2 Ŋikor. 11:3 - Ebaibul

³ Nai akuryanit ayoŋ ebe ikwaŋina abunio emun tomodikinia Epa ka aosou keŋ, itooliyoryo ŋatameta kus anakikinyomit ka ananupit Kristo.

2 Ŋikor. 11:3 Iomraidhean Croise

Akisy. 3:1

Arae emun etyaŋ ŋolo aratana ka aos nooi akilo ŋityaŋ daadaŋ ŋulu ka ariet ŋulu abu Ekapolon Akuj tosub. Tolimok emun aberu tema, “Erae mono kire atemar ikilimokinit iyes Akuj ebe, ‘Nyinyam arait a ekitoe a edio alomanikor’ a?”

Akisy. 3:13

Kiŋit Ekapolon Akuj aberu tema, “Anukiro nu ŋuna itiya iyoŋ?” Tema aberu, “Emun akamodikini ayoŋ, ido abu onyam.”

Akisy. 3:20

Tolimok ekile aberu keŋ ekiro Epa, anerae abu iŋes toruwor toto a ŋituŋa a daadaŋ a ŋulu eyarete.

Akisy. 3:4

Nai tolimok emun aberu tema, “Kire jik nyitwakete iyes.

Ŋikiru. 119:53

Ani eŋolikini ayoŋ ŋulu aronok ŋulu eŋerito ŋikisila kon, aŋoyenene ayoŋ nooi.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋirom. 12:8

Ani kerae akisimukekin ŋuluce, itemokino iwon esimukekisi. Ituŋanan daadaŋ ŋini ipotonori ka arimao neni a ŋuluce, itemokino kitiya ka alakara. Ituŋanan daadaŋ ŋini erae ekarikon, itemokino kitiya ka alelakinit.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 11:20

Idaŋito iyes ituŋanan ŋini ikitusubunit iyes ŋipi kori ŋini ikinipit kori ikilokit kori ikijamuwarit kori ikibapabapae iyes.

2 Ŋikor. 11:29

Ani epalag idiotuŋanan, ayoŋ daŋ apalagagi; ani kiteseci idiotuŋanan, eyaloloŋi ayoŋ daŋ.

2 Ŋikor. 2:17

Nyikikwaan isua ka ŋuluce ŋulu elalak, ŋulu itusubunito etic ŋolo ka Akuj ŋolo kicurutaet; nai aŋuna eraakar Akuj ikiyakit isua, ikirworo isua ŋuna a kire alokiŋaren keŋ aŋuna ikiraakar ŋiketiyak ŋulu a Kristo.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

Ŋigal. 1:6

Aumokinit ayoŋ aŋuna kus! Alotooma apaki ŋina auruwuanan, iesikis iyes Akuj ŋina abu ikinyarau iyes aŋuna ka ajokis a Kristo ka icamut Ŋakiro ŋuna Ajokak ŋace!

Ŋigal. 2:4

Nai acamito ŋice atemar kitiyae ikoŋina. Apotu ŋikilyok ŋul kirepunos natukot kosi erae ŋikaripiripak itusubuna ŋikanupak, aŋuna ka akimimaun alacakina ŋina ayakare isua anakimorikina kosi ka Yesu Kristo. Apotu ikes kitiyata ŋun, anerae acamito akitiŋakin isua akiwuap Ŋikisila a Moses.

Ŋigal. 3:1

Iyes Ŋigalatiyae, ŋibaŋaanotin! Ŋae ikirogat iyes? Arae kiŋaren kus a ŋilopeyek aponere kisileereunere ŋakiro ŋuna ka atwanare a Yesu Kristo alomusalaba!

Ŋigal. 4:11

Akabulit ayoŋ aŋuna kus! Apolou keŋ mono atemar etic daadaŋ ŋolo etiya ayoŋ aŋuna kus aruwor ekoŋinait a?

Ŋiep. 4:14

Ejoŋoo nai iwon ayakau ikisibit ŋidwe, ŋulu ikiryaŋiryaŋete ŋakitatameta a ŋituŋa a ŋulu alyokonok, ikwa ataker ŋina iryaŋiryaŋete ŋikaguragurae ŋulu a ŋakipi; iteseceneneete ŋituŋa ŋul ŋuluce aŋuna ka amodiyo a ŋina elimonokinete ikes.

Ŋiep. 4:22

Aŋun, tolemasi ŋipitesyo ŋulu ke ekuwane kus a ŋoloŋorot a ŋolo paaran iyaryata iyes--ekuwane ŋolo ŋorot, ŋolo abu ikinyasu iyes alokibure keŋ a ŋolo ka amodiyo.

Ŋiep. 6:24

Toyai ajokis ŋina ka Akuj neni a daadaŋ a ŋulu eminasi Ekapolon yok Yesu Kristo alotooma amina ŋina nyedaun.

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

Ŋikol. 2:4

Alimunit ayoŋ ŋun, ikotere nyikisupa iyes idiotuŋanan a ŋakiro a ŋuna erae alyokonu.

Ŋikol. 2:8

Nyicamut nai idiotuŋanan ikisupari iyes alotooma aosou a ŋituŋa ŋina erae amodiyo ŋina koŋinait, ŋina ebunit anakitatam a ŋituŋa ka aneni a ŋipyan a ŋulu ipukato akwap na, meere aneni a Kristo.

1 Ŋites. 3:5

Aŋakiro a ŋun, pa apedorit ayoŋ akidaŋidaŋakin jik; ido abu eyaku Timoteo, ikotere oyenunia epite ŋolo eyakar anupit kus, anerae akuryanit ayoŋ atemar acepaki kedau Satan eketemon akitem iyes ka aruwor etic kosi ekoŋinait!

1 Tim. 1:3

Acamit ayoŋ iyoŋ kiboi alo Epeso ikwapei akadyekitor ayoŋ iyoŋ apaki ŋina alosio ayoŋ Makedonia. Itatamete ŋituŋa ŋice aina ŋakiro ŋuna erae alyokonu, ido itemokino iyoŋ kicikak ikes tojoŋoto akitatam ŋakiro ŋun.

1 Tim. 2:14

Nabo meere Adam aponi tomodikinae, nai arae aberu, ido tobil ekisil ŋolo ka Akuj.

2 Tim. 3:13

Nai ŋituŋa ŋulu aronok ka ŋulu a ŋisoswae erubakinete erae ŋulu aronok ka iyatakin aronis kec nooi, emodyanakinete ŋuluce ka emodikin ikes ŋilopeyek.

Tito 1:10

Anerae eyakasi ŋulu alalak, akilo nooi ŋulu ebelekinosi alodin a ŋolo a Ŋiyudayan aruwor Ŋikristo, ŋulu eŋerito akipukao ka emodyanakinete ŋuluce a ŋakiro kec a ŋuna erae ŋacaryo.

Ŋibur. 13:9

Nyicamakis ŋakitatameta ŋuna alalak ŋuna egelegelya ikibatarete iyes ananupit a ŋina a kire. Ejok iyes iryamunete alotai kus agogoŋu alotooma ajokis ŋina ka Akuj, meere alotooma akiwuapit ŋitalyo ŋulu a ŋamuja; nyiŋarakina ŋitalyo ŋul ŋituŋa ŋulu iwuapito ikes.

2 Pet. 3:17

Nai ŋikaakonei, idaut iyes ayenun ŋakiro ŋun. Totenito nai, ikotere nyikirikosi ŋadyakanareta ŋuna a ŋituŋa a ŋulu ebilibiliyete Ŋikisila, ido ikitaŋayaŋayata iyes.

2 Pet. 3:3

Ŋuna eŋarenok, itemokino iyes toyenete atemar, alorwa a ŋulu esidyok a lu, etakanunete ŋituŋa ŋice ŋulu epolokinit ekibure ŋolo aronon ŋolo a ŋawat kec. Ikikienatar ikes iyes.

1 Yoa. 2:18

Ŋidwe kaŋ, erae na apaki ŋina esidyon! Ikwaŋinapei iiraryata iyes atemar ebunit emoit ŋolo a Kristo, tari tokona daŋ, adolut ŋimoi ŋulu a Kristo ŋulu alalak; aŋun, ikiyenu iwon atemar erae apaki na ŋina esidyon.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.

Akis. 12:15

Abu nai epiu tobuk akalele ŋina a ŋakipi anakituk keŋ neni ka aberu, ikotere iwoki akalele iŋes.

Akis. 12:9

Aponi kimasunae epiu ŋolo apolon ŋol anakuj, ŋolo erae emun ŋoloŋorot ŋolo enyaritae Ekipye kori Satan; ŋolo abu tomodik akwap daadaŋ. Aponi kimasunae iŋes kwap kaapei ka ŋimalaikan keŋ.

Akis. 20:2

Kikamu iŋes epiu--emun ŋoloŋorot, ŋolo erae Ekipye ka Satan, toen iŋes a ŋiriko ŋikaru aliput apei.