1 Yoa. 3:4 - Ebaibul

⁴ Ituŋanan daadaŋ ŋini eseci, abil iŋes Ŋikisila ŋulu ka Akuj, anerae erae asecit akibil Ŋikisila.

1 Yoa. 3:4 Iomraidhean Croise

1 Ŋirw. 8:47

ani nai ketamut ikes anakwap a ŋina erikoryo ŋuna kepotu kitiyata, ido tokiwa, todyekanaros neni kon anakwap a ŋulu erikorete ikes, temasi ‘Ikisec isua ka ikitiya ŋuna nyiyookino; ikitiya isua ŋuna a ŋileec;’

1 Ŋakiro a ŋirwa 10:13

Abu Saul totwana, anerae pa ekinyomit iŋes Akuj; pa ewuapit iŋes ŋakiro ŋuna ke Ekapolon, abu daŋ tolot neni a ŋimurok aanyun ŋuna kitiyakina.

2 Ŋakiro a ŋirwa 24:20

Abu nai etau ŋolo ka Akuj min neni a Sakariya alokoku a esacaradoti a Yeoiyada. Abu Sakaryia towo aneni amukur torou ŋituŋa, ido tema, “Ŋakiro ŋuna irworo Akuj ikes nu, ‘Kaanukiro iŋeryoto iyes akiwuap Ŋakiciketa a Ekapolon, ido iyaut ŋican nawat kus? Aŋuna iŋeryoto iyes Ekapolon, iŋes daŋ ikiŋer iyes.’ ”

Isa. 53:8

Aponi toreikinae iŋes ŋakiro anatubokin a ŋina pa eyookino, aponi torikoroe iŋes akiar. Ŋae apedorit atamatam ŋuna itiyakin neni keŋ? Anerae aponi tolemarae iŋes anakwap a ŋulu eyarete, aponi toarae iŋes aŋuna a ŋasecisya a ŋituŋa kaŋ.

Dan. 9:11

“Abila ŋituŋa ŋulu a Isirael daadaŋ ŋikisila kon ka aŋero akiwuap ŋakiro kon, awout akiwuap ŋakiro ŋuna irworo iyoŋ, apotu neni kosi ŋilam ŋulu igiritae lokitaabo ŋolo a ŋikisila a Moses a eketiyan a ŋolo ka Akuj, anerae ikisec isua aneni kon!

Ekim. 15:31

Aŋuna ajamuwarya iŋes akirot ke Ekapolon ka aŋuna aŋeryo akiwuap akiciket keŋ, emaikina ituŋanan ŋin totyakarae jik alotuŋa, ido kidaŋidaŋ iŋes ekaile aŋuna ka asecit keŋ.’”

Mat. 5:19

Ituŋanan ŋini ebili akiciket tari ŋina edit a Lokisila ka kitatam ŋuluce akitiya ŋunapei, itiditeunio iŋes akilo daadaŋ a Napukan a ŋina anakuj. Nai ŋini iwuapi ikes ka kitatam ŋuluce daŋ, itopolooryo iŋes a Napukan a ŋina anakuj.

Ŋitic. 23:3

Tolimok Paulo iŋes tema, “Ikibapi kire jik Akuj iyoŋ--iyoŋ ŋolo ikoni arwatata ŋina iwositae eraŋgi ŋolo akwaŋan! Iboi iyoŋ a nen atubokin ayoŋ alotooma Ŋikisila ŋulu ka Akuj, nai tobilite bo iyoŋ Ŋikisila aŋuna ilimokinia ikes akibap ayoŋ!”

Ŋirom. 3:20

Anerae, emam ituŋanan elimoryo atemar iyookino alokiŋaren Akuj aŋuna iricitor Ŋikisila. Etic a Ŋikisila iŋes akitoodikin ituŋanan atemar esecit iŋes.

Ŋirom. 4:15

Anerae eyaunete Ŋikisila anyunyura ŋina ka Akuj erae kebila ŋituŋa Ŋikisila: nai neni emam Ŋikisila, emam Ŋikisila ebilyo.

2 Ŋikor. 12:21

Akabulit ayoŋ atemar ŋina adolunio inaa, ebuni Akuj kaŋ akisurum ayoŋ ŋileec alokiŋaren kus ka abuni nai ayoŋ akigworo aŋuna a ŋulu alalak, a ŋulu apotu toseca ŋapakio ŋuna alunyarosi toriŋa nyekiwa ŋipitesyo kec ŋulu ka aronis, ebe adoteu ka amalao.

Yak. 5:15

Akilip ŋin ŋina ka anupit, itaŋaleuni ituŋanan ŋini edyak; itojokuni Ekapolon iŋes ka isyoniyo ŋasecisya ŋuna itiyat iŋes.

1 Yoa. 5:17

Ŋaronisya daadaŋ erae asecit, nai eyai asecit ŋina nyikirikori natwanare.

1 Sam. 15:24

Tema Saul neni a Samuel, “Asec ayoŋ aŋuna abunio oŋer akiwuap akiciket a Ekapolon ka ŋakiro kon. Arae ŋun aŋuna abunio ayoŋ oker ŋituŋa, ido ewuap ŋuna abasi ikes.