2 Ŋikor. 5:9 - Ebaibul

⁹ Aŋun, tari erae kikiya isua lokuwane lo, kori kikiruk ka iŋes anakuj, ŋuna ikilosikinit isua erae akitalakar iŋes.

2 Ŋikor. 5:9 Iomraidhean Croise

Akisy. 4:7

Ani mono kitiya iyoŋ ejok, nyikicamunio mono iyoŋ a? Nai ani pa kitiya iyoŋ ejok, erubakini asecit ikidapit iyoŋ a lopuke, ikiitanit iyoŋ; nai itemokino iyoŋ kilou asecit.”

Isa. 56:7

ayaari ayoŋ ikes lomoru kaŋ ŋolo asegan, oinak ikes alakara alokai kaŋ a ŋinakilipet. Ecamunio ŋainakineta kec ŋuna epeyo ka ŋamuronisya kec anamuroet kaŋ, anerae enyarao Akai kaŋ Akai ŋina ilipyata ŋituŋa daadaŋ.”

Yoa. 6:27

Nyitiyata aŋuna ka akimuj a ŋina ebosiyari, nai kitiyata toryamut akimuj ŋina eropari tari nakiyar ŋina nyedaun, ŋina ikiini iyes Lokoku a Ituŋanan. Anerae neni keŋ iwuakinit Akuj Papa emacar ŋolo eminar iŋes.”

Ŋitic. 10:35

nai ecamuna aneni keŋ ituŋanan ŋini ekerit iŋes alobukui a daadaŋ, kitiyae ŋakiro ŋuna iyookino.

Ŋirom. 14:18

Ituŋanan daadaŋ ŋini itiyanakini Kristo alopite a ŋol, elakar Akuj aŋuna keŋ ka itojokete ŋituŋa etic keŋ.

Ŋirom. 14:8

Ani kikiyari iwon, ikiyari aŋuna ke Ekapolon, ka ani kikitwaka, ikitwaki aŋuna ke Ekapolon. Tari nai kikiyari kori kikitwaka, ikirae iwon ŋulu ke Ekapolon.

Ŋirom. 15:20

Ŋuna alelakinit ayoŋ jwi jwi, ikes ŋuna ka akiserakin Ŋakiro ŋuna Ajokak anakiboisyo a ŋuna eriŋa ŋituŋa nyiirara ŋakiro a Kristo, ikotere nyarubak erworo ŋakiro ŋuna aris ituŋanan ice kegeu.

1 Ŋikor. 15:58

Aŋun nai, ŋikaitotoi kaŋ ŋuluminan, kicata ka nyiryaŋiryaŋasi. Kitiyata ka agogoŋu etic ŋolo ke Ekapolon ikwapei iyeniata iyes atemar emam etic ŋolo itiyaete iyes anakimorikina ke Ekapolon, ŋolo eruwor ekoŋinait.

2 Ŋikor. 5:6

Aŋun, ikiyakar isua atitinyu jwi jwi. Ikiyeni atemar ani ca eriŋa isua ikiyari alokuwane a lo, ikilwaka aneni eyai Ekapolon.

2 Ŋikor. 5:8

Ikiyakar isua atitinyu, ido ikiburit isua nooi akimyekin ekuwane lo, ido oruko ke Ekapolon anakuj.

Ŋiep. 1:6

Ikotere iwon ikipuri iŋes aŋuna ka ajokis keŋ a ŋina apolon, a ŋina erae ainakinet keŋ ŋina a Lokoku keŋ a ŋolo minat!

Ŋikol. 1:10

Aŋun, ipedorete nai iyes akiyar alopite a ŋolo itopolooritotor Ekapolon ka ŋolo italakarit iŋes anakiro a daadaŋ. Eyauni akiyar kus arait ŋina erae ŋiticisyo ŋulu ajokak ka iyatakin ayenut kus Akuj.

Ŋikol. 1:29

Aŋakiro a ŋun, etiyae ayoŋ ka agogoŋu ka aŋirikinit alotooma apedor ŋina akainakinit Kristo ŋina eketepedorit ayoŋ akitiya ŋun.

1 Ŋites. 4:1

Ŋuna esidyok ŋikaitotoi, ipotu iyes toyenut aneni kosi epite ŋolo itemokino iyes iboiyoto, ido kitalakasi Akuj. Kire erae epite ŋolopei ŋol sek iboiyoto iyes. Nai tokona ikilipit ka ikimaimai isua iyes alokiro ke Ekapolon Yesu, kitiyata nooi akilo tari ŋina sek.

1 Ŋites. 4:11

Kiwara nooi epite ŋolo ajokan ŋolo kiboiyet; itemokino ŋinituŋanan tomitak ŋuna keŋ a ilope, kitiyau a ŋakan keŋ ibore daadaŋ ŋini iitanit iŋes aŋuna ka akiyar keŋ, ikwapei sek ikilimokinitor isua iyes.

1 Tim. 4:10

Ikicatakinit iwon ka ikitiyae ka agogoŋu nooi, anerae ikigeno iwon neni ka Akuj a ŋina eyari, a ŋina erae Akaiunan a ŋituŋa a daadaŋ, akilo nooi ŋulu enupito iŋes.

Ŋibur. 12:28

Aŋun, itemokino iwon olakara, anerae Apukan ŋina eryamunio iwon erae ŋina nyepedoryo akitamaranikin. Itemokino iwon olakaros elipa Akuj alopite a ŋolo italakari iŋes, alotooma akitiditeuna ka akerit,

Ŋibur. 4:11

Ekatakisi nai tokona iwon nooi anacamit alomar nakieŋun ŋin, ikotere nyekuruwo idiotuŋanan alomar nakieŋun ŋin ikwa abunio tokuruworya ŋituŋa ŋulu koloŋ, aŋuna pa anupitotor ŋakiro ka Akuj.

2 Pet. 3:14

Aŋun ŋikaakonei ŋuluminan, ani idarito Akoloŋit ŋin, kitiyata ka agogoŋu tomam adioronis alokiŋaren Akuj, ikotere ikiryamun isilito ka iŋes.