1 Yoa. 3:12 - Ebaibul

¹² Nyikikwaanikin ka Kain ŋolo ariit neni a ŋolo Aronon, ŋolo abu toar lokaato keŋ Abel. Kaanukiro aarya iŋes lokaato keŋ? Anerae aroko ŋiticisyo keŋ ka kiyookino ŋulu a lokaato keŋ.

1 Yoa. 3:12 Iomraidhean Croise

Akisy. 4:25

Kiryamakin nabo Adam ka Epa, kidou Epa isapat tolimok ekiro Set, anerae abu iŋes tema, “Akainaki ayoŋ Ekapolon ikoku ice ŋini ilunyokin lorot ka Abel a ŋolo abu Kain toar.”

2 Sam. 13:22

Abu Abusalom nyelimok Aminon ŋakiro ŋadi, ŋuna ajokak, kori ŋuna aronok, anerae abu Abusalom kiman Aminon aŋuna abunio iŋes toreik Tamar nakaato keŋ akiryamakin ka iŋes.

Ŋikiru. 37:12

Etukete ŋulu aronok akitiya aronis neni a ŋulu iyookino, ido eryanyaanikinito ikes imanito,

Ŋikiru. 38:20

Ikes ŋulu itiyaete ŋuna aronok neni kaŋ; etiyate bo ayoŋ ŋuna ajokak neni kec, akaremokino ayoŋ, anerae ewuapit ayoŋ ŋuna ajokak.

Ŋakit. 27:4

Eryenyana anyunyara, ikimunyari aŋoit, nai ŋae epedori awoikin arakao?

Ŋakit. 29:10

Nyecamito ŋituŋa ŋulu italit akiar ŋituŋa arukit ka ŋulu iyookino, iwarito ikes epite ŋolo earyata ŋulu iyookino.

Ŋakit. 29:27

Erae ŋituŋa ŋulu nyiyookino asiilyo aneni a ŋulu iyookino, ido erae ŋulu iyookino asiilyo aneni a ŋulu aronok.

Mat. 13:19

Ŋituŋa ŋulu iirarete akirot ŋina ka Apukan ka nyeyenut, ikote ikes ŋikinyom ŋulu adoete lorot. Ani ebuni Satan, tolema alotai kec ŋuna sek aekinitae.

Mat. 13:38

Emanikor iŋes akwap. Ŋikinyom ŋulu ajokak ikes ŋidwe ŋulu ka Apukan ka Akuj. Etirwae iŋes ŋidwe a Satan.

Mat. 23:35

Aŋakiro a ŋun, ikitubokinio iyes aŋuna iaryata ŋituŋa ŋulu iyookino ameun anaokot ka Abel, a ŋolo pa asecit, tari naokot a Sakariya alokoku a Barakia a ŋolo aarakinio kidiŋ Akai ka Akuj ka Namuroet.

Mat. 27:23

Kiŋit Pilato ikes tema, “Anironis itiyat iŋes?” Tocelut ikes nooi ebasi, “Kibubukinoe iŋes!”

Mat. 5:37

Tolimu atemar ‘Ee’ kori ‘Mam’ -- ŋuna daadaŋ iyatakini iyoŋ, eponito aneni a ŋolo Aronon.

Luk. 11:51

ameun anaokot a ŋuna ka Abel tari naokot a Sakariya a ŋolo aarakinio kidiŋ Namuroet ŋina icunyere ekinyate ka akibois ŋina emyekinitae aŋuna ka Akuj. Ee, kire akalimokini ayoŋ iyes atemar, isicanio ŋituŋa ŋulu ka anyamet a na aŋuna kec a daadaŋ!

Yoa. 10:32

Tolimok Yesu ikes tema, “Eketoodik ayoŋ iyes ŋiticisyo ŋulu alalak ŋulu ajokak, ŋulu eponito aneni a Papa. Ali aloticisyo a ŋul icamitotor iyes akimasya ayoŋ a ŋamoru?”

Yoa. 8:40

Ŋuna daadaŋ adau ayoŋ akitiya erae alimokin iyes ŋuna a kire ŋuna abu ayoŋ eira aneni ka Akuj; nai iwarito bo iyes akiar ayoŋ. Pa ekote ŋuna etiyae Aburaam nen.

Yoa. 8:41

Itiyaete iyes ŋuna etiyae papa kus.” Tolimokis ikes Yesu temasi, “Pa aponi ikiuruun isua alotooma elomi; Akuj bon erae Papa kosi.”

Ŋitic. 7:52

Eyai mono ekadwaran epei daŋ ŋolo apotu atapapaa kus nyisicana a? Apotu ikes toara tari ŋulu adwarete abunore ŋina a ŋolo Iyookino, a ŋolo tokona idaut iyes alukin ka akiar.

1 Ŋites. 2:14

Ŋikaitotoi, ikitakanikis iyes daŋ ŋunapei apotu totakanut neni a ŋatukon a Ŋikristo a ŋulu ka Akuj a ŋulu alo Yudaya, neni a ŋituŋa a ŋulu erae ŋulu a Yesu Kristo. Ipotu iyes daŋ toryamut ŋican alotuŋa a ŋulu erae ŋulu ka akwap kus, lopite ŋolopei aponiata ikes toryamuniata ŋican aneni a ŋituŋa kec a ŋulu erae Ŋiyudayan.

Ŋibur. 11:4

Anupit iŋes etelemuni Abel amuronot ŋina ajokan akilo ŋina a Kain. Anupit iŋes abunio Akuj tocamunia iŋes erae ŋolo iyookino, anerae Akuj alope abu kiteyenu ŋun anacamun ŋainakineta ŋuna ka Abel. Aŋuna ka anupit keŋ, eriŋa ŋakiro ŋuna abu iŋes kitiya irworosi neni yok, tari ketwanit iŋes.

Ŋibur. 12:24

Arae neni a Yesu iponito iyes, ŋolo abu kitemok Acamunet ŋina Kitete ka anaokot a ŋuna etesegunak anasecisya, ŋuna eyai apolou nooi akilo ŋuna ka Abel.

1 Pet. 4:4

Tokona eumokinito ŋulu nyenupito Akuj ŋakiro ŋuna nyeriŋa iyes irukitotor ka ikes anakiyar kec a ŋina aronon ka ŋina emam ŋakiro etami atemar epote. Aŋun, irworosi ikes ŋakiro ŋuna aronok aŋuna kus.

1 Yoa. 3:8

Ituŋanan daadaŋ ŋini esecenene, iŋes erae ŋini a Satan, anerae aberakin koloŋ sek Satan asecenen ŋinapei anakisyakinet. Atakanuni Lokoku ka Akuj aŋuna ka akinyasun etic a Satan.

Yud. 1:11

Ekaŋ neni kec! Anerae ewuapakis ikes epite a Kain. Aŋuna a ŋisiliŋa, amaryaarosi ikes nadyakaret ŋina koloŋ a Balaam. Ikwapei Kora, awout ikes eboŋito ka inyasunio ikes.

Akis. 17:6

Abu oanyuwa aberu ŋin emerete ŋaokot ŋuna a ŋituŋa a ŋulu ka Akuj ka ŋuna a ŋulu kearyo aŋuna kenupitotor Yesu. Ani eŋolikini ayoŋ iŋes, abu okobul nooi.