1 Yoa. 2:22 - Ebaibul

²² Ŋae erae ekalyokonon? Iŋes ŋolo epegit atemar Yesu iŋes erae Kristo. Ŋolo eŋerit Papa ka Lokoku keŋ, iŋes erae emoit ŋolo a Kristo.

1 Yoa. 2:22 Iomraidhean Croise

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 24:5

Anerae epote ŋikalalak irworosi alokiro kaŋ ebasi, ‘Arae ayoŋ Kristo!’ emodikinete kitooliyosi ŋikalalak.

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

1 Yoa. 1:6

Ani kikitema ebe ikimorikina iwon ka Akuj, olosete bo anakiryonut, ikilyokoni iwon ka nyikiboi alotooma ŋakiro ŋuna a kire.

1 Yoa. 2:18

Ŋidwe kaŋ, erae na apaki ŋina esidyon! Ikwaŋinapei iiraryata iyes atemar ebunit emoit ŋolo a Kristo, tari tokona daŋ, adolut ŋimoi ŋulu a Kristo ŋulu alalak; aŋun, ikiyenu iwon atemar erae apaki na ŋina esidyon.

1 Yoa. 2:23

Anerae ŋini eŋerit Lokoku, eŋerit iŋes tari Papa; ŋini ecamuni Lokoku, ecamuni iŋes tari Papa.

1 Yoa. 2:4

Iŋes ŋini ebala, “Ayeni ayoŋ Akuj,” nai nyiricakinit Ŋakiciketa keŋ, erae iŋes ikalyokonon ka emam ŋuna a kire alotooma keŋ.

1 Yoa. 4:20

Kelimu ituŋanan atemar, “Amina ayoŋ Akuj,” ido toremokino lokaato keŋ, erae iŋes emodiyanot; anerae iŋes ŋini nyemina lokaato keŋ ŋolo etakani, nyepedori aminakin Akuj ŋina nyetakani.

1 Yoa. 4:3

Nai ituŋanan daadaŋ ŋini nyelimori Yesu, nyerae iŋes ŋini ka Akuj. Erae ituŋanan ŋin emoit ŋolo a Kristo ŋolo ipotu iyes kiirasi atemar ebunit ka eyai tokona nakwap.

1 Yoa. 5:1

Ŋini enupi atemar Yesu iŋes erae Kristo, erae iŋes ikoku ka Akuj, ŋini emina ekauruunan, emina ikoku keŋ daŋ.

2 Yoa. 1:7

Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.

Yud. 1:4

Anerae erepunosi kidiŋ kus ŋituŋa ŋice ŋulu eŋerito Akuj. Ilocete ikes ajokis ŋina ka Akuj yok aŋuna ka akitiya asiilyanut ka eŋerito Yesu Kristo Ekarikon ka Ekapolon yok ŋolo erae epei bon. Asubakinitae koloŋ sek atubokino aŋuna kec.

Akis. 3:9

Kiira! Ayauni ayoŋ neni kon atukot ŋina a Satan, ŋikalyokonok ŋulu ebasi ikirae Ŋiyudayan, nai nyerae. Ayauni ikes eteryedik alokiŋaren kon, ikotere eyenunete atemar akamina ayoŋ iyoŋ.