1 Yoa. 3:23 - Ebaibul

²³ Akiciket ŋina ka Akuj iŋes na ebe, itemokino iwon onupa alokiro a Lokoku keŋ, Yesu Kristo ka ominin make, ikwapei ikicikakinitor iŋes iwon.

1 Yoa. 3:23 Iomraidhean Croise

Ŋikiru. 2:12

Toryediko, kijuuroto itopoloorito Akuj, ani pa kitiyata ŋun, eŋoi iŋes, ido imunyarosi iyes atipei; anerae etakanuni anyunyura keŋ atipei. Epol alakara a daadaŋ a ŋulu ikinyomito Akuj akiŋarakin ikes.

Mat. 22:39

Ŋina a ŋaarei daŋ, ikwaan ka ŋina ke ekiŋaren, ‘Tomina ekonikidunyet ikwaŋina iminar iyoŋ akonikuwan.’

Mar. 9:7

Bu edou, torapuwa ikes aribo, kirworik etoil alodou ebala, “Erae lo Lokoku kaŋ ŋolo minat, topupo iŋes.”

Yoa. 1:12

Nai ŋulu daadaŋ apotu kijaut iŋes, tonupa ekiro keŋ, abu iŋes inak ikes apedor ŋina ruworet ŋidwe ŋulu ka Akuj.

Yoa. 13:34

Akainakini tokona akiciket ŋina kitete: tominin make; ikwaŋina akaminar ayoŋ iyes, iyes daŋ tominin make.

Yoa. 14:1

“Nyiyaloloŋo, tonupa Akuj, tonupae ayoŋ daŋ.

Yoa. 15:12

Akaakiciket iŋes na: tominin make, ikwaŋina akaminar ayoŋ iyes.

Yoa. 17:3

Erae na akiyar ŋina nyedaun, itoyenete ikes iyoŋ, Akuj ŋina erae apei bon ŋina a kire ka Yesu Kristo ŋolo ibu kiyaku iyoŋ.

Yoa. 2:23

Ani eriŋa Yesu eyai Yerusalem, alorwa a ŋulu a Paska, apotu ŋituŋa ŋulu alalak tonupa ekiro keŋ, anerae eteete ŋakujuwuanisya ŋuna etiyae iŋes.

Yoa. 3:18

Iŋes ŋini enupi Lokoku ka Akuj, nyetubokinio; ŋini nyenupi, etubokinitae sek, anerae nyenupit iŋes ekiro a Lokoku ka Akuj a ŋolo donupei.

Yoa. 6:29

Toboŋok nai Yesu ikes tema, “Etic ŋolo ka Akuj iŋes lo: itemokino tonupa ŋolo iyakuunit iŋes.”

Ŋitic. 16:31

Temasi ikes, “Tonup Ekapolon Yesu, ido toiun kaapei ka ekonikal.”

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

1 Ŋites. 4:9

Nyitemokino ayoŋ ekegirak iyes ŋakiro ŋuna ikamunito amina alokidiŋ kus ŋikanupak, anerae adau Akuj akitatam iyes ŋilopeyek epite ŋolo ipedoryata aminanar make.

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 4:8

Akilo ŋun daadaŋ, tominanaros make nooi, anerae erapuwarit amina ŋasecisya ŋuna alalak.

1 Yoa. 2:7

Ŋikaakonei, nyekegirakinit ayoŋ iyes akiciket ŋina kitete, nai akiciket ŋinaŋorot, ŋina iyakatar iyes ŋinapei anakisyakinet. Akiciket ŋinaŋorot ŋin, iŋes akirot ŋina idaut iyes akiirar.

1 Yoa. 3:11

Kire, erae nu ŋakiro ŋuna ipotu iyes kiirasi ŋinapei anakisyakinet ebe, itemokino ominin make.

1 Yoa. 4:15

Ŋini elimori atemar erae Yesu Lokoku ka Akuj, iboi Akuj alotooma keŋ ka iboi iŋes alotooma Akuj.

1 Yoa. 4:21

Erae na akiciket ŋina ikiira iwon aneni keŋ: ŋini emina Akuj, itemokino tomina lokaato keŋ daŋ.

1 Yoa. 5:13

Ekegirakinit ayoŋ iyes nu daadaŋ, ikotere toyenuniata kire atemar iyakatar iyes akiyar ŋina nyedaun, iyes ŋulu inupito alokiro a Lokoku ka Akuj.