1 Yoa. 5:1 - Ebaibul

¹ Ŋini enupi atemar Yesu iŋes erae Kristo, erae iŋes ikoku ka Akuj, ŋini emina ekauruunan, emina ikoku keŋ daŋ.

1 Yoa. 5:1 Iomraidhean Croise

Mat. 16:16

Toboŋok Simoni Petero tema, “Irae iyoŋ Kristo, Lokoku ka Akuj a ŋina eyari.”

Luk. 7:5

anerae emina iŋes ŋituŋa ŋulu ka akwap yok, nabo abu itodukok iwon esinagoga.”

Yoa. 1:3

Abu Akuj tosub ŋiboro daadaŋ aneni keŋ; kerae tomam iŋes, pa kesubunitae idiobore.

Yoa. 15:23

Ŋini eketidiŋit ayoŋ, itidiŋit Papa kaŋ daŋ.

Yoa. 3:3

Toboŋok Yesu iŋes tema, “Akalimokini ayoŋ iyoŋ kire atemar, emam ituŋanan epedori akiŋolikin Apukan ka Akuj, mati kidoun iŋes nabo.”

Yoa. 6:69

Ikinup ka ikiyenu daŋ atemar irae iyoŋ ŋolo donupei, ŋolo ka Akuj.”

Yoa. 8:42

Toboŋok Yesu ikes tema, “Kerae torae Akuj Papa kus, kikiminasi iyes ayoŋ, anerae abunit ayoŋ aneni ka Akuj. Pa abunit ayoŋ aŋuna kaŋ, nai iŋes ekeyakuuni ayoŋ.

Ŋitic. 8:36

Ani elosete ikes alorot, todolo neni ayakasi ŋakipi, ido tolimok ekapolon ŋol Pilipo tema, “Kiŋolik, ŋakipi nu! Nyo ekeretakini ayoŋ akibatisao?” [

Ŋitic. 8:37

Tolimu Pilipo tema, “Ani kinupit iyoŋ a ekonitau a daadaŋ, ipedori akibatisao.” Toboŋok iŋes tema, “Anupit atemar erae Yesu Kristo Lokoku ka Akuj.”]

Yak. 1:18

Aŋuna ka acamit keŋ, abu ikiinak iwon akiyar alotooma akirot keŋ ŋina a kire, ikotere nai ikiruwor iwon ŋulu eŋarenok alosubuna keŋ a daadaŋ.

1 Pet. 1:3

Olakaros neni ka Akuj a Papa ke Ekapolon yok Yesu Kristo! Aŋuna ka akisyon keŋ a ŋina apolon nooi, ikiinakin iwon akiyar ŋina kitete anayarun a Yesu alokatwak. Aŋun, ileleba akigeno ŋina a kire tooma yok,

1 Yoa. 2:10

Ŋini emina lokaato keŋ, iboi alotooma akica ka emam idiobore anakica ŋini isigukini iŋes.

1 Yoa. 2:29

Ani kiyenete iyes atemar iyookino Kristo, toyenete daŋ atemar, ŋini daadaŋ itiyae ŋuna iyookino, erae iŋes ikoku ka Akuj.

1 Yoa. 3:14

Ikiyeni iwon atemar ikilunyar iwon anatwanare ka ikiloma nakiyar, anerae ikimina iwon ŋikaitotoi yok. Ŋini nyemina, erubakini eyai natwanare.

1 Yoa. 3:17

Nai ani keyakar ituŋanan ebari ŋolo ka akwap a na, ido kitee lokaato keŋ iitanit akiŋarakino, ido tojamak iŋes, ikokini nai amina ŋina ka Akuj iboi alotooma keŋ ai?

1 Yoa. 3:9

Ituŋanan daadaŋ ŋini erae ikoku ka Akuj, nyesecenene, anerae eyakar iŋes epite ŋolo eyakar Akuj; nyepedori asecenen, anerae erae iŋes ikoku ka Akuj.

1 Yoa. 4:2

Epite lo iyenuniata iyes Etau ŋolo ka Akuj: ituŋanan daadaŋ ŋini elimori atemar abu Yesu Kristo bu erae ituŋanan, erae iŋes ŋini ka Akuj.

1 Yoa. 4:20

Kelimu ituŋanan atemar, “Amina ayoŋ Akuj,” ido toremokino lokaato keŋ, erae iŋes emodiyanot; anerae iŋes ŋini nyemina lokaato keŋ ŋolo etakani, nyepedori aminakin Akuj ŋina nyetakani.

1 Yoa. 4:7

Ŋikaakonei ŋuluminan, ominin make, anerae ebunit amina aneni ka Akuj. Ituŋanan daadaŋ ŋini emina, erae iŋes ikoku ka Akuj ka eyeni Akuj.

1 Yoa. 5:18

Ikiyeni iwon atemar ituŋanan daadaŋ ŋini erae ikoku ŋini ka Akuj nyesecenene, anerae iyoki Lokoku ka Akuj iŋes, ka nyepedori ŋolo Aronon akiwan iŋes.

1 Yoa. 5:4

anerae ŋini daadaŋ erae ikoku ka Akuj, eyakar apedor ŋina kilounet akwap. Naga iŋes erae apedor ŋina elounan akwap--anupit yok.

1 Yoa. 5:5

Ŋae epedori akiloun akwap? Erae ŋini bon enupit atemar erae Yesu Lokoku ka Akuj.