1 Yoa. 3:5 - Ebaibul

⁵ Iyenete iyes atemar atakanuni Yesu alemar ŋasecisya ka emam asecit aneni keŋ.

1 Yoa. 3:5 Iomraidhean Croise

Osea 14:2

Okoe Ŋisirael, toboŋutu neni ke Ekapolon, a ŋakiro kus aŋuna ka akiki tolimokisi Ekapolon ebe, “Tolema ekaile ŋolo ka asecit daadaŋ, tocamu ŋinibore ejok daadaŋ, ido ikiinakini isua iyoŋ ŋainakineta ŋuna ikiikinio iyoŋ.

Mat. 1:21

idouni iŋes ikoku ŋini sapat, ilimokini iyoŋ ekeekiro Yesu, anerae eiuni iŋes ŋikeetuŋa anasecisya kec.”

Luk. 23:41

Nai iwon ikitubokinitae kire aŋuna ikitiyat; nai emam ŋakiro ŋuna aronok ŋuna itiyat ekile lo.”

Luk. 23:47

Ani eanyuwari ekapolon ŋolo a ŋasigarya ŋakiro ŋuna apotu kitiyakin, kipur Akuj tema, “Kire, kemam ekile lo aronis.”

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 1:31

Pa ayeni ayoŋ apaki ŋin atemar arae iŋes ŋae; nai abu ayoŋ ebatisa a ŋakipi, ikotere itoodikinor iŋes ŋituŋa ŋulu a Isirael.”

Yoa. 14:30

Nyikirworo ayoŋ ka iyes ekaoyan, anerae ebunit ekepukan ŋolo ka akwap a na. Nyeyakar iŋes apedor ŋina ekepukaa ayoŋ,

Yoa. 8:46

Ŋae alokidiŋ kus epedori akitoodiun atemar asecit ayoŋ? Ani kerworo ayoŋ ŋakiro ŋuna a kire, nyo bo nai nyikinupitotor iyes ayoŋ?

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

1 Tim. 3:16

Ikilimorit iwon ebe, epol kire jik akimunono ŋina ke edin yok: “Abu iŋes totakanu erae ituŋanan, abu Etau kitoodiu iŋes erae ŋolo iyookino, apotu ŋimalaikan kiŋolikis iŋes. Aponi tolimonokinae ŋakiro keŋ lobukui, apotu ŋituŋa ŋulu alalak anakwap tonupa iŋes, aponi yaarae iŋes kidiama napolou ŋina ka Akuj.”

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 1:3

Inwakunit iŋes akica ŋina ka apolou a ŋina ka Akuj, nabo ikwaan iŋes per ka Akuj alope. Isicasit iŋes akwap ka agogoŋu a ŋina ka akirot keŋ. Ani kedau aryamikin ŋituŋa akisyonio ŋina a ŋasecisya kec, abu kiboikin nakuj lowae ŋolo aloteten Akuj.

Ŋibur. 4:15

Erae Esacaradoti ŋolo Apolon nooi ŋolo isyonit kire apalagu yok ŋina a ŋitai. Esacaradoti ŋolopei ŋol abu Satan kitem alopitesyo a daadaŋ a ŋulu ikitemio iŋes iwon, nai abu iŋes nyesec.

Ŋibur. 7:26

Yesu nai erae Esacaradoti yok ŋolo Apolon nooi, ŋolo ikitemokino iwon anakiitanit a daadaŋ. Eseg iŋes alotau, emam asecit ka emam ŋuna inyasito iŋes; etyakaritae iŋes alokasecak ka ekyaar iŋes kidiama nakuj.

Ŋibur. 9:26

anerae kerae kikote nen, kisicanitae iŋes ŋarwa ŋuna alalak ŋinapei ka asubunet Akuj akwap. Akilo, abu iŋes bu abunet apei ŋina itemokino jik tari nasalunet, ikotere tolema asecit anamuronot keŋ ke elope.

Ŋibur. 9:28

Ikwaŋinapei, alemunio Kristo daŋ alemunet apei toruwor amuronot ŋina elemari ŋasecisya a ŋikalalak. Etakanuni iŋes atakanunet ŋina a ŋaarei, meere aŋuna ka alemar ŋasecisya, nai aiun ŋulu idarito iŋes.

1 Pet. 1:18

Anerae iyenete iyes ibore ŋini atacaryo, ikotere itolakunere iyes alopitesyo a ŋulu ka akiyar kus a ŋina amam ajokis, a ŋina iryamunete iyes aneni atapapaa kus. Pa arae ibore ŋin, ŋini epedoryo akinyasun ikwa esilipa kori egolid;

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.

1 Pet. 2:22

Nyeseca iŋes ka emam ituŋanan ipei daŋ ŋini abu kiira elimuni iŋes alyokonu.

1 Pet. 2:24

Abu Kristo elope kiwok anakuwan keŋ ŋasecisya yok lomusalaba; ikotere ikipedori atwakare alokiŋaren asecit, ido oyara aŋuna ka akiyookino. Ikitaŋaleun iyes aŋuna a ŋajemei keŋ.

1 Pet. 3:18

Tari Kristo daŋ abu totwan apeitwanet bon aŋuna a ŋasecisya, totwan iŋes ŋolo amam asecit aŋuna a ŋikasecak; ikotere ikirikorya iyes neni ka Akuj. Apotu ŋituŋa toara Kristo alokuwane, nai abu Akuj kiteyaru iŋes erae ituŋanan ŋini erae etau.

1 Yoa. 1:2

Ŋina esileereunere akiyar ŋin, ikipotu isua oanyuwasi iŋes ka ikiteyenunit ŋuna keŋ ka ikiserae neni kus akiyar ŋina nyedaun, ŋina aya kaapei ka Akuj Papa, ŋina aponi kisileereunoe neni kosi.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 2:1

Ŋidwe kaŋ, ekegirakinit ayoŋ iyes ŋakiro nu, ikotere nyiseceta; nai ani kesec idiotuŋanan, ikiyakatar iwon ekesirworikinan ka Akuj Papa, iŋes Yesu Kristo ŋolo iyookino.

1 Yoa. 2:2

Iŋes erae amuronot ŋina isyoniyere ŋasecisya yok; meere ŋasecisya yok bon, nai ŋasecisya a ŋituŋa a daadaŋ.

1 Yoa. 2:29

Ani kiyenete iyes atemar iyookino Kristo, toyenete daŋ atemar, ŋini daadaŋ itiyae ŋuna iyookino, erae iŋes ikoku ka Akuj.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.