2 Ŋikor. 10:1 - Ebaibul

¹ Ayoŋ Paulo ekemaimai iyes anakiyapara ka anarimaanut a Kristo--ayoŋ ŋolo “Akuryana apaki ŋina ikirukitor iwon” ka “Aryenyaana apaki ŋina alwania aneni kus”.

2 Ŋikor. 10:1 Iomraidhean Croise

Ŋikiru. 45:4

Alotooma ailiil kon tome aŋole irae ŋolo elounan, aŋuna ka akitogogoŋ ŋuna a kire ka akitub ŋakiro anakiyookino; irae iyoŋ erwosit ŋolo igogoŋ ka itiyae ŋiticisyo ŋulu ka aumokin.

Sakar 9:9

“Tolelyana nooi iyes ŋituŋa a Sion! Tocelutu nooi aŋuna ka alelyanu, iyes ŋituŋa a Yerusalem! Kiŋolikisi ebunit erwosit kus neni kus; Erae iŋes ŋolo iyookino ka ŋolo adau akiloun, erae iŋes ŋolo itiditeuna ka edokit isigirya, itaok ŋini ka asigirya.”

Mat. 11:29

Tolemasi ayokot kaŋ tonapa ka kisisyata aneni kaŋ; anerae apatana ka eyapara ayoŋ alotau, ido iryamunete akieŋun ŋina a ŋitai kus.

Mat. 21:5

“Tolimokisi ŋituŋa a Sion atemar, kiŋolikisi, ebunit Erwosit neni kus! Itiditeuna iŋes ka edokit isigirya, itaok ŋini ka asigirya.”

Ŋitic. 8:32

Ŋakiro ŋuna asyomi ekile ŋol a Nakigireta ikes nu: “Ikwa amesek ŋina erikoryo akiŋol kori ikwa ililiŋia imesek alokiŋaren ekatubon ŋajul keŋ, nyelimuno iŋes adiokirot.

Ŋirom. 10:20

Nyekuryana Isaya elimunit atemar, “Apotu ŋulu pa ekewarito ayoŋ okoryamut, abu ayoŋ otakanu neni a ŋulu pa ekeŋitasi ayoŋ.”

Ŋirom. 12:1

Aŋun nai, ŋikaitotoi kaŋ, aŋuna ka akisyon a ŋina apolon a ŋina ka Akuj neni yok, ekemaimai ayoŋ iyes: kituruwosi ŋawat kus amuronot ŋina eyari aŋuna ka Akuj, ŋina einakinitae neni keŋ ka ŋina italakarit iŋes. Erae ŋol epite ŋolo itemokino iyes kilipyata.

Ŋirom. 15:15

Nai eyakasi ŋakiro ŋace ŋuna eketatamunit ayoŋ iyes anabaruwa a na emam akuryanu. Ikimamukar ayoŋ akuryanu aŋuna ka ajokis a ŋina abu Akuj okoinak ayoŋ.

1 Ŋikor. 2:3

Apaki ŋin, ayai ayoŋ neni kus arae ituŋanan ŋini palag anakuryanu a ŋina apolon ka anamaran.

1 Ŋikor. 4:10

Aŋuna a Kristo, ikirae isua ŋibaŋaanotin, nai iosok iyes anakimorikina ka Kristo! Ikipalag isua, nai igogoŋ iyes. Ikijamuwaritae isua, nai ikitopolooritae iyes!

1 Ŋikor. 4:21

Nyaanu ŋuna icamito iyes? Itemokino mono ayoŋ obu neni kus ka adaset, kori a etau a ŋolo ka amina ka akiyapara.

2 Ŋikor. 10:10

Anerae, ebasi ŋice ebe, “Eryenyaaka ka etyoko ŋabaruwae a Paulo, nai ani ikirukit iŋes ka iwon, erae ŋolo epalag ka erae ŋakiro keŋ ŋacaryo!”

2 Ŋikor. 10:2

Ekelipit iyes nyikitiŋakis ayoŋ aryenyaaniar apaki ŋina adolunio inaa! Ayeni ayoŋ kire atemar apedori aryenyaanikin ŋituŋa ŋulu ikisitanakinete isua ebasi ebe ikitiyae alopite a ŋolo ka akwap a na.

2 Ŋikor. 10:7

Iteete iyes ŋiboro alopite a ŋolo etakaniata alokiŋa bon. Eyai idiotuŋanan ŋini ebala arae iŋes ŋini a Kristo a? Itemokino iŋes totam nabo, ido eyenuni atemar eraakae isua daŋ ŋulu a Kristo ikwapei iŋes.

2 Ŋikor. 11:21

Ekerumito ayoŋ ŋileec acamun atemar ikitimit isua nooi akitiya ŋakiro ŋun. Ani kepedo ituŋanan idio akiturokin aŋuna a idiobore--erworo ayoŋ nu ikwa ebaŋaanot--apedori ayoŋ daŋ akitiya ikwaŋinapei koŋin.

2 Ŋikor. 11:30

Ani kemaikina ayoŋ akiturokin, itemokino eturokin a ŋiboro a ŋulu itoodiunito atemar apalag ayoŋ.

2 Ŋikor. 12:5

Aŋun, eturokinor ayoŋ ekile ŋol, nai nyeturokin ayoŋ aŋuna kaŋ ke elope, mati apalago kaŋ bon.

2 Ŋikor. 3:12

Aŋuna ikiyakar isua akigeno na ŋina apolon, ikirworo emam akuryanu.

2 Ŋikor. 5:20

Ikirae isua ŋikawuoikinitok ŋulu a Kristo ka erae neni kosi ikinyaritor iyes Akuj anakiro kosi: alokiro a Kristo, ikimaimai isua iyes tocamut akimorikin ka Akuj.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

2 Ŋikor. 7:4

Ekekinyomit ayoŋ iyes nooi, eketuror ayoŋ iyes nooi; ileleba neni kaŋ atitinyu nooi ka alocan yok a daadaŋ, ilapara aneni kaŋ alelyan.

Ŋigal. 4:13

Iyenete iyes atemar apaki ŋina ke ekiŋaren, abu ayoŋ ogeiya alimonokin iyes Ŋakiro ŋuna Ajokak apaki ŋina adyakar ayoŋ.

Ŋigal. 5:2

Topupokisi, ayoŋ Paulo akalimokinit iyes ebe ani kicamut iyes akileŋeryo, iŋes atemar ecaryono kire Kristo aneni kus.

Ŋiep. 3:1

Aŋakiro a ŋun, elipit ayoŋ Akuj, ayoŋ Paulo ŋolo arae emabus aŋuna ejaanakinia Yesu Kristo aŋuna kus a ŋulu nyirae Ŋiyudayan.

Ŋiep. 4:1

Ekemaimai nai ayoŋ iyes--ayoŋ Paulo ŋolo arae emabus aŋuna ka akijaanakin Ekapolon Yesu: kiboiyoto lopite ŋolo itemokino iboiyoto ŋituŋa ŋulu enyarit Akuj aruwor ŋulu keŋ.

Ŋipil. 4:5

Kiyapara alotuŋa a daadaŋ. Aapuu apaki ŋina ebunio Ekapolon.

Ŋikol. 1:23

Itemokino nai iyes torubakis icasito ananupit kus, nyiryaŋiryaŋanakin anakigeno a ŋina a Ŋakiro a ŋuna Ajokak a ŋuna ipotu iyes kiirasi, ŋuna adaun alimonokin lotuŋa daadaŋ anakwapin--ŋakiro ŋun araakar ayoŋ Paulo ekalimonokinan.

2 Ŋites. 3:17

Ayoŋ Paulo egirit ŋimalasyo lu ka akan kaŋ ke elope. Epite lo iŋes egiria ayoŋ ekiro kaŋ aŋetakini akigir ŋinabaruwa kaŋ daadaŋ.

Pil. 1:19

Egiri ayoŋ nu ka akan kaŋ a elope, ayoŋ Paulo akataci iyoŋ. (Nai nyitemokino ayoŋ eketatamu iyoŋ atemar erae neni kaŋ iryamunitor iyoŋ akiyar kon ŋina kitete alotooma Kristo.)

Pil. 1:9

nai aŋuna ka amina, ayoŋ Paulo acamit akimaima iyoŋ. Etiyae ayoŋ nu, tari karae ekiyakia ka ŋolo tokona akaenitae alomabus aŋuna a Yesu Kristo.

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.

Akis. 1:9

Ayoŋ Yoana lokaato kus ikimori kaapei ka iyes atitinyikinit ŋican ŋulu eryamunito ŋituŋa ŋulu erae ŋulu ka Apukan a Yesu. Abu oyakaun loculat ŋolo ka anam ŋolo enyaritae Patimos aŋuna a ŋakiro a ŋuna ka Akuj ka aŋuna ka akiteyenunet a ŋina a Yesu.