2 Ŋikor. 1:12 - Ebaibul

¹² Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

2 Ŋikor. 1:12 Iomraidhean Croise

2 Sam. 22:22

anerae abu ayoŋ ewuap ŋuna abala Ekapolon, mam ŋuna aronok ŋuna etiyat ayoŋ ŋuna eketeŋerete ayoŋ Akuj kaŋ.

Yob 13:15

Kiirasi akaari ayoŋ Akuj; mam akigeno ayakar ayoŋ, nai alimori ayoŋ alokiŋaren keŋ epite ŋolo etiyator ayoŋ emam asecit.

Isa. 38:3

“Okoe Ekapolon, totamunite epite ŋolo ekekinyomitor ayoŋ iyoŋ a etau kaŋ a daadaŋ ka epite ŋolo etiyator ayoŋ neni kon ejok.” Kigwor Esekia nooi.

Ŋitic. 23:1

Kitek Paulo atukot, kirworik tema, “Ŋikaitotoi! Ecayete ŋatameta kaŋ anakiro a daadaŋ a ŋuna ikamunito akiyar kaŋ alokiŋaren Akuj akitodol akoloŋit napei na.”

Ŋitic. 24:16

Aŋun, emukekinit ayoŋ jwi jwi akitacaunit ŋatameta kaŋ alokiŋaren Akuj ka alokiŋaren ŋituŋa.

Ŋirom. 9:1

Erae ŋakiro ŋuna tokona alosi ayoŋ erwor ŋuna a kire; nyerworo ayoŋ alyokonu, anerae arae ayoŋ ŋolo a Kristo. Ŋatameta kaŋ daŋ, erae ŋuna ipukat Etau ŋolo Asegan, eketeyenunito ikes ayoŋ atemar nyerworo ayoŋ alyokonu.

1 Ŋikor. 1:17

Anerae abu Kristo nyekeyakiya ayoŋ akibatis, nai alimonokin Ŋakiro ŋuna Ajokak; meere ka aosou a ituŋanan, ikotere nyeruwor atwanare ŋina a Kristo alomusalaba akoŋinait.

1 Ŋikor. 12:8

Einakini Etau ŋolo Asegan neni a ipei apedor ŋina kirworet ŋuna ka aosou, neni a ice einakini Etau ŋolopei ŋol apedor ŋina ka ayenut ŋakiro.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

1 Ŋikor. 2:13

Aŋun nai, ikilimonokini isua ŋakiro ŋun alopite a ŋolo itatamya Etau ŋolo ka Akuj, meere alopite a ŋolo itatamyata ŋituŋa anaosou kec, nai lopite ŋolopei ikilimonokinia isua ŋakiro ŋuna ka Akuj ikwa ecamitor Etau keŋ.

1 Ŋikor. 4:4

Emam idiobore ŋini ayeni ayoŋ atemar asecit, nai nyitoodiunito ŋun atemar emam ŋuna akatubokinere ayoŋ, Akuj ŋina erae Ekapolon a daadaŋ, iŋes akatubokini ayoŋ.

1 Ŋikor. 5:8

Nyikinumunum Paska yok a ŋamugati a ŋuna eya ŋakinyalet kec ŋuna ŋorok ŋuna ka asecit ka aronis, nai enumunuma a ŋamugati a ŋuna emam ŋakinyalet--ŋamugati ŋuna itesegunitae ka ŋuna a kire.

2 Ŋikor. 1:17

Apaki ŋina atubunio ayoŋ nu, itamete mono iyes atemar kaŋayaŋayat ayoŋ a? Kori atuki ayoŋ alopite a ŋolo a ŋituŋa a ŋulu ka akwap, a ŋulu etenito atemar, “Ee, Ee” ka “Mam, Mam” apaki ŋinapei a?

2 Ŋikor. 11:3

Nai akuryanit ayoŋ ebe ikwaŋina abunio emun tomodikinia Epa ka aosou keŋ, itooliyoryo ŋatameta kus anakikinyomit ka ananupit Kristo.

2 Ŋikor. 2:17

Nyikikwaan isua ka ŋuluce ŋulu elalak, ŋulu itusubunito etic ŋolo ka Akuj ŋolo kicurutaet; nai aŋuna eraakar Akuj ikiyakit isua, ikirworo isua ŋuna a kire alokiŋaren keŋ aŋuna ikiraakar ŋiketiyak ŋulu a Kristo.

2 Ŋikor. 4:2

Aŋeri isua ŋiticisyo ŋulu ka amodiyo ŋulu iwuaitae; aŋeri isua amodiyanut ka akibatanar ŋakiro ŋuna ka Akuj. Nai ikiserae isua ŋuna a kire emam akuryanu, ikotere oryamuniata akikinyoma alotuŋa a daadaŋ alokiŋaren Akuj.

2 Ŋikor. 8:8

Nyalimunit ayoŋ ŋun erae akiciket, nai acamit aanyun akikinyoma ŋina ka amina kus alotooma akisikwaanikin ka epite ŋolo iburitor ŋituŋa ŋulu a Makedonia ainanakin.

Ŋigal. 6:4

Itemokino ŋinituŋanan toyenu ŋipitesyo keŋ. Ani kejokak, epedori nai iŋes akiturokin aŋuna adau iŋes elope akitiya, pa isikwaanit ka ŋuna adau ŋinice akitiya.

Ŋiep. 6:14

Aŋun, totenito: tonapa ŋakiro ŋuna a kire ikwa akoroba ŋina eenen nacirin kus; tonapa akiyookino ikwa arapet

Ŋipil. 1:10

topedosi nai acamun ibore ŋini ajokan nooi; ikotere toruworos ŋulu isegak alotai, tomam aronis adio daŋ, Akoloŋit ŋina eboŋunio Kristo.

1 Ŋites. 2:10

Iraakasi iyes ŋisuudae kosi, Akuj daŋ erae, iŋes atemar arae ŋipitesyo kosi ŋulu ajokak nooi, ŋulu eyookino ka ŋulu amam adyakaret adio aneni kus a ŋulu inupito.

1 Tim. 1:5

Nai ŋuna elosikinitoe isua anakitatam kosi erae amina ŋina ebunit alotau a ŋolo Asegan, anatameta a ŋuna ecayete ka ananupit a ŋina a kire.

Tito 2:7

Anakiro a daadaŋ itemokino iyoŋ elope torae akitaanyikinet ŋina a ŋipitesyo a ŋulu ajokak. Kitatam emam alyokonu ka tomukeana.

Ŋibur. 13:18

Torubakisi ikilipakinito. Ikiyeni isua kire jik atemar, ecayete ŋatameta kosi, anerae ikicamit akiboi ikirae ŋulu ikikerer alopitesyo a daadaŋ.

Yak. 4:6

Nai einanakini iŋes ajokis ŋina alalan; aŋun, elimunit Akigiret ebe, “Itepegi Akuj ŋiketurok, nai einanakini ajokis neni a ŋulu itiditeuna.”

Yos. 24:14

“Tokona nai, itemokino iyes tokerito Ekapolon ka kitiyanakis iŋes anakikinyoma kus a daadaŋ. Toŋero akitiyanakin ŋakujo ŋuna ewuapito atapapaa kus alokekwaye aŋolol Eupurate ka anakwap a Ijipit, nai kitiyanakisi Ekapolon.

1 Pet. 3:16

nai kitiyata ŋun ka apatanu ka akerit. Tocayete ŋatameta kus, ikotere ani ikiyanyo kisirumae ŋileec ŋituŋa ŋulu irworosi ŋakiro ŋuna aronok aŋuna a ŋipitesyo kus a ŋulu ajokak, ikwapei ŋikewuapak ŋulu a Kristo.

1 Pet. 3:21

Erae ŋakipi ŋun akitaanyikinet, ŋina ka akibatisao a ŋina tokona ikiununui iyes. Nyerae iŋes alemaret elos ŋolo eyai nakuwan, nai erae adyekit Akuj akitesegun ŋatameta yok, alotooma ayarun ŋina a Yesu Kristo,