1 Yoa. 3:14 - Ebaibul

¹⁴ Ikiyeni iwon atemar ikilunyar iwon anatwanare ka ikiloma nakiyar, anerae ikimina iwon ŋikaitotoi yok. Ŋini nyemina, erubakini eyai natwanare.

1 Yoa. 3:14 Iomraidhean Croise

Ŋikiru. 16:3

Ejokak nooi ŋituŋa ŋulu ikinyomito Ekapolon, akajoikinit ayoŋ nooi arukit ka ikes.

Ŋakit. 21:16

Ituŋanan daadaŋ ŋini eesikini akiwuap ŋuna ka ayenut ŋuna ajokak, elosi akieŋun aneni eyakasi ŋikatwak.

Mat. 25:40

Eboŋokini nai Erwosit ikes tema, ‘Akalimokini ayoŋ iyes kire atemar, ŋinapaki daadaŋ iponiata iyes kitiyata nugu neni a ipei a ŋikaitotoi kaŋ a ŋulu caryo, ipotu iyes kitiyata neni kaŋ.’

Luk. 15:24

Anerae lokoku kaŋ lo, atwanit, nai tokona ayaru; aolit, nai tokona atakanu.’ Ido kisyakis ikes akimuj ka akimomwor.

Luk. 15:32

Nai itemokino iwon olakaros; anerae lokaato kon lo, atwanit, nai tokona ayaru; aolit, nai tokona atakanu!’ ”

Luk. 7:5

anerae emina iŋes ŋituŋa ŋulu ka akwap yok, nabo abu itodukok iwon esinagoga.”

Yoa. 13:35

Ani kitiyata iyes ikoŋina, eyenunete ŋituŋa atemar irae iyes ŋikasyomak kaŋ, erae kiminin iyes make.”

Yoa. 15:12

Akaakiciket iŋes na: tominin make, ikwaŋina akaminar ayoŋ iyes.

Yoa. 15:17

Ekecikakini ayoŋ iyes nu: tominin make.

Yoa. 5:24

“Akalimokini ayoŋ iyes kire atemar, ŋini iirari akaakirot, ido tonup iŋes ŋolo ekeyakuunit ayoŋ, eyakar akiyar ŋina nyedaun, nyetubokinio iŋes, nai alunyar iŋes anatwanare nakiyar.

2 Ŋikor. 5:1

Ikiyeni iwon atemar, ani ŋina inyasunor eema lo--akuwan yok ŋina esaluni--eyakaunor Akuj akai aŋuna yok nakuj, akai ŋina adau iŋes alope akitemokin, ŋina a ŋikaru ka ŋikaru.

Ŋigal. 5:22

Nai eyauni Etau ŋolo ka Akuj na erae arait alotooma ituŋanan: amina, alelyan, ekisil, akidaŋidaŋ, arimao, ajokis, akikinyoma,

Ŋiep. 1:15

Aŋuna a ŋakiro a ŋun ka aŋuna adaunia ayoŋ akiirar anupit kus neni ke Ekapolon Yesu, ka amina ŋina iyakatar iyes aŋuna a ŋituŋa a ŋulu ka Akuj a daadaŋ,

Ŋiep. 2:1

Paaran sek, itwakito iyes alotai alokiŋaren Akuj aŋuna ka aronis ka aŋuna a ŋasecisya kus.

Ŋiep. 2:5

tari ŋina ikitwakitor iwon alotai alokiŋaren Akuj aŋuna a ŋasecisya yok, abu iŋes ikiinak iwon akiyar kaapei ka Kristo. Toyenutu: erae aŋuna ka ajokis a ŋina ka Akuj ikiunere iyes!

Ŋikol. 1:4

Anerae ikiira isua ŋuna ka anupit kus neni a Yesu Kristo ka ŋuna ka amina a ŋina iyakatar iyes aŋuna a ŋituŋa a ŋulu ka Akuj a daadaŋ.

1 Ŋites. 4:9

Nyitemokino ayoŋ ekegirak iyes ŋakiro ŋuna ikamunito amina alokidiŋ kus ŋikanupak, anerae adau Akuj akitatam iyes ŋilopeyek epite ŋolo ipedoryata aminanar make.

Ŋibur. 13:1

Torubakisi iminin make ikwapei ŋikaitotoi alotooma Kristo.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

2 Pet. 1:7

loyare ŋolo ecamit Akuj, kiyatakisi amina ŋina ke ekaitotoonu ka namina kus ŋina ke ekaitotoonu, kiyatakisi amina.

1 Yoa. 2:3

Ikianyuni iwon kire atemar, ikiyeni iwon Akuj, erae kikiricak iwon Ŋakiciketa keŋ.

1 Yoa. 3:23

Akiciket ŋina ka Akuj iŋes na ebe, itemokino iwon onupa alokiro a Lokoku keŋ, Yesu Kristo ka ominin make, ikwapei ikicikakinitor iŋes iwon.

1 Yoa. 4:12

Emam ŋini eŋolik Akuj ŋinapei koloŋ. Ani kikiminin iwon make, iboi Akuj alotooma yok, ido itemokin kire amina keŋ neni yok.

1 Yoa. 5:13

Ekegirakinit ayoŋ iyes nu daadaŋ, ikotere toyenuniata kire atemar iyakatar iyes akiyar ŋina nyedaun, iyes ŋulu inupito alokiro a Lokoku ka Akuj.

1 Yoa. 5:2

Epite lo ikiyenunia atemar ikimina iwon ŋidwe ka Akuj: Apaki ŋina eminare iwon Akuj ka ericakinito Ŋakiciketa keŋ.