2 Ŋikor. 3:6 - Ebaibul

⁶ Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.

2 Ŋikor. 3:6 Iomraidhean Croise

Yer. 31:31

Alimu Ekapolon ebe, “Kire jik, eponito ŋirwa ŋulu ewuakinia ayoŋ acamunet ŋinakitete ŋina ikicamunor ayoŋ ka ŋituŋa a Isirael ka ŋulu a Yudaya.

Mat. 13:52

Tolimok Yesu ikes tema, “Itoodiunito ŋakiro ŋun atemar eketataman a Ŋikisila ŋolo itatamitae aŋuna ka Apukan a ŋina anakuj, ikoni elope a akai ŋolo itoodiuni anabaru keŋ ŋiboro ŋulu kitet ka ŋulu ŋorok.”

Mat. 26:28

anerae erae nugu ŋaokot kaŋ, ŋaokot ŋuna ka Acamunet, ŋuna ebukoritae ikotere ŋulu alalak isyoniyo ŋasecisya.

Mar. 14:24

Tolimok Yesu ikes tema, “Erae nu ŋaokot kaŋ, ŋuna ka Acamunet, ŋuna ebukoritae ikotere ŋikalalak.

Luk. 22:20

Ikwaŋinapei kedaun akimuj, abu iŋes tolemu ekopo, inak ikes tema, “Erae logo ekopo ŋolo a ŋaokot kaŋ aŋuna ka Acamunet a ŋina kitete ŋuna ebukoritae ikotere iyes.]

Yoa. 5:21

Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 6:63

Erae Etau ŋolo ka Akuj iŋes ikiini akiyar; ecaryono apedor ŋina a ituŋanan. Ŋuna akalimok ayoŋ iyes erae ŋuna ileleba Etau tooma kec ka eyaunete akiyar.

Ŋirom. 1:5

Akainaki Akuj ayoŋ arereŋu aneni a Yesu Kristo; arereŋu ŋina ruworet ekiyakia, ikotere etunupya ka esiwuapya ŋituŋa a ŋakwapin a daadaŋ ŋakiro keŋ, ido kitopolooroe ekiro a Kristo.

Ŋirom. 3:20

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

Ŋirom. 4:15

Anerae eyaunete Ŋikisila anyunyura ŋina ka Akuj erae kebila ŋituŋa Ŋikisila: nai neni emam Ŋikisila, emam Ŋikisila ebilyo.

Ŋirom. 4:17

ikwapei igiritere Nakigireta ebe, “Ayoŋ Akuj eketuruwo iyoŋ papa a ŋibukui a ŋulu alalak.” Aŋun, erae Aburaam Paapa yok alokiŋaren Akuj ŋina abu iŋes tonup--Akuj ŋina iteyarununui ŋikatwak, ŋina iteyakauni analimunet keŋ ibore ŋini sek pa ayai.

Ŋirom. 7:6

Nai tokona, ikilacakina iwon aneni a Ŋikisila, anerae ikipotu iwon otwaka alokiŋaren Ŋikisila ŋulu sek ikituruworito iwon ŋimabus. Nyeriŋa tokona iwon ikitiyae etic ŋolo ka Akuj alopite a ŋoloŋorot a ŋolo ke ekisil a ŋolo igiritae, nai alopite a ŋolokitete a ŋolo ke Etau ka Akuj.

Ŋirom. 8:2

Anerae ekisil ŋolo ke Etau a ŋolo ka Akuj, ŋolo eyaununui akiyar neni yok anakimorikina ka Yesu Kristo, iŋes akalacu ayoŋ alokisil a ŋolo ka asecit a ŋina ikirikori natwanare.

1 Ŋikor. 11:25

Ikoŋinapei, kirikakis akimuj, tolemu ekopo tema, “Erae logo ekopo ŋolo a ŋaokot kaŋ a ŋuna ka Acamunet a ŋina kitete. Apaki daadaŋ ŋina imasyata iyes alokopo a lo, tomata ikiitunitotor ayoŋ.”

1 Ŋikor. 12:28

Anatukot a Ŋikristo, adau Akuj akiwuakin ŋituŋa loticisyo kec: ŋulu esyaunak erae ŋikiyakia, ŋulu a ŋiarei erae ŋikadwarak, ŋulu a ŋiuni erae ŋiketatamak, totupakis ŋulu etiyak ŋakujuwuanisya ka nabo ŋulu einakinitae apedor akitaŋaleunun ŋidekesyo; ŋice akiŋarakin ŋuluce, ŋice apolokinit ŋuluce ka ŋice daŋ akirworo ŋaŋajepa ŋuna egelaaka ŋuna ke Etau.

1 Ŋikor. 15:45

Anerae ebasi Ŋakigireta ebe, “Abu Akuj tosub ituŋanan ŋini ke ekiŋaren--Adam--erae ituŋanan ŋini eyari”; nai Adam ŋolo esidyon--Kristo--abu toruwor Etau ŋolo einanakini akiyar.

1 Ŋikor. 3:10

Aŋuna ka ajokis a ŋina abu Akuj okoinak ayoŋ, abu etiya ikwa ekadukon ŋolo aoson, odukok akisyakinet ŋina ka akai, ido eduki ituŋanan ice akai ŋin. Nai itemokino ŋinituŋanan tocoikinete epite ŋolo edukyo akai ŋin.

1 Ŋikor. 3:5

Nyo mono ca Apolo? Ka nyo erae Paulo? Ikirae isua ŋiketiyak ŋulu ka Akuj ŋulu apotu ikitunupa iyes, ikwaŋina ekorakinitor Ekapolon ŋinituŋanan ekeetic.

2 Ŋikor. 11:23

Eraakasi ikes ŋiketiyak a Kristo a? Erworo ayoŋ ikwa ŋolo a ŋikerep--eloit ayoŋ ikes anaraakau eketiyan! -- Abu ayoŋ etiya nooi adepar, aponi ekewuakin mabus ŋarwa ŋakalalak, ekebuŋatae ŋakibuŋa ŋuna nyimarun, ŋapakio ŋuna alalak adikino atwani.

2 Ŋikor. 3:14

Apotu ŋatameta kec kiryokiata! Tari tokona daŋ, ŋina esyometa ikes ŋakiro ŋuna ka Acamunet a ŋina Ŋorot, eriŋa ŋatameta kec erapap ka akitambara a ŋinapei a ŋin. Elemanaryo akitambara ŋin apaki bon ŋina imorikinotor ituŋanan ka Kristo.

2 Ŋikor. 3:3

Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.

2 Ŋikor. 3:7

Edeŋokinitoe Ŋikisila namoru, ido abu akica ŋina ka Akuj totakanu apaki ŋina epotunere ikes ka akwaŋ nooi akica aloreet a Moses, kilore Ŋisirael nyepedosi akitere iŋes. Ikwapei keponiata Ŋikisila ŋulu eyaunete atwanare torukut ka akica ŋina etya ŋin,

2 Ŋikor. 3:9

Ani ketya nen apolou ŋina a ŋiticisyo a ŋulu ka atubokino, etya nai ai ŋina a ŋiticisyo a ŋulu ka aiuno!

Ŋigal. 3:21

Apolou mono a ŋakiro a ŋun atemar itepegito Ŋikisila ŋakiikineta ŋuna ka Akuj a? Mam jik! Anerae ani kerae toryamunite ituŋanan Ŋikisila ŋulu epedorete ayaun akiyar, kepedo nai ŋinituŋanan aruwor ŋini iyookino alokiŋaren Akuj aŋuna ka akiwuapit Ŋikisila.

Ŋiep. 2:1

Paaran sek, itwakito iyes alotai alokiŋaren Akuj aŋuna ka aronis ka aŋuna a ŋasecisya kus.

Ŋiep. 2:5

tari ŋina ikitwakitor iwon alotai alokiŋaren Akuj aŋuna a ŋasecisya yok, abu iŋes ikiinak iwon akiyar kaapei ka Kristo. Toyenutu: erae aŋuna ka ajokis a ŋina ka Akuj ikiunere iyes!

Ŋiep. 3:7

Aponi eketuruwor ayoŋ eketiyan ŋolo a Ŋakiro a ŋuna Ajokak alotooma ainakinet ŋina abu Akuj okoinak ayoŋ anajokis keŋ alotooma apedor keŋ ŋina itiyaa iŋes etic.

Ŋikis. 27:26

“‘Ilamam ituŋanan daadaŋ ŋini nyitopoloorit ŋakiro ŋuna a ŋikisila a lu aŋuna nyiwuapitor ikes.’ “Eboŋokinete ŋituŋa daadaŋ temasi, ‘Kiyookin ŋun.’ ”

1 Tim. 4:6

Ani kilimok iyoŋ ŋakiro nu neni a ŋikaitotoi alotooma Kristo, iruwor iyoŋ eketiyan a Yesu Kristo ŋolo ajokan, apaki daadaŋ ŋina irubakinitor iyoŋ iryamunit agogoŋu anakiro a ŋuna ka anupit ka anakitatam a ŋina ajokan a ŋina idau iyoŋ akiwuap.

2 Tim. 1:11

Iŋes nai ekeyakuunere ayoŋ ikwapei ekeseran ka ekiyakia akitatam Ŋakiro ŋuna Ajokak ŋun;

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

Ŋibur. 13:20

Eteyaru Akuj alokatwak Ekapolon yok Yesu ŋolo abu toruwor Ekeyokon a ŋamesekin ŋolo apolon anaokot keŋ a ŋuna ka Acamunet a ŋina nyedaun.

Ŋibur. 7:22

Alotooma ŋakiro ŋuna egelegelya ŋun, ikiinak Yesu iwon ŋuna itoodiunito atemar erae na Acamunet ŋina ejok adepar.

Ŋibur. 8:13

Anakirworo ŋuna ka Acamunet a ŋina Kitete, itoodiunit Akuj atemar aŋoroton ŋina ke ekiŋaren; ibore nai ŋini aŋoroton ka elosi amojoŋiyar, erae ikaŋopiyaran.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

1 Yoa. 1:1

Erae ŋakiro nu ŋuna ikamunito Akirot ŋina ka akiyar a ŋina ayai anakisyakinet. Aponi isua kiirarae ka kiŋolikinae a ŋakonyen kosi a ŋilopeyek; kire ikianyu isua iŋes ka ikitap a ŋakan kosi.