1 Yoa. 2:24 - Ebaibul

²⁴ Kimyekisi ŋakiro ŋuna ipotu iyes kiirasi anakisyakinet kiboiyoto alotooma kus. Ani kiboiyoto alotooma kus ŋakiro ŋuna ipotu iyes kiirasi anakisyakinet, iboiyete nai iyes alotooma Lokoku ka alotooma Papa.

1 Yoa. 2:24 Iomraidhean Croise

Ŋikiru. 119:11

Ericit ayoŋ nooi akirot kon alotau kaŋ, ikotere ayoŋ nyasec aneni kon.

Ŋakit. 23:23

Togyelu ŋakiro ŋuna a kire, ido nyigyela; togyelu aosou ka ŋakiro ŋuna ikitatamio ta ayenut.

Luk. 1:2

Ikote nenipei ikilimokinitotor iwon ŋituŋa ŋulu aanyunito ka kiseraete daŋ anageunet.

Luk. 9:44

“Kiirasi kojokan ŋakiro ŋuna akalimokini ayoŋ iyes! Ipotokinio Lokoku a Ituŋanan nakan a ŋituŋa.”

Yoa. 14:23

Toboŋok Yesu iŋes tema, “Ŋinituŋanan akamina ayoŋ, iricakini ŋakiro kaŋ. Eminakini Papa kaŋ iŋes ka ikiponi isua neni keŋ, eboiyoto ka iŋes.

Yoa. 15:7

Ani kiboiyoto iyes alotooma kaŋ, nabo kiboiyoto ŋakiro kaŋ alotooma kus, kiŋita ibore daadaŋ ŋini icamito, ikiinakinio.

Yoa. 6:56

Ŋini imuji akaakuwan ka tomat ŋaokot kaŋ, iboi alotooma kaŋ, ayoŋ daŋ eboi alotooma keŋ.

Yoa. 8:25

Kiŋita ikes iŋes temasi, “Ŋae iyoŋ?” Toboŋok Yesu ikes tema, “Ayoŋ iŋes ŋolopei aberakin ayoŋ alimokin iyes anakisyakinet.

Ŋipil. 4:15

Iyenete iyes Ŋipilipi atemar apaki ŋina arotokinio ayoŋ alo Makedonia ŋarwa ŋuna ke ekiŋaren ŋuna alimonokinere Ŋakiro ŋuna Ajokak, amam atukot a Ŋikristo ŋina arae ekeŋarak ayoŋ mati iyes make, ŋulu ipotu omora ka ayoŋ alotooma akijaunun ka ainanakin ŋisiliŋa.

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

Ŋibur. 2:1

Aŋuna a ŋakiro a ŋun, itemokino ericakisi ejok ŋuna ikidau akiirar, ikotere nyikioliyo.

Ŋibur. 3:14

Anerae ikirae iwon daadaŋ ŋipei alotooma Kristo, erae kikirubak ikititinyikinit ananupit lopite ŋolo ikisyakinia.

1 Yoa. 1:3

Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.

1 Yoa. 1:7

Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 2:7

Ŋikaakonei, nyekegirakinit ayoŋ iyes akiciket ŋina kitete, nai akiciket ŋinaŋorot, ŋina iyakatar iyes ŋinapei anakisyakinet. Akiciket ŋinaŋorot ŋin, iŋes akirot ŋina idaut iyes akiirar.

1 Yoa. 3:24

Ikes daadaŋ ŋulu iricakinito Ŋakiciketa keŋ, iboiyete alotooma keŋ ka iboi iŋes alotooma kec. Epite lo iŋes ikiyenia iwon atemar iboi iŋes alotooma yok, aŋuna ke Etau a ŋolo ikiinak iŋes iwon.

1 Yoa. 4:13

Epite lo iŋes ikiyenunia iwon atemar ikiboi alotooma Akuj ka iboi iŋes alotooma yok, anerae ikiinak iŋes iwon Etau keŋ.

1 Yoa. 4:15

Ŋini elimori atemar erae Yesu Lokoku ka Akuj, iboi Akuj alotooma keŋ ka iboi iŋes alotooma Akuj.

1 Yoa. 4:16

Aŋun, ikiyeni iwon ka ikinupit amina ŋina eyakar Akuj aŋuna yok. Erae Akuj amina ka ŋini iboi alotooma amina, iboi iŋes alotooma Akuj ka iboi Akuj alotooma keŋ.

2 Yoa. 1:2

anerae iboiyete ŋuna a kire alotooma yok ka erubakinete alotooma yok jik.

2 Yoa. 1:9

Ituŋanan daadaŋ ŋini eoliyori ka nyiwuap akitatam a Kristo, emam Akuj aneni keŋ; ituŋanan ŋini iboi anakitatam a Kristo, eyai Papa ka Lokoku neni keŋ.

3 Yoa. 1:3

Abu ayoŋ olelyan nooi apaki ŋina adolunioto ŋikaitotoi ŋice, ido okolimokis ayoŋ anupit kon ŋina a ŋakiro a ŋuna a kire, ikwapei irubakinitor iyoŋ anakiro a ŋuna a kire.

Akis. 3:11

Abunit ayoŋ atipei. Torubak iricit anupit ŋina iyakar iyoŋ, ikotere nyikidema iyoŋ icetuŋanan eropit ŋolo ka akiloun.

Akis. 3:3

Totamu nai ŋuna aponi ikitatami ka ikisiirar iyoŋ, kiricak ikes ka toki! Ani pa kikienyu iyoŋ, abuni ayoŋ neni kon ikwa ekokolan ka nyiyeni iyoŋ apaki ŋina abunio ayoŋ.