2 Ŋikor. 10:7 - Ebaibul

⁷ Iteete iyes ŋiboro alopite a ŋolo etakaniata alokiŋa bon. Eyai idiotuŋanan ŋini ebala arae iŋes ŋini a Kristo a? Itemokino iŋes totam nabo, ido eyenuni atemar eraakae isua daŋ ŋulu a Kristo ikwapei iŋes.

2 Ŋikor. 10:7 Iomraidhean Croise

Mat. 23:5

Itiyaete ikes ŋakiro daadaŋ ecamito atemar kiŋolikis ŋituŋa ekecetic. Itopoloto ikes ŋakebei ŋuna iŋadatae ŋakiro ŋuna ka Akuj, ŋuna etorito ikes loreetin, tonapito alokeperin daŋ. Nabo isanisanito ŋilowi kec ŋulu aoyak.

Luk. 16:15

Tolimok nai Yesu ikes tema, “Iraakasi iyes ŋituŋa ŋulu itojokasi anakonyen a ŋituŋa, nai eyeni Akuj ŋuna alotai kus. Anerae ibore ŋini itopoloorito ŋituŋa, erae asiilyo aneni ka Akuj.

Yoa. 7:24

Nyitubonokinete alopite a ŋolo etakaniata ŋiboro, nai totubonokinete alopite a ŋolo eriyan.”

1 Ŋikor. 1:12

Ŋuna ayeni ayoŋ aneni kus ikes nu: irworo ŋinituŋanan alokidiŋ kus ebala, “Arae ayoŋ ŋini a Paulo”, kori “Arae ayoŋ ŋini ka Apolo”, kori “Arae ayoŋ ŋini a Petero”, kori “Arae ayoŋ ŋini a Kristo.”

1 Ŋikor. 14:37

Ani ketami ituŋanan atemar erae iŋes ekadwaran ŋolo ka Akuj kori ipukat Etau ka Akuj iŋes, itemokino toyenu atemar ŋakiro ŋuna egir ayoŋ tokona neni kus erae akiciket aneni ke Ekapolon.

1 Ŋikor. 15:23

Nai iteyarunio ŋinituŋanan ikona: eteyarun mono Kristo; ekaku iteyarunio ŋikanupak a Kristo apaki ŋina eboŋunio iŋes.

1 Ŋikor. 3:23

nai iraakasi iyes ŋulu a Kristo ka erae Kristo ŋolo ka Akuj.

1 Ŋikor. 9:1

Nyayakar mono ayoŋ apedor akitiya ŋuna acamit a? Meere mono ayoŋ ekiyakia a? Nyeŋolikinit mono ayoŋ Yesu Ekapolon yok a? Meere mono iyes ŋulu ipotu tonupa anakitatam kaŋ ŋakiro ŋuna ke Ekapolon a?

2 Ŋikor. 10:1

Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”.

2 Ŋikor. 11:18

Ikwapei eyakatar ŋulu alalak ŋulu iturosi aŋuna a ŋiboro a ŋulu ka akwap, ayoŋ daŋ etiyae ŋunapei.

2 Ŋikor. 11:23

Eraakasi ikes ŋiketiyak a Kristo a? Erworo ayoŋ ikwa ŋolo a ŋikerep--eloit ayoŋ ikes anaraakau eketiyan! -- Abu ayoŋ etiya nooi adepar, aponi ekewuakin mabus ŋarwa ŋakalalak, ekebuŋatae ŋakibuŋa ŋuna nyimarun, ŋapakio ŋuna alalak adikino atwani.

2 Ŋikor. 11:4

Anerae iminasi iyes adaŋit ŋakiro a ituŋanan ca daadaŋ a ŋini ebuni neni kus alimonokin ŋuna a Yesu a ece, nai meere ŋuna a Yesu a ŋolo ikilimonokini isua iyes; icamut iyes etau ka ŋakiro ŋuna ajokak ŋace, ŋuna egelaaka alotau a ŋolo ka Akuj ka a Nakiro a ŋuna Ajokak a ŋuna ipotu iyes kijaut aneni kosi.

2 Ŋikor. 12:11

Etiyae ayoŋ ikwa ebaŋaanot! Ipotu iyes itoreikis ayoŋ akitiya ŋun. Etemokino torae iyes ikitojokito ayoŋ. Tari karae ayoŋ ecaryoit, nyekeloito jik ayoŋ ŋituŋa ŋul ŋulu ebookoi iyes “Ŋikiyakia ŋulu apolok nooi”.

2 Ŋikor. 13:3

Ipote iyes ayenun kire atemar irworo Kristo aneni kaŋ. Nyepalag Kristo ŋina itiyaa aneni kus, nai itiyae apedor keŋ alotooma kus.

2 Ŋikor. 5:12

Nyikikatakinit isua akitojoka aneni kus; nai ikikatakinit isua ainakin iyes Ŋakiro ŋuna Ajokak, ŋuna emaikina iyes kiturokinotor aŋuna kosi, ikotere topedoryata aboŋonokin ŋulu iturosi aŋuna ke etakane a ituŋanan, nai meere aŋuna a ŋipitesyo keŋ.

Ŋigal. 3:29

Ani nai kiraakasi iyes ŋulu a Kristo, iraakasi ŋiletok ŋulu ka Aburaam ka iryamunete ŋuna adau Akuj akiikin.

1 Yoa. 4:6

Nai ikirae iwon ŋulu ka Akuj. Ŋini eyeni Akuj, epupi ŋakiro yok ka ŋini nyerae ituŋanan ŋini ka Akuj, nyepupi ŋakiro yok. Epite ŋol ikiyenunia iwon Etau ŋolo a kire ka ŋolo ka alyokonu.

1 Sam. 16:7

Nai tema Ekapolon neni a Samuel, “Nyemaikina iyoŋ kiŋolik etakane, kori aoyau keŋ, adau ayoŋ akiŋer iŋes; anerae nyite Ekapolon lopite ŋolo iteoto ŋituŋa. Iteete ŋituŋa etakane ka akuwan, nai ite Ekapolon etau a ituŋanan.”