋa, kigwor nooi.

Luk. 15:10

Ikwaŋinapei, akalimokini ayoŋ iyes atemar, elelyanete ŋimalaikan ŋulu ka Akuj ikotere epeikasecan ŋolo ekii ŋasecisya keŋ.”

Luk. 18:13

“Towo ekeriran ocur aneni alwana, nyireo ŋakeekonyen tari nakuj, toram etau keŋ tema, ‘Akuj, kisyoni ayoŋ ekasecan!’

Ŋitic. 11:18

Ani iirarete ikes ŋun, tojoŋoto apega. Kipuro Akuj temasi, “Ainaki nai Akuj ŋulu nyerae Ŋiyudayan daŋ apaki ŋina ekiyata, toyara!”

Ŋitic. 3:19

Tokiwa nai, kibelekinos neni ka Akuj, ikotere ikisari iŋes ŋasecisya kus. Kitiyata ŋun, ikotere epote aneni ke Ekapolon ŋarwa ŋuna itogogoŋere ŋitai kus.

2 Ŋikor. 12:21

Akabulit ayoŋ atemar ŋina adolunio inaa, ebuni Akuj kaŋ akisurum ayoŋ ŋileec alokiŋaren kus ka abuni nai ayoŋ akigworo aŋuna a ŋulu alalak, a ŋulu apotu toseca ŋapakio ŋuna alunyarosi toriŋa nyekiwa ŋipitesyo kec ŋulu ka aronis, ebe adoteu ka amalao.

2 Ŋikor. 7:9

Nai tokona, alakara ayoŋ, meere aŋuna abunio ekesiyaloloŋ iyes, nai aŋuna abunio akiyaloloŋ kus ikiinak iyes akiki. Abu Akuj kitojok akiyaloloŋ kus, aŋun nyitiya isua ŋadi ŋuna aronok neni kus.

Ŋibur. 12:17

Iyenete iyes kire atemar ekaku a ŋun, abu iŋes kiitan aryamun arereŋu aneni a papa keŋ; nai aponi toŋeroe iŋes, anerae pa apedorit iŋes aryamun epite ŋolokilocokinet ŋuna sek aris iŋes kitiya, tari ŋina abunio iŋes kikalounio iwarit akilocokin.

1 Sam. 30:6

Toyakaun Daudi locan ŋulu apolok nooi, anerae apotu ŋikajiok ŋulu arukito ka iŋes tolimut atemar ikicaki iŋes a ŋamoru. Arae ŋun aŋuna aŋoitotor ŋituŋa ŋul nooi aŋuna a ŋidwe kec a ŋulusapa ka ŋulupesur. Nai abu Akuj Ekapolon a Daudi inak iŋes atitinyu.