2 Ŋikor. 11:2 - Ebaibul

² Ayakar ayoŋ arakao aŋuna kus ikwapei eyakar Akuj daŋ arakao aŋuna kus; ikote iyes apese ŋina nyiryamakina ka ekile, ŋina adau ayoŋ akiikin ekile epei bon akiit iŋes--Kristo elope.

2 Ŋikor. 11:2 Iomraidhean Croise

Isa. 54:5

Ikiŋarakini iyes Ekapolon lopite ŋolo iŋarakinitor ekile aberu keŋ, erae ekiro keŋ Ekapolon ŋolo a ŋajoresyo. Akuj ŋina asegan ŋina a Isirael iŋes erae Ekalakunan kus, enyaritae iŋes Akuj a akwap a daadaŋ.

Esek. 44:22

Nyemaikina ŋisacaradoti kiita aberu ŋina erae apuserut, kori ŋina aŋerosi ka ekile keŋ, nai emaikina ikes kiita aberu ŋina sek nyiryamakina ka ekile, ŋina erae ŋina alotuŋa a Isirael, kori apuserut ŋina sek arae lokile keŋ esacaradoti.

Yoa. 3:29

Ŋini eyakar ateran, iŋes erae ekeitan; nai ekone ŋolo ke ekeitan ŋolo eyai nen, elelyani nooi aŋuna epupyo etoil ŋolo ke ekeitan. Erae alakara na ŋina kaŋ ka elelebun lotau kaŋ.

Ŋirom. 7:4

Ikote iyes daŋ nenipei nen ŋikaitotoi kaŋ. Apaki ŋina iponiata iyes tomoryata atwanare a Kristo ipotu iyes tolacakinos aneni a Ŋikisila ka itwakito tokona alokiŋaren Ŋikisila. Irae iyes tokona ŋulu a Kristo a ŋolo aponi kiteyarunae alokatwak, ikotere itiyaete ŋuna ajokak aŋuna ka Akuj.

1 Ŋikor. 4:15

Tari kiyakatar iyes ŋiketatamak ŋulu alalak nooi ananupit kus Kristo, iyakatar iyes papa epei; anerae anakiyar kus iraakasi Ŋikristo, abu ayoŋ oruwor papa kus aŋuna ayaunia Ŋakiro ŋuna Ajokak neni kus.

2 Ŋikor. 4:14

Ikiyeni isua atemar, ŋolopei abu kiteyaru Ekapolon Yesu, iŋes pei ebuni akiteyarun isua daŋ kaapei ka Yesu, ido ikiya isua ka iyes kiŋaren keŋ.

Ŋigal. 4:11

Akabulit ayoŋ aŋuna kus! Apolou keŋ mono atemar etic daadaŋ ŋolo etiya ayoŋ aŋuna kus aruwor ekoŋinait a?

Ŋipil. 1:8

Eyeni Akuj atemar ŋuna erworo ayoŋ erae ŋuna a kire--akamina ayoŋ iyes lopite ŋolo ikiminar iyes Yesu Kristo.

Ŋikol. 1:28

Aŋun, elimonokinio isua ŋakiro a Kristo neni a ŋituŋa daadaŋ. Alotooma aosou daadaŋ icikanakinio ikes, ikotere yaunere ŋinituŋanan neni ka Akuj erae ŋini epakit anakiro a ŋuna ka Akuj anakimorikina ka Kristo.

1 Ŋites. 2:11

Iyenete iyes epite ŋolo eŋarakinitere isua ŋinituŋanan alokidiŋ kus ikwa iŋarakinitor papa ŋidwe keŋ.

Akis. 14:4

Erae ikes ŋikilyok ŋulu nyiryamakina ka ŋaberu, anerae etaleoro ikes. Iwuapito ikes Imesek neni elosi daadaŋ. Aponi toiunae ikes alokidiŋ ŋituŋa ŋuluce ka erae ikes ainakinet ŋina ke ekiŋaren ŋina ainakinio neni ka Akuj ka neni a Imesek.