1 Yoa. 5:14 - Ebaibul

¹⁴ Ikiyakar iwon atitinyu alokiŋaren Akuj, anerae ikikinyomit iwon atemar, ani kikiŋit iwon ibore daadaŋ ŋini ejok anacamit keŋ, ikiirari iŋes iwon.

1 Yoa. 5:14 Iomraidhean Croise

1 Ŋirw. 3:12

akainakini ayoŋ iyoŋ ŋuna iŋita. Akainakini ayoŋ iyoŋ ŋatameta ŋuna ka aosou ŋuna eyenete ŋuna ajokak ka ŋuna aronok; mam ituŋanan ice ŋini ekoni iyoŋ kori mam ice ŋini ikoni iyoŋ ŋini eyakaun ekaku kon.

Yob 34:28

Apotu ikes kisigworo ŋikulyak todol akigworo kec neni ka Akuj, ido abu Akuj kiira akigworo a ŋituŋa a ŋulu esicanitae.

Ŋikiru. 145:19

Isiyoonokini iŋes akiitanit a ŋulu itopoloorito iŋes; iiranari akigworo kec, eiununui ikes.

Ŋikiru. 31:22

Abu ayoŋ otema apaki ŋina ayakar locan, “idau iyoŋ akiritar ayoŋ aneni kon.” Nai ibu iyoŋ kiira akigworo kaŋ, apaki ŋina akanyara ayoŋ iyoŋ akiŋarakin ayoŋ.

Ŋikiru. 34:17

Ani kikaloikis ŋulu iyookino Ekapolon aŋuna ka akiŋarakino; iirari Ekapolon akigworo kec, ido eiuni ikes alocan kec a daadaŋ.

Ŋikiru. 69:33

anerae epupi Ekapolon ŋulu eyakatar akiitanit, ido nyejamuwarit iŋes ŋituŋa keŋ ŋulu ikamanaritae.

Ŋakit. 10:24

Ebuni neni a ŋulu aronok ibore ŋini ekerito ikes, nai einakinio ŋulu iyookino ibore ŋini iitanito ikes.

Ŋakit. 15:29

Nyecamuni Ekapolon akiirar akilip a ŋituŋa a ŋulu aronok, nai iiranari Ekapolon akilip a ŋituŋa a ŋulu iyookino.

Yer. 33:3

“Tonyarae ayoŋ, akaboŋokini ayoŋ iyoŋ, akalimokini ayoŋ iyoŋ ŋakiro ŋuna apolok, ŋuna imunonitae, ŋakiro ŋuna nyeyenuna iyoŋ.

Mat. 21:22

Ŋuna daadaŋ iŋitasi iyes anakilip iryamunete, erae kiyakatar iyes anupit.”

Yoa. 11:42

Ayeni ayoŋ atemar ikiiranari iyoŋ ayoŋ jwi jwi; nai alimunit ayoŋ ŋakiro nu, ikotere tonupyata ŋituŋa lu ŋulu ewuasi a nege daadaŋ atemar, iyoŋ kire ikiyakit ayoŋ.”

Yoa. 14:13

Ŋinibore daadaŋ iŋisete iyes alokiro kaŋ, etiyakini ayoŋ, ikotere kitopolooroe Papa aneni a Lokoku.

Yoa. 15:7

Ani kiboiyoto iyes alotooma kaŋ, nabo kiboiyoto ŋakiro kaŋ alotooma kus, kiŋita ibore daadaŋ ŋini icamito, ikiinakinio.

Yoa. 16:24

Akitodol tokona nyiŋita iyes idiobore alokiro kaŋ; kiŋita iryamunete, ikotere alelyan kus ilelebikin.

Yoa. 9:31

Ikiyeni iwon atemar nyepupi Akuj ŋikasecak, epupi ŋulu ekerito iŋes bon ka ŋulu itiyaete ŋuna ecamit iŋes ikes kitiyata.

Ŋiep. 3:12

Alotooma akimorikina ka Kristo ka aŋuna ka anupit yok neni keŋ, ikipedori iwon aponare neni ka Akuj emam akuryanu ka ikiyakar akikinyomit.

Ŋibur. 10:35

Aŋun, nyijamakis atitinyikinit kus ŋina ikiteryamuni iyes eropit ŋolo apolon.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

Ŋibur. 3:6

Nai ekinyomit Akuj Yesu ikwapei Lokoku keŋ apolokin ekal keŋ. Ikirae iwon ekal ŋolo ka Akuj, erae kikirubak ikititinyikinit ka ikituro aŋuna a ŋakiro a ŋuna ikigeno iwon.

Yak. 4:3

Tari ŋina iŋisyata iyes iŋes, nyiryamunete, anerae iŋitasi erono; iŋitasi iyes ŋiboro ŋulu isitiyaete aŋuna ke ekibure kus.

Yak. 5:16

Aŋun, tolimonokinos ŋasecisya kus make ka kilipanakinos make, ikotere ikitaŋaleunio. Akilip ŋina a ituŋanan a ŋini iyookino, eyai apedor ŋinakitiyaet ŋuna apolok.

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.