1 Yoa. 2:19 - Ebaibul

¹⁹ Apotu ikes totyakaros aneni yok, nai pa arae ikes ŋirukitos yok. Kerae torubakinito ikirukit ka iwon, kikirukit ka iwon; nai abu atyakar kec kisileereu atemar pa arae ikes ŋirukitos yok.

1 Yoa. 2:19 Iomraidhean Croise

Yob 17:9

Nai erubakinito ŋituŋa ŋulu iyookino imiidikina nakiyookino kec ka ikes ŋulu emam aronis itiyato, erubakinit akikinyomit kec Akuj iata jik.

Ŋikiru. 37:28

anerae emina Ekapolon ŋulu iyookino, ido nyimyekini ŋulu ikinyomito iŋes. Iyokiyo ŋulu iyookino ŋikaru ka ŋikaru, nai emunyaryo ŋidwe a ŋulu aronok.

Ŋikiru. 41:9

Tari lokone kaŋ ŋolo amina ayoŋ nooi, ŋolo ekinyomit ayoŋ nooi, ŋolo abu omora ka ayoŋ akimuj, akaluki ayoŋ.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mar. 13:22

Anerae epote ŋikamodyanakinak ka ŋikadwarak ŋulu amodiyanak ebasi ebe ikirae ikes atakristo. Epote ikes akitiya ŋakitoodyanakineta ŋuna ailiilok ŋuna isuparete ŋituŋa ŋulu seuna erae kepedorete.

Luk. 8:13

Ŋikinyom ŋulu adoete loŋaro erae ŋituŋa ŋulu iirarete akirot kijaut ka alelyan, nai emamukatar ikes ŋataagor, enupete ca iwadio, nai ani edoli ŋirwa ŋulu itemere, tosodo topalikis.

Yoa. 15:2

Ani ŋinateni kaŋ nyeraii, etubori iŋes ka ani ŋina eraii, eipanari iŋes, ikotere tosegyar, tora ŋaraito ŋuna alalak.

Yoa. 4:14

nai ŋini emasi ŋakipi ŋuna ainakini ayoŋ iŋes, nyenyami akure nabo jik. Ŋakipi ŋuna abuni ayoŋ ainakin iŋes, eruworosi aneni keŋ eitanit ŋolo a ŋakipi a ŋuna eyaunete akiyar ŋina nyedaun.”

Ŋitic. 15:24

“Eirar isua atemar kepotu ŋituŋa ŋice ŋulu anatukot kosi potu inaa akican ka akisigurya ŋatameta kus aŋuna kirworito ikes; nai pa alimokinitae isua ikes akitiya ŋun.

Ŋitic. 20:30

Ebuni apaki ŋina elomuniata tari alokidiŋ kus ŋikalyokonok ŋice ecamito atemar kiwuapakis ŋikanupak ikes.

Ŋirom. 9:6

Nyabala ayoŋ epiyo Akuj akisiyookin akiikinet keŋ; anerae meere ŋituŋa a Isirael daadaŋ erae ŋiseuna ŋulu ka Akuj.

1 Ŋikor. 11:19

(Kire itemokino toyai atyakatyaka kidiŋ kus, ikotere kileereunioto ŋulu enupito kire.)

Ŋikis. 13:13

ŋituŋa kus ŋulu itiyaete aronis, ŋulu arikokis ŋituŋa ŋulu iboiyete alotaun a ŋol akitiya ŋuna aronok ka elimonokinete ŋituŋa ebe, “Oloto elipa neni a ŋakujo a ŋace,” (ŋuna nyeyenuna iyes.)

2 Tim. 2:10

Edaŋidaŋi ayoŋ ŋun daadaŋ aŋuna a ŋituŋa a ŋulu aseu Akuj, ikotere ikes daŋ eryamunete aiuno ŋina ebuni aneni a Yesu Kristo ka ŋina eyauni ajakaanut ŋina nyedaun.

2 Tim. 2:19

Nai akisyakinet ŋina agogoŋon ŋina kebu Akuj todupaki, ewuoi nyiukonokin; kidiama keŋ igiritae ŋakiro nu, “Eyeni Ekapolon ŋulu erae ŋulu keŋ” ka “Ituŋanan daadaŋ ŋini ebala arae iŋes ŋini ke Ekapolon, itemokino toesik akitiya aronis.”

2 Tim. 3:9

Nai nyerubakinete ikes itiyaete ŋun, anerae eyenunete ŋituŋa daadaŋ abaŋao kec. Ŋunapei ŋun apotu totakanikis neni a Yane ka Yambure.

Ŋibur. 10:39

Meere iwon ŋituŋa ŋulu ikikutukutoori, ido omunyaros, nai ikirae iwon ŋulu ikinupit, ido oiunos.

2 Yoa. 1:7

Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.

Yud. 1:1

Ayoŋ Yuda ŋolo arae eketiyan a Yesu Kristo ka lokaato a Yakobo, egirit abaruwa na neni a ŋulu adau Akuj anyarare, ka ŋulu emina iŋes ŋolo erae Papa ka iyokitoe aŋuna a Yesu Kristo:

Yud. 1:19

Ŋul ikes ŋulu eyaunito atyakatyaka, ikes ŋulu iricakinito ŋiboro ŋulu ka akwap bon; emamukatar ikes Etau ŋolo ka Akuj.