2 Ŋikor. 4:12 - Ebaibul

¹² Iŋes atemar itiyae atwanare aneni kosi, nai itiyae akiyar aneni kus.

2 Ŋikor. 4:12 Iomraidhean Croise

Ŋitic. 20:24

Nai aneni kaŋ nyepol akiyar nooi akilo aŋetakin akerit na ŋina erae etic ŋolo akainakinit Ekapolon Yesu ayoŋ akitiya. Etic ŋol iŋes akiteyenun Ŋakiro ŋuna Ajokak ŋuna ka ajokis a ŋina ka Akuj.

1 Ŋikor. 4:10

Aŋuna a Kristo, ikirae isua ŋibaŋaanotin, nai iosok iyes anakimorikina ka Kristo! Ikipalag isua, nai igogoŋ iyes. Ikijamuwaritae isua, nai ikitopolooritae iyes!

2 Ŋikor. 12:15

Abuni ayoŋ alakari nooi erae kekesunyak iyes ŋinibore daadaŋ ayakar ka ojal akuwan kaŋ daŋ aŋuna ka akiŋarakin ŋitai kus. Kaanukiro ikiminatar iyes ayoŋ iwadiocici aŋuna akaminar ayoŋ iyes nooi?

2 Ŋikor. 13:9

Ikilakara isua ŋina igogoŋioto iyes, tari kikipalag isua. Aŋun, ikilipit isua Akuj kitogogoŋ ŋitai kus jik.

2 Ŋikor. 4:11

Anakiyar kosi a daadaŋ ikiyapikinit isua jwi jwi atwanare aŋuna a Yesu, ikotere itoodiunere akiyar a Yesu anawat kosi a ŋuna etwakete.

2 Ŋikor. 4:13

Ebasi Ŋakigireta ebe, “Abu ayoŋ erwor, anerae abu onup”. Alonupitene a ŋolopei, ikinupit isua daŋ ka erae ŋakiro ŋun ikirworor.

Ŋipil. 2:17

Nai tari erae kainak akiyar kaŋ ikwa amuronot, kiyatakinae namuronot kus, ŋina erae anupit kus; alakari ayoŋ ka ikimori alelyan kus.

Ŋipil. 2:30

anerae adikino iŋes ejali akiyar keŋ aŋuna ke etic a Kristo aŋuna ka akiŋarakin ayoŋ alopite a ŋolo pa ipedoritotor iyes ŋilopeyek akiŋarakinia ayoŋ alotic a ŋol.

1 Yoa. 3:16

Epite lo ikiyenia iwon amina: abu Kristo tojal akiyar keŋ aŋuna yok. Ojala iwon daŋ akiyar yok aŋuna a ŋikaitotoi yok!