1 Yoa. 2:18 - Ebaibul

¹⁸ Ŋidwe kaŋ, erae na apaki ŋina esidyon! Ikwaŋinapei iiraryata iyes atemar ebunit emoit ŋolo a Kristo, tari tokona daŋ, adolut ŋimoi ŋulu a Kristo ŋulu alalak; aŋun, ikiyenu iwon atemar erae apaki na ŋina esidyon.

1 Yoa. 2:18 Iomraidhean Croise

Mat. 24:11

Nabo epote ŋikadwarak ŋulu alalak ŋulu alyokonok, tomodikis kitooliyosi ŋikalalak.

Mat. 24:24

Anerae epote atakristo ka ŋikadwarak ŋulu alyokonok. Epote ikes akitiya ŋakitoodyanakineta ka ŋaumonokineta ŋuna ailiilok, ikotere itooliyorete tari ŋituŋa ŋulu seuna, erae kepedorete.

Mat. 24:5

Anerae epote ŋikalalak irworosi alokiro kaŋ ebasi, ‘Arae ayoŋ Kristo!’ emodikinete kitooliyosi ŋikalalak.

Mar. 13:6

Anerae epote ŋikalalak irworosi alokiro kaŋ ebasi, ‘Arae ayoŋ Kristo!’ Emodikinete ka itooliyorete ŋikalalak.

Yoa. 21:5

Kiŋit Yesu ikes tema, “Ŋidwe, eyai iyes ediokolya a?” Toboŋokis ikes temasi, “Emam.”

Ŋirom. 13:11

Nabo akilo, itemokino iyes kitiyata ŋun, anerae iyenete iyes apaki ŋina a tokona: adolu apaki ŋina itemokino iyes tokienyuniata anajo. Anerae aapuu nooi apaki ŋina ikiunere iwon akilo neni ekoni apaki ŋina ikigeunia akinup.

Ŋirom. 13:12

Aapuu akuwar alunyar, aapuu akiwalar. Ojoŋoto nai akitiya ŋiticisyo ŋulu ka akiryonut, olemutu ŋiboro ŋulu ikijiyo anakica.

Ŋibur. 1:2

nai ŋirwa ŋulu esidyok lu erwor iŋes neni yok alotooma Lokoku keŋ. Iŋes abunio Akuj tosubunia akwap, toseu iŋes aryamun ŋiboro daadaŋ ekaku.

1 Pet. 1:20

Abu Akuj toseu iŋes eriŋa nyesubuna akwap ka aponi kitoodiunae iŋes aŋuna kus ŋirwa lu ŋulu esidyok.

1 Pet. 1:5

Erae ikes ŋuna kus, a ŋulu alotooma anupit ikiyokitoe ka apedor a ŋina ka Akuj, aŋuna ka aiuno a ŋina itemokino akitoodiuno apaki ŋina esidyon.

1 Pet. 4:7

Aapuu asalunet ŋina a ŋiboro a daadaŋ. Aŋun, itemokino iyes iyokiuno make ka itenito, topedorito akilip.

2 Pet. 2:1

Ayakasi koloŋ ŋikadwarak ŋulu alyokonok lotuŋa; ikwaŋinapei ikoŋin, etakanunete ŋiketatamak ŋulu alyokonok aneni kus. Irepunete ikes ŋakitatameta ŋuna alyokonok ŋuna eyaunete akinyasuno ka eŋerete Ekapolon ŋolo abu tolaku ikes. Aŋun, eyaunete ikes neni kec akinyasuno atipei.

2 Pet. 3:3

Ŋuna eŋarenok, itemokino iyes toyenete atemar, alorwa a ŋulu esidyok a lu, etakanunete ŋituŋa ŋice ŋulu epolokinit ekibure ŋolo aronon ŋolo a ŋawat kec. Ikikienatar ikes iyes.

1 Yoa. 2:22

Ŋae erae ekalyokonon? Iŋes ŋolo epegit atemar Yesu iŋes erae Kristo. Ŋolo eŋerit Papa ka Lokoku keŋ, iŋes erae emoit ŋolo a Kristo.

1 Yoa. 4:1

Ŋikaakonei ŋuluminan, nyinupito ŋulu daadaŋ ebasi ebe ikiyakar Etau ŋolo ka Akuj, nai torota ikes erae keponito ŋatameta kec aneni ka Akuj, anerae aloto ŋikadwarak ŋulu alalak ŋulu alyokonok nakwap.

1 Yoa. 4:3

Nai ituŋanan daadaŋ ŋini nyelimori Yesu, nyerae iŋes ŋini ka Akuj. Erae ituŋanan ŋin emoit ŋolo a Kristo ŋolo ipotu iyes kiirasi atemar ebunit ka eyai tokona nakwap.

2 Yoa. 1:7

Anerae aloto nakwapin ŋikalyokonok ŋulu alalak, ŋulu eŋerito atemar abu Yesu Kristo bu erae ituŋanan. Ituŋanan ŋini ikoni ŋin, erae ekalyokonon ka erae emoit ŋolo a Kristo.

Yud. 1:18

Apotu ikes itolimokis iyes ebe, “Alorwa a ŋulu esidyok, epote ŋikesolok, ŋulu iwuapito ekibure ŋolo a ŋawat kec make.”