1 Yoa. 3:11 - Ebaibul

¹¹ Kire, erae nu ŋakiro ŋuna ipotu iyes kiirasi ŋinapei anakisyakinet ebe, itemokino ominin make.

1 Yoa. 3:11 Iomraidhean Croise

Yoa. 13:4

Tonyou nai Yesu alomesa, tolaca ekaaso, toenik ataulo nacir.

Yoa. 15:12

Akaakiciket iŋes na: tominin make, ikwaŋina akaminar ayoŋ iyes.

Ŋigal. 6:2

Kiŋaranakinos make anatyokisyo kus, ido alopite a ŋol, iwuapete iyes ekisil ŋolo a Kristo.

Ŋiep. 5:2

Itemokino iyes kiboiyete alotooma amina lopite ŋolopei abunio Kristo itominakinia iwon, ido tojal akiyar keŋ aŋuna yok erae amuronot ŋina akukunyon, ŋina ecamuna ka ŋina italakarit Akuj.

1 Ŋites. 4:9

Nyitemokino ayoŋ ekegirak iyes ŋakiro ŋuna ikamunito amina alokidiŋ kus ŋikanupak, anerae adau Akuj akitatam iyes ŋilopeyek epite ŋolo ipedoryata aminanar make.

1 Tim. 1:5

Nai ŋuna elosikinitoe isua anakitatam kosi erae amina ŋina ebunit alotau a ŋolo Asegan, anatameta a ŋuna ecayete ka ananupit a ŋina a kire.

1 Pet. 1:22

Anerae iwuapito tokona iyes ŋakiro ŋuna a kire, itesegunosi iyes make, ido iminakis iyes kire ŋikanupak ŋuluce; ikwaŋinapei, tominanaros make nooi.

1 Pet. 3:8

Aŋetakini, itemokino iyes daadaŋ iraakasi ŋipei alotai kus; toyakatar akisyoniyenen, tominanaros make ikwa ŋikaitotoi, torimaaka ka toruworos ŋulu itiditeuna aneni a ŋuluce.

1 Pet. 4:8

Akilo ŋun daadaŋ, tominanaros make nooi, anerae erapuwarit amina ŋasecisya ŋuna alalak.

1 Yoa. 1:5

Erae ŋakiro nu ŋuna ikiira isua aneni a Kristo ka erae nu ikiserae isua neni kus: Akuj iŋes erae akica ka alotooma keŋ emam akiryonut jik.

1 Yoa. 4:11

Ŋikaakonei ŋuluminan, ikwaŋina abunio Akuj ikiminakinia iwon ikoŋina, itemokino iwon daŋ ominin make.

1 Yoa. 4:21

Erae na akiciket ŋina ikiira iwon aneni keŋ: ŋini emina Akuj, itemokino tomina lokaato keŋ daŋ.

1 Yoa. 4:7

Ŋikaakonei ŋuluminan, ominin make, anerae ebunit amina aneni ka Akuj. Ituŋanan daadaŋ ŋini emina, erae iŋes ikoku ka Akuj ka eyeni Akuj.

2 Yoa. 1:5

Ekemaimai tokona ayoŋ iyoŋ toto: ominin make. Meere akiciket na ŋina ekegirakinit ayoŋ iyes ŋina kitete aneni kus; erae akiciket ŋina ikipotu iwon eirasi ŋinapei anakisyakinet.