1 Yoa. 3:7 - Ebaibul

⁷ Ŋidwe kaŋ! Tocoito nyikimodik iyes idiotuŋanan! Ituŋanan ŋini itiyae ŋuna iyookino, iŋes iyookino ikwapei Kristo ŋolo iyookino.

1 Yoa. 3:7 Iomraidhean Croise

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Mat. 5:20

Akalimokini ayoŋ iyes atemar, ani pa kilo akiyookino kus ŋina a ŋiketatamak a Ŋikisila ka ŋina a Ŋiparisayon, nyilomarete iyes Napukan ŋina anakuj.

Luk. 1:75

Oruworotor iwon ŋulu asegak ŋulu ikiyookino aneni keŋ ŋirwa daadaŋ ŋulu ikiyarya iwon.

Ŋitic. 10:35

nai ecamuna aneni keŋ ituŋanan ŋini ekerit iŋes alobukui a daadaŋ, kitiyae ŋakiro ŋuna iyookino.

Ŋirom. 2:13

Anerae, meere ŋulu ekerito Ŋikisila iyookino alokiŋaren Akuj; nai ŋulu itiyaete ŋuna ebasi Ŋikisila, ikes ituruworyo ŋulu iyookino.

1 Ŋikor. 6:9

Iyenete iyes kire atemar nyeruwor Apukan ka Akuj ŋina a ŋulu itiyaete aronis. Nyikimodikin! Ŋituŋa ŋulu itiyaete amalao kori ŋulu ilipete neni a ŋakujo a ŋace kori ŋikalomak kori ŋikilyok ŋulu iteperete ŋikilyok ŋuluce

Ŋiep. 5:6

Nyicamut idiotuŋanan ikimodikini iyes a ŋakiro a ŋuna ka amodiyo; anerae aŋuna a ŋakiro a ŋun, ebuni anyunyura ŋina ka Akuj neni a ŋulu nyepupete ŋakiro keŋ.

Ŋiep. 5:9

anerae eyauni akica nu erae arait: ajokis, akiyookino ka akirworo ŋuna a kire.

Ŋipil. 1:11

Ilelebun nai akiyar kus arait ŋina ebunit anakiyookino kus alokiŋaren Akuj, ŋina erae Yesu Kristo bon eyauni, aŋuna ka akitopoloor ka akipur Akuj.

Ŋibur. 1:8

Nai neni a Lokoku keŋ, tolimu Akuj tema, “Irae iyoŋ Akuj ka eropari Apukan kon jik! Ipukat iyoŋ ŋituŋa kon anakiyookino.

Ŋibur. 7:2

Inak Aburaam iŋes atutubet apei anatomon aloboro a daadaŋ a ŋulu aŋatuni iŋes. (Apolou ŋina ke ekiro a Melekisedek iŋes atemar, “Erwosit ŋolo ka akiyookino;” nabo ikwapei araakar iŋes erwosit ŋolo a Salem, apolou ŋina ke ekiro keŋ ace iŋes atemar, “Erwosit ŋolo ke ekisil.” )

Yak. 1:22

Kitiyata ŋuna elimunit akirot; meere akipup bon, ido tomodyanakin make.

Yak. 2:19

Inupit iyoŋ atemar erae Akuj apei bon a? Ejok! Enupito tari atasatan daŋ--nabo emaranete tobulite.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Yoa. 2:1

Ŋidwe kaŋ, ekegirakinit ayoŋ iyes ŋakiro nu, ikotere nyiseceta; nai ani kesec idiotuŋanan, ikiyakatar iwon ekesirworikinan ka Akuj Papa, iŋes Yesu Kristo ŋolo iyookino.

1 Yoa. 2:26

Ekegirakinit ayoŋ iyes nu, ŋuna a ŋulu ikatakinito amodikin iyes.

1 Yoa. 2:29

Ani kiyenete iyes atemar iyookino Kristo, toyenete daŋ atemar, ŋini daadaŋ itiyae ŋuna iyookino, erae iŋes ikoku ka Akuj.

1 Yoa. 3:18

Ŋidwe kaŋ! Nyikiminin a ŋakiro a ŋuna ikirworo bon, nai ominin kire a ŋiticisyo.

1 Yoa. 3:3

Ituŋanan daadaŋ ŋini igeno neni keŋ, iteseguna bon ikwapei esegia Kristo.

1 Yoa. 4:17

Epite lo iŋes itemokinere kire amina keŋ neni yok, ikotere oyakatar atitinyu Akoloŋit ŋina ka atubokino, anerae akiyar yok anakwap a na ikoni ŋina a Kristo.