1 Yoa. 2:16 - Ebaibul

¹⁶ Anerae ŋinibore daadaŋ eyai nakwap, ekibure ŋolo ka akuwan ka ekibure ŋolo a ŋakonyen, ta akituro ŋina ka akiyar, nyerae ŋulu a Papa; nai erae ŋulu ka akwap.

1 Yoa. 2:16 Iomraidhean Croise

Akisy. 3:6

Kiŋolik aberu ekitoe ejok aŋuna ka akimuj, tonira daŋ ŋakonyen keŋ; tonira iŋes ekitoe aŋuna ka aosou a ŋina ikiini. Tosodi todeŋu arait alokitoe a ŋol tonyam, inak ekile keŋ daŋ ŋolo arukito ka iŋes apaki ŋin, tonyam.

Akisy. 6:2

kiŋolikis ŋidwe a Set ŋulusapa ŋidwe ŋulupesur ŋul ibusak, yaasi ŋuna daadaŋ apotu ikes toseut, kituruwosi ŋaberu kec.

Yob 31:1

“Adau ayoŋ akikoŋ atemar nyeŋolikini idiobore okonira, alipite nai apedorya ayoŋ akiŋolikin apese ŋina nyiryamakina ke ekile?

Ŋikiru. 73:6

Aŋun, ileere akituro kec ikwa aciloit ŋina ke edokole, ileere aryenyeo kec ikwa ekaaso enapitae.

Ŋikiru. 78:18

Apotu ikes kiredakis akitem Akuj, iŋitasi ka agogoŋu akimuj ŋina eitanito ikes.

Ŋikiru. 78:30

Nai ani eriŋa ebobokinit ikes akimuj ŋin, eriŋa akimuj ŋin eyai nakitukwa kec,

Ŋakit. 27:20

Nyimwokeneneete akibois a ŋikatwak ka atwanare. Ikoni nenipei nen ekibure ŋolo eyakar ituŋanan.

Ŋakit. 6:25

Nyicamu etau kon etemari ibus akaloman ŋin, nyicamu akibuses a ŋakiir keŋ ikisupari iyoŋ.

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Ekim. 11:34

Aŋun, aponi tolimokinae akibois ŋin Kibiros-Ataapa

Ekim. 11:4

Ayakasi ŋituŋa ŋulugelaanotin ŋulu awosete kaapei ka Ŋisirael, apotu ŋituŋa ŋul kiitana nooi akiriŋ, apotu Ŋisirael daŋ kiŋuruŋura nabo kaapei ka temasi “Okoe, kerae ca oryamutu akiriŋ adio onyoma.

Mat. 4:8

Ya nabo Satan Yesu lomoru ŋoloti aoyan, kitoodik iŋes ŋibukui daadaŋ ŋulu ka akwap ka ekecebari daadaŋ,

Mat. 5:28

Nai akalimokini ayoŋ iyes atemar, ituŋanan daadaŋ ŋini iŋolikini aberu a ŋinice kiŋobel, aruwor iŋes ekaloman alotau keŋ.

Luk. 4:5

Toriko Satan Yesu kidiama emoru, kitoodik iŋes ŋibukui ŋulu ka akwap daadaŋ apeikitoodikinet bon,

Ŋirom. 13:14

Nai tolemutu ŋiboro ŋulu ke ejiye ŋulu erae ŋulu a Yesu Kristo, ido tojoŋoto atamunit aseconu ŋina a ŋawat kus aŋuna ka akitiya ŋuna ecamito ikes akitiya.

1 Ŋikor. 10:6

Erae ŋakiro ŋun daadaŋ akitaanyikinet aneni yok, ikotere nyikiburakinito ŋiboro ŋulu ka aronis ikwa ikes.

Ŋigal. 5:17

Anerae ediŋasi aseconu a ituŋanan ka Etau ŋolo ka Akuj; erae ŋinice emoit a ŋinice. Aŋun nai, nyipedorete iyes akitiya ŋuna icamito akitiya.

Ŋigal. 5:24

Adaut ikes ŋulu erae ŋulu a Kristo akitotwakiar aseconu ŋina alotooma kec ka ekibure keŋ alomusalaba a Kristo.

Ŋiep. 2:3

Kire, ekwaanae iwon daadaŋ ka ikes, ido ikiboi alotooma ekibure ŋolo a ŋawat yok, etiyao iwon ibore daadaŋ ŋini etalakarit acamit ŋina a ŋawat ka ŋatameta yok a ŋilopeyek. Alokuwane yok a ŋol, ikiya iwon nanyunyura ŋina ka Akuj, ikwapei ŋituŋa ŋuluce daŋ.

Tito 2:12

Ikitatami ajokis ŋin iwon aesikin ŋipitesyo ŋulu nyekerito Akuj ka ekibure ŋolo ka akwap a na ka itemokino ikiboi ikirae ŋulu ikitenit anatameta, ŋulu ikiyookino ka ŋulu ikikerit Akuj anakwap a na,

Tito 3:3

Anerae ikibaŋaaka paaran sek iwon daŋ ŋilopeyek, pa ikipupi ŋakiro ka ikimodikinitae. Ikirae ŋipi ŋulu ke ekibure ka ŋulu a ŋakiro a daadaŋ a ŋuna etalakarito ŋikasecak. Ikipotu iwon eboiyoto alopite a ŋolo aronon ka ŋolo ka arakao; ikitidiŋito iwon ŋuluce ka ikitidiŋit iwon daŋ ikes.

Yak. 3:15

Nyebunit aosou ŋin anakuj; erae ŋina ka akwap, nyerae ŋina ke Etau a ŋolo ka Akuj, erae ŋina a ŋolo Aronon.

Yak. 4:16

Nai tokona iturosi ka isupasi iyes; akisupa ŋin daadaŋ erae aronis.

Yos. 7:21

Alotooma ŋiboro ŋulu aremunio, abu ayoŋ eŋolik elou ŋolo ajokan ŋolo aoyan, ŋolo itiyaunitae alo Babilon ka ŋakiloi ŋaarei ŋuna a esilipa ta egolid ŋolo adolit apotis atutubet apei ŋina ka akilo. Apotu ŋiboro ŋul okonirasi ayoŋ nooi, olemu ayoŋ ikes. Anukakinit ayoŋ ikes nalup tooma eema kaŋ ka eyai esilipa alokwap.”

1 Pet. 1:14

Ikwapei ŋidwe ŋulu ka Akuj, ŋulu ikerito iŋes, nyicamakis akiyar kus ilocokini ekibure ŋolo sek iyakatar iyes apaki ŋina ibaŋaakyata nyiyenete Ŋakiro ŋuna Ajokak.

1 Pet. 2:11

Ŋikaitotoi kaŋ ŋuluminan, ekemaimai ayoŋ iyes, ŋulu irae ŋigelae ka ŋikawuotok: toŋero ekibure ŋolo a ŋawat kus ŋolo itojiye etau a ŋinapaki.

2 Pet. 2:10

Erae ŋun kire nooi, ikotere ŋulu iwuapito ekibure kec ŋolo aronon ŋolo a ŋawat ka toŋerito akipukao. Erae ŋiketatamak ŋulu alyokonok ŋul, ŋulu nyeleecoko ka isupaka, nyekerito ikes ŋisubuna ŋulu itopolooritae, ŋulu eyakasi kidiama; nai iyanyete ikes.

2 Pet. 2:18

Irworosi ikes ŋakiro ŋuna apolok ŋuna ileleba abaŋao; isitiyaete ikes ekibure ŋolo ka akuwan ŋolo aronon, akisirumia ŋulu ariŋa sek ebucarosi alotuŋa a ŋulu eyarete anadyakarit.