1 Yoa. 2:20 - Ebaibul

²⁰ Nai ikiinak iyes Kristo Etau ŋolo Asegan ka iyenete iyes daadaŋ ŋun.

1 Yoa. 2:20 Iomraidhean Croise

Ŋikiru. 16:10

anerae nyikimyekini iyoŋ ayoŋ anakibois a ŋikatwak, kori nyicamakini iyoŋ eketiyan kon ŋolo seuna ebosi.

Ŋikiru. 23:5

Itemonokini iyoŋ ŋasuban aŋuna kaŋ, alokiŋaren ŋimoe kaŋ; ikijauni iyoŋ ayoŋ ikwapei epeyonon ŋolo itopolooritae ka ileleba ekopo kaŋ ilapanar.

Ŋikiru. 45:7

Imina iyoŋ ŋuna iyookino ka iŋerit ŋuna aronok, ŋakiro ŋun iŋes abunio Akuj ŋina erae Akuj kon itoseunia iyoŋ, ido ikiinak iyoŋ alakara ŋina iloit ŋina eyakar, erwosit ece.

Ŋikiru. 71:22

Ekepuri daŋ ayoŋ iyoŋ arami aduŋgu aŋuna ka akikinyoma kon okoe Akuj kaŋ, aeikini ayoŋ ekipur neni kon arami agita, okoe iyoŋ ŋina asegan, Akuj a Isirael.

Ŋikiru. 92:10

Nai ikituruwori iyoŋ ayoŋ ŋolo agogoŋ ikwa emaanik ŋolo adedeŋan; ikiterereŋi iyoŋ ayoŋ, ikiinak alakara.

Ŋakit. 28:5

Nyeyenete ŋituŋa ŋulu aronok akiyookino, nai eyenete nooi ŋituŋa ŋulu iwarito Ekapolon akiyookino.

Isa. 43:3

anerae arae ayoŋ Ekapolon Akuj kus, Akuj ŋina asegan ŋina a Isirael, ekaiunan kus. Ajali ayoŋ Ijipit aŋuna ka alacakinia iyes, ajali ayoŋ Esiopia ka Seba aŋuna ka akilokonyunia iyes.

Isa. 61:1

Eyai etau a Ekapolon neni kaŋ, anerae ekeos iŋes ayoŋ, ekeyaki iŋes ayoŋ alimokin ŋulu isicanitae ŋakiro ŋuna ajokak, akisimukekin ŋulu ekadanakinit alotai kec, akiseraun atemar elacakinio ŋulu erikoritae, akiseraun atemar elacakinio ŋulu eenitae;

Yer. 31:34

Nyerubakinete nabo ikes itatamasi make, kori elimonokinete ŋuluce ebe, ‘Toyenete Ekapolon,’ anerae akayenunete ikes daadaŋ ayoŋ, ameun alotuŋa a ŋulucaryo tari ŋulu itopolooritae, anerae esyoni ayoŋ ŋasecisya kec, nyatamu nabo ŋasecisya kec jik.”

Ŋilep. 7:35

Ŋinerin a ŋibaren ŋul, ikes etyakakinitae Aron ka ŋidwe keŋ ŋulusapa anainakineta a ŋuna epeyo neni ke Ekapolon. Isyanakinete ikes aryamunun ŋinerin ŋul, apaki ŋina isyakiniata akitiyanakin Ekapolon ikwapei ŋisacaradotin.

Mat. 13:11

Toboŋok Yesu ikes tema, “Ikiinakinitae iyes ayenut ŋuna imunono ŋuna ka Apukan a ŋina anakuj, nai nyeinakinitae ikes.

Mar. 1:24

tema, “Icamit iyoŋ akikokin isua ai, iyoŋ Yesu ŋolo a Nasaret? Ibunit iyoŋ amunyar isua a? Akayeni ayoŋ iyoŋ atemar irae epei bon ŋolo Asegan, ŋolo ka Akuj.”

Luk. 4:18

“Eyai Etau ke Ekapolon neni kaŋ, anerae ekeos iŋes ayoŋ aŋuna ka akiserakin Ŋakiro ŋuna Ajokak lokulyak. ekeyakuu iŋes ayoŋ alimokin ŋulu eenitae atemar elacakinio ikes ka aŋaar ŋakonyen a ŋimudukanotin ka alakakin ŋipi,

Luk. 4:34

“Wooi! Eya iyoŋ ŋakiro ka isua Yesu ŋolo a Nasaret a? Ibunit iyoŋ amunyar isua a? Akayeni ayoŋ iyoŋ, irae iyoŋ ŋolo Asegan ŋolo ka Akuj!”

Yoa. 14:26

Ebuni nai ekeŋarakiniton, Etau ŋolo Asegan, ŋolo iyakuuni Papa alokiro kaŋ, ikitatam iyes ŋakiro daadaŋ ka ikitatamunite iyes ŋuna daadaŋ adau ayoŋ alimokin iyes.

Yoa. 16:13

Nai ani ebuni Etau ŋolo irworo ŋuna a kire, ikiyoori iyes nakiro daadaŋ ŋuna a kire; anerae nyirwori iŋes aŋuna ka apedor keŋ bon, nai ebuni iŋes akirwor ŋuna iirarit, nabo ikilimokini iyes ŋuna epote.

Ŋitic. 10:38

Iyenete iyes epite ŋolo aseunia Akuj Yesu ŋolo a Nasaret, inak Etau keŋ ka apedor. Abu iŋes kirim itiyae ŋuna ajokak ka kitaŋaleununu ŋulu daadaŋ ayakasi napedor ŋina a Satan, anerae arukito Akuj ka iŋes.

Ŋitic. 3:14

Arae iŋes ŋolo ka Akuj ka eyookino, nai ipotu iyes toŋero ka kiŋita Pilato alacakin ekaaran.

1 Ŋikor. 2:15

Ituŋanan ŋini eyakar Etau ŋolo ka Akuj, epedori ayenun aronis ka ajokis a ŋinibore a daadaŋ, nai emam ŋini epedori ayenun aronis ka ajokis keŋ.

Ŋibur. 1:9

Ibu iyoŋ tominak ŋuna iyookino ka ibu toŋer ŋuna aronok. Aŋuna a ŋakiro a ŋun, akaseu ayoŋ ŋina arae Akuj kon iyoŋ alelyan aŋuna akainakinia iyoŋ apolou ŋina iloit ŋina a ŋirukitos kon.”

Ŋibur. 8:11

Emamukaun ituŋanan ajokis ŋina ka akiitanit akitatam ituŋanan ŋini anakwap keŋ, kori emamukaun lokaato alimokin lokaato keŋ atemar, ‘Toyenu Ekapolon,’ anerae akayenunete ayoŋ ŋituŋa daadaŋ ŋulu arwok ka ŋulu caryo.

1 Yoa. 2:27

Nai aŋuna kus, adau Kristo ainakin iyes Etau keŋ. Ani ca kiboi Etau keŋ alotooma kus, nyiitanito iyes ituŋanan idio ikitatam iyes. Anerae ikitatami iyes Etau keŋ ŋakiro daadaŋ ka ŋuna itatami iŋes erae ŋuna a kire, meere alyokonu. Kiwuapa nai akitatam ŋina ke Etau keŋ ka kiboiyoto kaapei ka Kristo.

1 Yoa. 4:13

Epite lo iŋes ikiyenunia iwon atemar ikiboi alotooma Akuj ka iboi iŋes alotooma yok, anerae ikiinak iŋes iwon Etau keŋ.

Yud. 1:5

Acamit tokona akitatamun iyes, tari sek daŋ kikiteyenikinitae daadaŋ, atemar abu Ekapolon, kedau aiun ŋituŋa keŋ ŋulu a Isirael anakwap a Ijipit, tomunya ekaku ŋulu pa anupito.

Akis. 3:7

“Kigir neni ke emalaika a ŋolo ka atukot a Ŋikristo alo Piladelipia atemar: “Erae nu ŋakiro ŋuna eponito aneni a ŋolo Asegan ka ŋolo erae kire, ŋolo eyakar ekipuŋguwo ŋolo ka apedor ŋina a Daudi; ekek ŋolo eŋaari iŋes, emam ŋini epedori agolokin ka ekek ŋolo egolokini iŋes, emam ŋini epedori aŋaar.

Akis. 4:8

Ayakar ŋolosubuna ŋabebenuk ŋakanikapei ŋuna eryamito ŋakonyen kiŋa ka tooma. Apaaran ka akuwar nyieŋununuyete ikes aeo ebasi, “Eseg, eseg, eseg Ekapolon Akuj ŋina etiron, ŋina arae ka erae ka ŋina ebuni.”