2 Ŋikor. 11:4 - Ebaibul

⁴ Anerae iminasi iyes adaŋit ŋakiro a ituŋanan ca daadaŋ a ŋini ebuni neni kus alimonokin ŋuna a Yesu a ece, nai meere ŋuna a Yesu a ŋolo ikilimonokini isua iyes; icamut iyes etau ka ŋakiro ŋuna ajokak ŋace, ŋuna egelaaka alotau a ŋolo ka Akuj ka a Nakiro a ŋuna Ajokak a ŋuna ipotu iyes kijaut aneni kosi.

2 Ŋikor. 11:4 Iomraidhean Croise

Mar. 7:9

Tolimok nabo Yesu ikes tema, “Iyenete iyes kire epite ŋolo ŋeryet ŋakiciketa ŋuna ka Akuj, ikotere iricakiniata ŋitalyo kus.

Ŋitic. 4:12

Emam aiuno aneni a ice a daadaŋ, anerae emam ekiro ece anakwap a daadaŋ ŋolo einit Akuj ŋituŋa, ŋolo epedoryata ŋituŋa aiunor.”

Ŋirom. 8:15

Anerae abu Akuj nyikiinak Etau ŋolo abu ikituruwo iyes ŋipi keŋ, ido tokuryaketa nabo. Nai ikiinak iŋes iyes Etau ŋolo ikituruwo ŋidwe keŋ ka anapedor a ŋina ke Etau, ikiworouni neni ka Akuj otemasi, “Papa! Apa kaŋ!”

1 Ŋikor. 3:11

Anerae emam akisyakinet ace ŋina epedori idiotuŋanan abokakin akilo ŋina erae Yesu Kristo.

2 Ŋikor. 11:1

Eitanit ayoŋ atemar itodaŋ iyes ayoŋ, tari kabaŋaana ayoŋ iwadio. Okoe, todaŋae ayoŋ!

2 Ŋikor. 2:12

Ani ŋina adolunio ayoŋ Toroas alimonokin Ŋakiro ŋuna Ajokak ŋuna a Kristo, abu oryamu atemar kesir Ekapolon keŋaa aina erot ŋolo a Ŋakiro a ŋuna Ajokak.

Ŋigal. 3:2

Tolimokinae ayoŋ akirot na apei: Ipotu mono iyes toryamut Etau ŋolo ka Akuj anakitiya ŋuna ecamito Ŋikisila kori anakiirar Ŋakiro ŋuna Ajokak, ido tonupa?

1 Tim. 1:3

Acamit ayoŋ iyoŋ kiboi alo Epeso ikwapei akadyekitor ayoŋ iyoŋ apaki ŋina alosio ayoŋ Makedonia. Itatamete ŋituŋa ŋice aina ŋakiro ŋuna erae alyokonu, ido itemokino iyoŋ kicikak ikes tojoŋoto akitatam ŋakiro ŋun.

1 Tim. 2:5

Anerae eyai Akuj apei bon ka eyai epei bon ŋolo erae ekemorikinan Akuj ka ŋituŋa; ituŋanan ŋin, iŋes Yesu Kristo.