1 Yoa. 2:5 - Ebaibul

⁵ Nai ŋini iricit akirot keŋ, neni keŋ kire itemokinor amina ŋina ka Akuj. Aŋun, ikiyenuni iwon kire atemar, ikiya neni ka Akuj.

1 Yoa. 2:5 Iomraidhean Croise

Ŋikiru. 105:45

Abu Akuj kitiya ŋun, ikotere iwuapete Ŋisirael ŋakiro ŋuna etubunit Akuj ka ŋikisila keŋ. Kipuroe Ekapolon!

Ŋikiru. 106:3

Elakara ŋituŋa ŋulu iwuapito akiyookino ŋina ka Akuj, ŋulu jwi jwi itiyaete ŋuna iyookino.

Ŋikiru. 119:146

Akanyarit ayoŋ iyoŋ; toiunae ayoŋ, ikotere ewuapi ŋakiro ŋuna itubunit iyoŋ.

Ŋikiru. 119:2

Elakara ŋituŋa ŋulu iwuapito ŋakiro ŋuna etubunit iŋes, ŋulu iwarito Ekapolon a ŋitai kec a daadaŋ,

Ŋikiru. 119:4

Ekapolon, idau iyoŋ ainakin isua ŋikisila kon, ŋulu emaikina isua kiwuapae emam akibil tari epei.

Ŋakit. 28:7

Ituŋanan ŋini iwuapit ekisil, erae ŋini eyakar aosou, nai ituŋanan ŋini emina arukit ka ŋikanyamak, eyauni ŋileec neni a ŋikauruunak keŋ.

Ŋakit. 8:32

“Tokona nai ŋidwe kaŋ, kiirasi ŋakiro kaŋ nu: Erereŋ ŋulu iwuapete ŋuna alimu ayoŋ.

Ekal. 8:5

Ituŋanan daadaŋ ŋini iwuapi ŋuna irworo erwosit, emam ŋuna isicanere ituŋanan ŋin, ido ituŋanan ŋini eos, eyeni apaki ka eyeni neni itori,

Esek. 36:27

Ewuakini ayoŋ etau kaŋ neni kus ka akainakini ayoŋ iyes kiwuapa ŋakiro ŋuna atubunit ayoŋ ka tocoikis nooi epite ŋolo iwuapitotor ŋikisila kaŋ.

Luk. 11:28

Tolimok Yesu iŋes tema, “Kire iyookino, nai erereŋ nooi ŋulu iirarete ŋakiro ŋuna ka Akuj, ido kiwuapa!”

Yoa. 14:21

“Ŋini ecamunit ŋakiciketa kaŋ, kiricakinite, iŋes akamina ayoŋ. Ŋini akamina ayoŋ, iŋes eminakini Papa kaŋ; aminakini ayoŋ daŋ iŋes ka esileereun neni keŋ.”

Yoa. 14:23

Toboŋok Yesu iŋes tema, “Ŋinituŋanan akamina ayoŋ, iricakini ŋakiro kaŋ. Eminakini Papa kaŋ iŋes ka ikiponi isua neni keŋ, eboiyoto ka iŋes.

Yoa. 15:5

“Arae Ayoŋ ekitoe ŋolo ke epiini, irae iyes ŋaten. Ŋini iboi alotooma kaŋ ka ayoŋ alotooma keŋ, iŋes erauni ŋaraito ŋuna alalak; anerae emam idiobore ŋini itiyakinete iyes amam ayoŋ.

Yoa. 6:56

Ŋini imuji akaakuwan ka tomat ŋaokot kaŋ, iboi alotooma kaŋ, ayoŋ daŋ eboi alotooma keŋ.

Ŋirom. 8:1

Emam tokona atubokino eriŋa eyai neni a ŋulu erukito kaapei ka Yesu Kristo.

1 Ŋikor. 1:30

Erae aŋuna keŋ iŋes iyakatar iyes nakimorikina ka Yesu Kristo ŋolo abu Akuj kituruwo aosou yok, akiyookino yok ka ikiruwor iwon ŋulu ikityakunitae aŋuna ka Akuj ka ŋulu ikilakuna.

2 Ŋikor. 5:17

Aŋun, ani keyai ŋini eyai tooma Kristo, aruwor iŋes isubuna ŋini kitete; asalut ŋuna ŋorok, apotu ŋuna kitet.

2 Ŋikor. 5:21

Amam asecit aneni a Kristo, nai abu Akuj kituruwo iŋes asecit aŋuna yok, ikotere nai iwon alotooma keŋ oruworos ŋulu ikiyookino aneni ka Akuj.

Yak. 2:22

Nyeanyuna tokona iyes atemar anupit ka ŋiticisyo keŋ etiyaete etic epei a? Abu anupit keŋ toruwor ŋina iyookino aŋuna a ŋiticisyo keŋ.

1 Yoa. 3:24

Ikes daadaŋ ŋulu iricakinito Ŋakiciketa keŋ, iboiyete alotooma keŋ ka iboi iŋes alotooma kec. Epite lo iŋes ikiyenia iwon atemar iboi iŋes alotooma yok, aŋuna ke Etau a ŋolo ikiinak iŋes iwon.

1 Yoa. 4:17

Epite lo iŋes itemokinere kire amina keŋ neni yok, ikotere oyakatar atitinyu Akoloŋit ŋina ka atubokino, anerae akiyar yok anakwap a na ikoni ŋina a Kristo.

1 Yoa. 4:18

Emam akuryanu anamina, nai iritari amina ŋina itemokino kire akuryanu. Anerae ŋini ekuryanit, eyeni atemar ebunit akisicanio; aŋun, ŋini ekuryanit, eriŋa amina nyitemokino kire neni keŋ.

1 Yoa. 5:2

Epite lo ikiyenunia atemar ikimina iwon ŋidwe ka Akuj: Apaki ŋina eminare iwon Akuj ka ericakinito Ŋakiciketa keŋ.

1 Yoa. 5:20

Ikiyeni daŋ iwon atemar, adau Lokoku ka Akuj abunore ka ikiinak iwon ayenut, ikotere oyenuniata ŋolo a kire. Ikiyari iwon anakimorikina ka Akuj ŋina erae ŋina a kire ka anakimorikina ka Lokoku keŋ Yesu Kristo. Kristo iŋes Akuj ŋina a kire, iŋes akiyar ŋina nyedaun.

2 Yoa. 1:6

Erae na amina: itemokino iwon ewuapa Ŋakiciketa keŋ. Akiciket ŋina ipotu iyes kiirasi ŋinapei anakisyakinet iŋes na: itemokino iyes daadaŋ iboiyete iminin.

Akis. 12:17

Toŋoik epiu aberu, tolot akitijiyore ŋiletok ŋuluce ŋulu ka aberu, ŋiletok daadaŋ ŋulu iwuapito Ŋakiciketa ŋuna ka Akuj ka ŋulu erae ŋisuudae a Yesu.

Akis. 14:12

Itemokino totitinyikis ŋituŋa ŋulu ka Akuj, ŋulu iwuapito Ŋakiciketa keŋ, ŋulu enupito Yesu.