2 Ŋikor. 1:9 - Ebaibul

⁹ Kire aponi isua totamakinae atemar ikitubokin atwanare. Nai apotu ŋun kitiyakin, ikotere nyiwuakin isua akigeno neni kosi a ŋilopeyek, nai neni ka Akuj bon, a ŋina iteyarununui ŋikatwak.

2 Ŋikor. 1:9 Iomraidhean Croise

Yob 40:14

Ani kitiya iyoŋ ŋun, ageuni ayoŋ daŋ acamun atemar epedor apedor kon a elope akiloun.

Ŋikiru. 22:29

Ilipete neni keŋ ŋikabarak daadaŋ anakwap, ilipete alokiŋaren keŋ daadaŋ ŋulu iridete nai arubakini ayoŋ ayari aŋuna ka Akuj.

Ŋakit. 14:32

Elemari ŋulu aronok aronis ŋina itiyaete ikes, nai eryamunito ŋulu iyookino aiuno aŋuna ka akiyookino kec.

Ŋakit. 28:26

Ituŋanan ŋini ikinyomit apiiryanut a ŋatameta keŋ, erae ibaŋaanot; nai iŋes ŋini iwuapit ŋuna ka aosou keŋ, eruwor ŋini eiuna bon.

Isa. 38:10

Abu ayoŋ otema, “Atamak ayoŋ atemar anapakio aŋuna ka asoroko kaŋ, emaikina ayoŋ oŋopiya; adaun ayoŋ akipotokin nakibois a ŋikatwak, ŋirwa ŋulu ka akiyar kaŋ daadaŋ.”

Esek. 33:13

Tari kalimokinit ayoŋ ŋulu iyookino atemar eyarete kire jik ikes, ani ca kikinyoma ikes nakiyookino kec ka kitiyata asecit, emam epei daŋ aloticisyo kec a ŋulu ka akiyookino ŋolo etamunio; nai etwakete ikes anasecit a ŋina etiyata ikes.

Luk. 18:9

Tolimu Yesu akitadapet naga ikotere ŋituŋa ŋulu abasi ikirae ŋulu iyookino ka tojamuwarito daŋ ŋuluce.

Ŋirom. 8:36

Ikwaŋinapei ebaakatar Ŋakigireta ebe: “Aŋuna kon Akuj, ikiapikinit isua atwanare apaaran daadaŋ; ikitiŋito ŋituŋa isua nalya ikwa ŋamesekin ŋuna emearyo akiŋol.”

2 Ŋikor. 1:10

Erae iŋes abu itoiu isua anatwanare a ŋina ikoni ŋin ka ikiuni iŋes isua nabo; ikiwuakinit isua akigeno kosi neni keŋ: ikiuni iŋes isua nabo.

2 Ŋikor. 1:8

Ŋikaitotoi, ikicamit isua iyes toyenut ŋican ŋulu aponi isua toryamunae anakwap a ŋina ka Asia. Aponi isua toryamunae ŋican ŋulu alalak nooi, tolalata ŋican ŋul nooi, todaun aneni kosi akigeno daadaŋ ŋina ka akiyar.

2 Ŋikor. 3:5

Emam ibore ŋini ikiyakar isua, ŋini ikitilimuni atemar ikiyakar isua apedor ŋinakitiyaet etic lo. Apedor ŋina ikiyakar isua ebunit aneni ka Akuj.

2 Ŋikor. 4:7

Nai iwon ŋulu ikiyakar ebari ŋolo ebunit aneni ka Akuj, ikikoni iwon ŋamoti ŋuna eyeunitae a elupe, ikotere ikitoodiunia atemar nyerae apedor ŋina apolon ŋina ka Akuj ŋina yok.

Ŋibur. 11:19

Atami Aburaam atemar epedori Akuj akiteyarun Isaka--ka ikwaan ŋakiro nu ka atemar, abu Aburaam kijau Isaka tari sek ketwanit.