2 Ŋikor. 3:3 - Ebaibul

³ Iyookino kire atemar iraakasi iyes abaruwa ŋina a Kristo, ŋina erae isua ikigirit. Nyigiritae iŋes ka akalam, nai igiritae a Etau a ŋolo ka Akuj a ŋina eyari ka nyigiritae namoru, nai lotai a ŋituŋa.

2 Ŋikor. 3:3 Iomraidhean Croise

Ŋikiru. 40:8

‘Alakara ayoŋ akitiya ŋuna icamit iyoŋ, okoe Akuj kaŋ, ewuakinit ayoŋ ŋikisila kon lotau kaŋ.’”

Ŋikiru. 42:2

Ekeitanit ayoŋ iyoŋ Akuj, ekeitanit ayoŋ iyoŋ nooi Akuj ŋina iyari; ori alosyo ayoŋ akilip neni kon aneni iyai iyoŋ Akuj.

Ŋikiru. 84:2

Ekeburit ayoŋ nooi ayakau Kai ke Ekapolon a etau kaŋ a daadaŋ ka a akuwan kaŋ a daadaŋ, aeikini ayoŋ ka alelyanu neni ka Akuj a ŋina eyari.

Awos. 24:12

Tema Ekapolon neni a Moses, “Bua neni kaŋ ne kidiama emoru, kidareu a ne; okoinak iyoŋ ŋamoru ŋuna edapal ŋuna eyakasi ŋikisila ka Ŋakiciketa. Egirit ayoŋ ŋikisila ka Ŋakiciketa nen aŋuna ka akitatamya ŋituŋa.”

Awos. 31:18

Ani kedau Ekapolon akisirwor Moses alokidiama emoru Sinai, abu Ekapolon inak Moses ŋamoru ŋunadapal ŋaarei ŋuna ka Acamunet, ŋuna egirit Akuj ŋakiro ke ekimoin keŋ.

Awos. 32:15

Abu nai Moses toboŋu, totiyaun alomoru edakit ŋamoru ŋunaarei ŋunadapal ŋuna ka Acamunet. Egiritae ŋiwaetin daadaŋ a ŋamoru a ŋun, iŋes atemar kiŋaren ka kaku.

Awos. 34:1

Tema Ekapolon neni a Moses, “Kicieu ŋamoru ŋunadapal ŋaarei, ŋuna ikote ŋunakuar a ekiŋaren, ido egiri ayoŋ nen ŋakiro ŋunakuar egirir namoru ŋunadapal ŋuna a ekiŋaren, ŋuna ibu iyoŋ tobwaŋ.

Ŋakit. 3:3

Nyijamak amina ka akikinyoma, kitusub ikes eborosit ŋolo ebusan ŋolo inapit iyoŋ alodokole, kigirak ikes lotau kon.

Ŋakit. 7:3

Kiwuap ŋakiro kaŋ ŋapakio daadaŋ, kigirak ŋun lotau kon.

Yer. 10:10

Nai erae Ekapolon Akuj ŋina a kire, erae iŋes Akuj ŋina eyari ka erwosit ŋolo a ŋikaru ka ŋikaru. Ani enyunyurikin iŋes, tomaranik akwap ka nyepedorete ŋituŋa a ŋakwapin akidaŋidaŋ aŋoit keŋ.

Yer. 17:1

Igiritae asecit a ŋituŋa a Yudaya ka akalamu a ŋina erae asuwat, igirakinitae lotai kec a akou a akalamu a ŋina erae asuwat ŋina enyaritae diamon ka igirakinitae namomwar a ŋamuroeta kec.

Yer. 31:33

Nai erae na acamunet ŋina ikicamunor ayoŋ ka ŋituŋa a Isirael; kelunyar ŋirwa ŋul, ewuakini ayoŋ ŋikisila kaŋ tooma kec ka egirakini lotai kec, aruwor ayoŋ Akuj kec, ido eruworosi ikes ŋituŋa kaŋ.

Esek. 11:19

Ainakini ayoŋ ikes toyakaunotor etau epei, ewuakini ayoŋ etau ŋolokitete neni kec, alemari ayoŋ agogoŋu a ŋakyes kec aneni kec, oinak ikes ŋitai ŋulu iwuapito ŋuna abala ayoŋ,

Dan. 6:26

Atub ayoŋ ŋakiro atemar alotooma akwap ŋina epukat ayoŋ daadaŋ, itemokino ŋituŋa tomarana ka kitopoloosi Akuj a Daniel, anerae erae iŋes Akuj ŋina eyari, ŋina iboi ŋikaru ka ŋikaru. Mam ituŋanan inyasuni apukan keŋ, ka nyesaluni apukan keŋ.

Mat. 16:16

Toboŋok Simoni Petero tema, “Irae iyoŋ Kristo, Lokoku ka Akuj a ŋina eyari.”

1 Ŋikor. 3:5

Nyo mono ca Apolo? Ka nyo erae Paulo? Ikirae isua ŋiketiyak ŋulu ka Akuj ŋulu apotu ikitunupa iyes, ikwaŋina ekorakinitor Ekapolon ŋinituŋanan ekeetic.

2 Ŋikor. 3:6

Erae iŋes abu ikiinak isua apedor ŋina kitiyanakinet neni ka Acamunet a ŋina kitete, meere ŋina a Ŋikisila a ŋulu igirir, nai ŋina ke Etau, anerae Ŋikisila ŋulu igiritae ikiarete, nai ikiinanakini Etau akiyar.

2 Ŋikor. 3:7

Edeŋokinitoe Ŋikisila namoru, ido abu akica ŋina ka Akuj totakanu apaki ŋina epotunere ikes ka akwaŋ nooi akica aloreet a Moses, kilore Ŋisirael nyepedosi akitere iŋes. Ikwapei keponiata Ŋikisila ŋulu eyaunete atwanare torukut ka akica ŋina etya ŋin,

2 Ŋikor. 6:16

Ikokinete ŋakujo ŋace elomarete Kai ka Akuj ai? Anerae ikirae iwon Akai ka Akuj a ŋina eyari! Ikwaŋina elimunitor Akuj ebe, “Abuni akiboi alotuŋa kaŋ, ido oruko ka ikes; oruwor ayoŋ Akuj kec ka eruworosi ikes ŋituŋa kaŋ.”

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

Ŋibur. 10:16

“Ebala Ekapolon, erae tokona na Acamunet ŋina ikicamunor ayoŋ ka ikes alorwa a ŋulu eponito. Eteyenuni ayoŋ ikes Ŋikisila kaŋ anatameta kec, egirakini daŋ ikes lotai kec.”

Ŋibur. 8:10

Tokona erae na Acamunet ŋina ikicamunor ayoŋ ka ŋituŋa a Isirael alorwa a ŋulu eponito: Ewuakini ayoŋ Ŋikisila kaŋ natameta kec, egirakini daŋ ikes lotai kec. Aruwor ayoŋ Akuj kec ka eruworosi ikes ŋituŋa kaŋ.

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

Yos. 3:10

Tema Yosua “Iyenunete iyes atemar irukito kire ka Akuj ŋina eyari ŋina esurokini alokiŋaren kus ŋituŋa ŋulu enyaritae Ŋikanaani, Ŋiitaiti, Ŋiipi, Ŋiperisi, Ŋigerigasi, Ŋiamori ka Ŋiyebusi, iyenunete iyes ŋun alopite a lo:

Akis. 2:1

“Kigir neni ke emalaika a ŋolo ka atukot a Ŋikristo alo Epeso atemar: “Erae ŋakiro nu ŋuna eponito aneni a ŋolo edakit ŋikacer ŋikanikaarei anakan keŋ a ŋina aloteten, ka ŋolo elosi alokidiŋ ŋawuoeta a ŋitaae ŋunakanikaarei ŋuna itiyaunitae a egolid.

Akis. 2:12

“Kigir neni ke emalaika a ŋolo ka atukot a Ŋikristo alo Perigamo atemar: “Erae ŋakiro nu ŋuna eponito aneni a ŋolo eyakar atum ŋina ekwaka ŋiwaetin daadaŋ.

Akis. 2:18

“Kigir neni ke emalaika a ŋolo ka atukot a Ŋikristo alo Tyatira atemar: “Erae ŋakiro nu ŋuna a Lokoku ka Akuj, a ŋolo ikote ŋakonyen arira ŋina ka akim ka ŋolo ecayete ŋakejen keŋ ikwa asuwat ŋina epwasitae.

Akis. 2:8

“Kigir neni ke emalaika a ŋolo ka atukot a Ŋikristo alo Simirina atemar: “Erae ŋakiro nu ŋuna eponito aneni a ŋolo erae ŋolo Eŋarenon ka ŋolo Esidyon, ŋolo abu totwan ka toyaru nabo.

Akis. 3:1

“Kigir neni ke emalaika a ŋolo ka atukot a Ŋikristo alo Sardis atemar: “Erae ŋakiro nu ŋuna eponito aneni a ŋolo eyakar ŋitai ŋulu ka Akuj ŋulukanikaarei ka ŋikacer ŋulukanikaarei. Ayeni ayoŋ ŋiticisyo kon; itakani iyoŋ iyari, nai itwanit.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.

Akis. 3:22

“Iŋes ŋini eya ŋaki, kiira ŋuna irworo Etau natukon ŋuna a Ŋikristo.”

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.

1 Sam. 17:26

Kiŋit Daudi ŋikilyok ŋulu awuasi alodiyete keŋ, tema, “Anukiro itiyakinio neni a ekile a ŋolo epedori akiar Epilistait ŋol, tojoŋoi ajamuwarit Ŋisirael? Ŋae mono Epilistait ŋol ŋolo tari nyileŋeritae, ebuni ajamuwar ŋajorei ka Akuj a ŋina eyari?”