1 Yoa. 5:11 - Ebaibul

¹¹ Alimoret iŋes na: Ikiinak Akuj iwon akiyar ŋina nyedaun ka ebunit akiyar na aneni a Lokoku keŋ.

1 Yoa. 5:11 Iomraidhean Croise

Mat. 25:46

Ŋul ikes ecakakinio nakim ŋina nyeduŋe, nai ŋulu iyookino elomarete nakiyar ŋina nyedaun.”

Yoa. 1:19

Erae na akiteyenunet a Yoana ŋina a kire apaki ŋina eyakiyaryata ŋikarikok a Ŋiyudayan ŋisacaradotin ka Ŋilepei neni keŋ akiŋit iŋes atemar, “Ŋae iyoŋ?”

Yoa. 1:4

Ayai akiyar daadaŋ neni keŋ, arae akiyar ŋin akica aŋuna a ŋituŋa.

Yoa. 10:28

Ainakini ayoŋ ikes akiyar ŋina nyedaun, nyebukorosi ikes jik, emam daŋ ŋini ekopori ikes anakan kaŋ.

Yoa. 12:50

Ayeni ayoŋ atemar akiciket keŋ iŋes eyauni lotuŋa akiyar ŋina nyedaun. Ŋuna alimuni ayoŋ, alimuni alopite a ŋolo akalimokinitor Papa.”

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 19:35

(Ituŋanan ŋini ete ŋakiro ŋun itiyakin, iŋes abu kisuuda, ikotere iyes daŋ tonupyata. Ŋuna erwor iŋes erae ŋuna a kire ka eyeni atemar erworo ŋuna a kire.)

Yoa. 3:36

Ŋini enupi Lokoku, iŋes eyakar akiyar ŋina nyedaun; ŋini nyepupi Lokoku, nyeryamuni akiyar ŋin, nai eyai anyunyura ŋina ka Akuj neni keŋ.”

Yoa. 4:36

Eryamuni ŋolo elemi eropit ŋolo ka akilem--ŋaraito ŋuna ka akiyar a ŋina nyedaun, ikotere elelyanete ŋolo etan ka ŋolo aleman kaapei.

Yoa. 4:4

Aŋun, etemokino Yesu kitor Samaria.

Yoa. 5:21

Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 5:26

Ikwaŋinapei eyakar Papa akiyar tooma keŋ, ainaki iŋes Lokoku keŋ daŋ akiyar ikwaŋinapei.

Yoa. 6:40

Ŋuna ecamit Papa kaŋ ikes nu: ŋini eanyuni ka tonup Lokoku, eryamuni akiyar ŋina nyedaun. Eteyaruni ayoŋ iŋes Akoloŋit ŋina esidyon.”

Yoa. 6:47

Akalimokini ayoŋ iyes kire atemar, ŋini enupi, eryamuni akiyar ŋina nyedaun.

Yoa. 6:68

Toboŋok Simoni Petero iŋes tema, “Ekapolon, neni a ŋae ikilosi? Iyakar iyoŋ ŋakiro ŋuna ka akiyar a ŋina nyedaun.

Ŋirom. 5:21

Aŋun, ikwaŋinapei abunio asecit kipuka aŋuna ayaunia atwanare lotuŋa daadaŋ, ipukae ajokis ŋina ka Akuj daŋ aŋuna isiyookinio ŋituŋa daadaŋ, ido ikitena iwon nakiyar ŋina nyedaun alotooma Yesu Kristo Ekapolon yok.

Ŋirom. 6:23

Anerae eropit ŋolo ka asecit iŋes atwanare; nai ainakinet ŋina a ikoŋin ŋina ka Akuj iŋes akiyar ŋina nyedaun alotooma Yesu Kristo Ekapolon yok.

1 Tim. 1:16

nai aponi ekesyoni ayoŋ; ikotere nai itoodiuni Yesu Kristo akidaŋidaŋ keŋ daadaŋ alotooma ŋuna abu iŋes ekiŋaren kitiya neni kaŋ. Alopite a lo, abu eketuruwo ayoŋ akitaanyikinet neni a daadaŋ a ŋulu epote ekaku akinup Yesu, ido toryamut akiyar ŋina nyedaun.

Tito 1:2

ŋakiro ŋuna eponito anakigeno a ŋina ka akiyar a ŋina nyedaun. Abu Akuj ŋina nyelyokono ikiik iwon akiyar ŋin eriŋa ŋakwapin nyesubuna

1 Yoa. 2:25

Ibore ŋini ikiinit Lokoku iwon iŋes en: akiyar ŋina nyedaun.

1 Yoa. 4:10

Nu ikes erae amina: meere atemar iwon ikipotu ominakisi Akuj, nai Akuj iŋes abu ikiminak iwon, kiyaku Lokoku keŋ, toruwor erot ŋolo isyoniyere ŋasecisya yok.

1 Yoa. 4:9

Epite lo iŋes abunio Akuj ikisileerekinio iwon amina keŋ: Abu kiyaku Lokoku keŋ ŋolo donupei nakwap, ikotere iwon ikiyari aŋuna keŋ.

1 Yoa. 5:10

Ŋini enupit Lokoku ka Akuj, eyakar akiteyenunet ŋin tooma keŋ. Ŋini nyenupit Akuj, itusubunit iŋes Akuj ŋina alyokon, anerae nyenupit iŋes ŋuna alimu Akuj aŋuna a Lokoku keŋ.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

1 Yoa. 5:7

Eyakasi ŋisuudae ŋiuni,

3 Yoa. 1:12

Iteyenunito ŋituŋa daadaŋ ŋuna ajokak aŋuna a Demetrio; ŋakiro ŋuna a kire daŋ iteyenunito aŋuna keŋ. Ikiteyenunit isua daŋ aŋuna keŋ, ka eteyenunit ayoŋ atemar erae kire.

Yud. 1:21

Kiboiyete alotooma amina ŋina ka Akuj, eriŋa idarito iyes Ekapolon yok Yesu Kristo ainakin iyes akiyar ŋina nyedaun anakisyon keŋ.

Akis. 1:2

Eteyenu Yoana ŋakiro daadaŋ ŋuna abu iŋes toanyu, ŋuna eponito aneni ka Akuj ka ŋuna eteyenu Kristo.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.