2 Ŋikor. 5:6 - Ebaibul

⁶ Aŋun, ikiyakar isua atitinyu jwi jwi. Ikiyeni atemar ani ca eriŋa isua ikiyari alokuwane a lo, ikilwaka aneni eyai Ekapolon.

2 Ŋikor. 5:6 Iomraidhean Croise

2 Ŋikor. 5:1

Ikiyeni iwon atemar, ani ŋina inyasunor eema lo--akuwan yok ŋina esaluni--eyakaunor Akuj akai aŋuna yok nakuj, akai ŋina adau iŋes alope akitemokin, ŋina a ŋikaru ka ŋikaru.

Ŋibur. 11:13

Apotu ŋituŋa ŋul daadaŋ totwaka enupito. Apotu ikes nyeryamut ŋiboro ŋulu sek eikinit Akuj ikes, nai apotu toanyuwasi ŋiboro ŋul aneni elwana, tolakaros. Apotu tolimosi atemar erae ikes ŋituŋa ŋulu gelae ka ŋikawuotok anakwap a na.

Akis. 1:9

Ayoŋ Yoana lokaato kus ikimori kaapei ka iyes atitinyikinit ŋican ŋulu eryamunito ŋituŋa ŋulu erae ŋulu ka Apukan a Yesu. Abu oyakaun loculat ŋolo ka anam ŋolo enyaritae Patimos aŋuna a ŋakiro a ŋuna ka Akuj ka aŋuna ka akiteyenunet a ŋina a Yesu.

1 Pet. 5:1

Ŋikatukok, ayoŋ ŋolopei arae ekatukon, ŋolo arae esuuda a ŋican a Kristo, ŋolo alosi aryamun atyaket anapolou a ŋina itoodiunio: ekelipit iyes!

Ŋibur. 10:35

Aŋun, nyijamakis atitinyikinit kus ŋina ikiteryamuni iyes eropit ŋolo apolon.

2 Ŋikor. 5:8

Ikiyakar isua atitinyu, ido ikiburit isua nooi akimyekin ekuwane lo, ido oruko ke Ekapolon anakuj.

Isa. 36:4

Tolimok ekapolon a ŋasigarya ka Asiriya ikes tema, “Tolimokisi Esekia ebe, ‘Alimu erwosit ŋolo apolon, erwosit ŋolo ka Asiriya atemar ŋae mono ikinyomit iyoŋ anakituro kon?

Isa. 30:15

Irworo Ekapolon Akuj ŋina asegan ŋina Isirael ŋakiro nu, “Ani kerae toboŋunito iyes neni kaŋ, toryamunito akieŋun, kiuna; ani kerae kiapara iyes aneni kaŋ, ikikinyoma ayoŋ, kiryamunito agogoŋu.” Nai ipotu iyes nyicamut ŋun,

Ŋakit. 14:26

Ani itopoloorit ituŋanan Ekapolon, eryamuni atitinyu ŋina nyiryaŋiryaŋa, ido eryamunete ŋidwe a ituŋanan a ŋin neni eiunotor.

Ŋikiru. 119:19

Eboi ayoŋ anakwap arae igelaanot; nyiwua aneni kaŋ ŋakiciketa kon.

Ŋikiru. 39:12

Kiira akilip kaŋ okoe Ekapolon, topupok akigworo kaŋ, ido ikiŋarak, nyiwou akiirar akigworo kaŋ, anerae ikirukit ayoŋ ka iyoŋ arae ekaloton, arae ayoŋ egelaanot lopite ŋolo araakatar atapapaa kaŋ daadaŋ ŋigelaanotin.

1 Ŋakiro a ŋirwa 29:15

Iyeni iyoŋ Ekapolon atemar ikilosi isua anakiyar a na ikwa ŋipeyok ka ŋigelaanotin lopite ŋolo koloŋ atapapaa kosi. Ikwaan ŋirwa kosi anakwap ka etorube, ido ikimamukar isua akigeno.

Ŋibur. 13:14

Anerae emam iwon ere anakwap a na ŋolo epedorere iwon akiboiyo ŋikaru ka ŋikaru; nai ikiitanit iwon nooi aryamun ere ŋolo ebuni rwanu.