1 Yoa. 2:9 - Ebaibul

⁹ Ŋini ebala ayai nakica, ido toremokino lokaato keŋ, eriŋa iŋes eyai nakiryonut.

1 Yoa. 2:9 Iomraidhean Croise

2 Sam. 13:22

Abu Abusalom nyelimok Aminon ŋakiro ŋadi, ŋuna ajokak, kori ŋuna aronok, anerae abu Abusalom kiman Aminon aŋuna abunio iŋes toreik Tamar nakaato keŋ akiryamakin ka iŋes.

Ŋikiru. 82:5

Emamukatar ŋituŋa ŋulu aronok aosou, kori ayenut, irimito ikes anakiryonut; eryairyai akwap daadaŋ aŋuna kec.

Ŋilep. 19:17

“‘Nyimanit ŋiyeneta kon alotau kon. Tolimok ŋikidunyetkon itoŋoiyarit atemar idyakarito, erae ŋun ikotere nyeruworosi ikes ŋulu esecito.

Yoa. 9:41

Tolimok Yesu ikes tema, “Kerae tomudukaka iyes, kemam iyes asecit; nai aŋuna irworotor atemar ‘Ikite,’ irubakinito iyes irae ŋikasecak.”

Ŋitic. 1:15

Kelunyar ŋirwa ŋidikudyo, tocunakin ŋikanupak ŋulu aapikinito amiat ka ŋatomoniarei. Tosodi Petero tonyou kirworik

2 Pet. 1:9

Nai ŋini nyeyakar ikes, erae iŋes emuduk alotau keŋ: emuryak iŋes atemar esyoni ŋasecisya keŋ ŋuna ŋorok.

1 Yoa. 1:6

Ani kikitema ebe ikimorikina iwon ka Akuj, olosete bo anakiryonut, ikilyokoni iwon ka nyikiboi alotooma ŋakiro ŋuna a kire.

1 Yoa. 2:11

Nai ŋini eremokino lokaato keŋ, eyai iŋes nakiryonut ka elosi anakiryonut, nyeyeni neni elosi; anerae etumudukan akiryonut iŋes.

1 Yoa. 2:4

Iŋes ŋini ebala, “Ayeni ayoŋ Akuj,” nai nyiricakinit Ŋakiciketa keŋ, erae iŋes ikalyokonon ka emam ŋuna a kire alotooma keŋ.

1 Yoa. 3:10

Aŋun, ileereunete ŋidwe ŋulu erae ŋulu ka Akuj ka ŋulu erae ŋulu a Satan; ituŋanan daadaŋ ŋini nyitiyae ŋuna iyookino, kori ŋini nyemina lokaato keŋ, nyerae iŋes ikoku ka Akuj.

1 Yoa. 4:20

Kelimu ituŋanan atemar, “Amina ayoŋ Akuj,” ido toremokino lokaato keŋ, erae iŋes emodiyanot; anerae iŋes ŋini nyemina lokaato keŋ ŋolo etakani, nyepedori aminakin Akuj ŋina nyetakani.