1 Yoa. 3:21 - Ebaibul

²¹ Ŋuluminan, ani kikiyeni alotai yok atemar nyikisecit, ikiyakar iwon atitinyu alokiŋaren Akuj.

1 Yoa. 3:21 Iomraidhean Croise

Yob 22:26

iryamuni nai iyoŋ alakara aneni ka Akuj a ŋina etiron, ido iyarikini iyoŋ neni ka Akuj.

Yob 27:6

Arubakini ayoŋ emiidikina nakiyookino kaŋ, nyemyekini jik ayoŋ akiyookino kaŋ elosi aneni kaŋ; emam ŋakiro anakiyar kaŋ ŋuna itakadakinito etau kaŋ.

Ŋikiru. 101:2

Acoikini ayoŋ anakiyar kaŋ akiboi pa eketoroniyaritae. Ori mono ibunio iyoŋ neni kaŋ? Eboi ayoŋ alokai kaŋ arae ŋolo emam ŋuna eketoroniyaritere.

Ŋirom. 14:22

Kiricite nai ŋuna inupit iyoŋ aŋuna a ŋakiro a ŋun, erae ŋuna kon bon ka Akuj. Elakara ituŋanan ŋini nyitusubuna ekasecan itiyae ŋuna ebala ejokak!

1 Ŋikor. 4:4

Emam idiobore ŋini ayeni ayoŋ atemar asecit, nai nyitoodiunito ŋun atemar emam ŋuna akatubokinere ayoŋ, Akuj ŋina erae Ekapolon a daadaŋ, iŋes akatubokini ayoŋ.

2 Ŋikor. 1:12

Erae akituro kosi na akiteyenunet ŋina a ŋatameta kosi ebe: ikitiŋ isua jwi jwi ŋituŋa daadaŋ akilo nooi iyes, anakerit ka anapatanu a ŋina ebunit aneni ka Akuj ka aŋuna ka ajokis a ŋina ka Akuj, ikidau isua akitiya nu emam aosou ŋina a ŋituŋa.

Ŋiep. 3:12

Alotooma akimorikina ka Kristo ka aŋuna ka anupit yok neni keŋ, ikipedori iwon aponare neni ka Akuj emam akuryanu ka ikiyakar akikinyomit.

1 Tim. 2:8

Eitanit nai ayoŋ atemar anakiboisyo a daadaŋ, a ŋuna ilipyata Ŋikristo, itemokino ŋikilyok kilipa ikiarito ŋakan ŋuna emam asecit; tomam aŋoit kori ebura eyakatar.

Ŋibur. 10:22

Aŋun, oapiyasi neni ka Akuj a ŋitai a ŋulu iwuapito ŋuna a kire ka ananupit a ŋina egogoŋ; nabo a ŋitai a ŋulu iteseguna anasecisya ka ŋawat ŋuna adaun akilotar a ŋakipi a ŋuna asegak.

Ŋibur. 4:16

Otitinyoto nai tokona iwon, oloto neni ka Akuj a ŋina ipukat ka ajokis, ikotere ikiryamuni akisyon ka ajokis, ikiŋarakis iwon apaki ŋina ka akiitanit.

1 Yoa. 2:28

Ŋidwe ŋuluminan, kiboiyoto alotooma Kristo, ikotere ani etakanuni iŋes, oyakatar iwon atitinyu ŋina nyikirumiata iwon ŋileec apaki ŋina etakanunia iŋes.

1 Yoa. 2:7

Ŋikaakonei, nyekegirakinit ayoŋ iyes akiciket ŋina kitete, nai akiciket ŋinaŋorot, ŋina iyakatar iyes ŋinapei anakisyakinet. Akiciket ŋinaŋorot ŋin, iŋes akirot ŋina idaut iyes akiirar.

1 Yoa. 3:2

Ŋikaakonei ŋuluminan, ikirae tokona iwon ŋidwe ka Akuj, nai nyileere neni ikikokini iwon. Nai ikiyeni iwon atemar ani isileereunio Kristo, ikikokini iwon iŋes; anerae ikiŋolikini iwon iŋes ikwapei eyakar iŋes.

1 Yoa. 3:20

apaki ŋina ikiyenia alotai yok atemar ikisecit, epol Akuj nooi akilo ŋitai yok, nabo daŋ eyeni iŋes ŋinibore daadaŋ.

1 Yoa. 4:17

Epite lo iŋes itemokinere kire amina keŋ neni yok, ikotere oyakatar atitinyu Akoloŋit ŋina ka atubokino, anerae akiyar yok anakwap a na ikoni ŋina a Kristo.

1 Yoa. 5:14

Ikiyakar iwon atitinyu alokiŋaren Akuj, anerae ikikinyomit iwon atemar, ani kikiŋit iwon ibore daadaŋ ŋini ejok anacamit keŋ, ikiirari iŋes iwon.