1 Yoa. 2:15 - Ebaibul

¹⁵ Nyiminakis akwap kori ŋinibore eyai tooma keŋ. Ani keminaki idiotuŋanan akwap, nyemina ituŋanan ŋin Papa.

1 Yoa. 2:15 Iomraidhean Croise

Mat. 4:8

Ya nabo Satan Yesu lomoru ŋoloti aoyan, kitoodik iŋes ŋibukui daadaŋ ŋulu ka akwap ka ekecebari daadaŋ,

Mat. 6:24

“Emam ituŋanan ŋini epedori akitiya ŋiticisyo ŋulu a ŋikapolok a ŋiarei, eŋeri epei tosodi tominak ŋoloce, kori imiidikin neni ke epei tosodi tojamuwa ŋoloce. Nyipedorete iyes akitiyanakin Akuj ka ebari.

Luk. 16:13

“Emam eketiyan epedori akitiya ŋiticisyo ŋulu a ŋikapolok a ŋiarei; eŋeri epei, tosodi tominak ŋoloce, kori imiidikin neni ke epei, tosodi tojamuwa ŋoloce. Nyipedorete iyes akikicarikin akitiyanakin Akuj ka ebari.”

Yoa. 15:19

Kerae toraakas iyes ŋituŋa ŋulu ka akwap a na, kikiminak iyes akwap na, anarakau ŋulu keŋ. Nai akaseu ayoŋ iyes anakwap a na, ka nyirae iyes ŋulu keŋ. Iŋes nai ikitidiŋitor iyes akwap na.

Ŋirom. 12:2

Nyirubakis itiyaete ŋuna itiyaete ŋituŋa ŋulu anakwap a na, nai tocamakisi Akuj kibelek ŋitai kus, ikiinak iyes ŋatameta ŋuna kitet. Ikotere nai iyes iyenunete acamit ŋina ka Akuj--ayenut ibore ŋini ejok ka ŋini italakarit iŋes ka ŋini iyookino.

Ŋigal. 1:10

Alimunit mono ayoŋ ŋun aŋuna ka akitalakar ŋituŋa a? Mam jik! Akitalakar Akuj iŋes acamit ayoŋ! Kire meere akitojoka alotuŋa acamit ayoŋ! Kerae toriŋa ayoŋ ewarit ŋun, pa karae ayoŋ eketiyan a Kristo.

Ŋiep. 2:2

Apaki ŋin ipotu iyes kiwuapa ŋipitesyo ŋulu ka akwap ŋulu aronok; ipotu iyes kisipukas ekepukan ŋolo epolokinit ŋipyan ŋulu eyakasi kidiama, ekipye ŋolo tokona epolokinit ŋituŋa ŋulu nyiwuapito ŋakiro ka Akuj.

1 Tim. 6:10

Anerae amina ŋisiliŋa iŋes erae akisyakinet ŋina a ŋakiro a ŋuna aronok a daadaŋ. Erae ekibure ŋol iŋes etooliyo ŋice ananupit kec ka etalalata ŋican ŋulu ka akiyaloloŋ alotai kec.

Yak. 1:27

Edin ŋolo ajokan ŋolo emam aronis alokiŋaren Akuj Papa iŋes lo: akiŋaranakin ŋikokyok ka ŋapuseru alocan kec ka akiyokiuno iyoŋ elope nyikinyasut ŋakiro ŋuna ka akwap.

Yak. 4:4

Iyes ŋulu nyikikinyomitae alokiŋaren Akuj, ikwa ŋikalomak alokiŋaren ŋaberu kec! Nyiyenete iyes atemar akoneo ka akwap erae aruwor emoit ŋolo ka Akuj a? Ituŋanan daadaŋ ŋini ecamit aruwor ekone ŋolo ka akwap, eruwor emoit ŋolo ka Akuj.

1 Yoa. 3:17

Nai ani keyakar ituŋanan ebari ŋolo ka akwap a na, ido kitee lokaato keŋ iitanit akiŋarakino, ido tojamak iŋes, ikokini nai amina ŋina ka Akuj iboi alotooma keŋ ai?

1 Yoa. 4:5

Erae ikes ŋulu ka akwap, aŋun, ŋuna irworosi ikes, erae ŋuna ka akwap ka epupi akwap ŋakiro kec.

1 Yoa. 5:10

Ŋini enupit Lokoku ka Akuj, eyakar akiteyenunet ŋin tooma keŋ. Ŋini nyenupit Akuj, itusubunit iŋes Akuj ŋina alyokon, anerae nyenupit iŋes ŋuna alimu Akuj aŋuna a Lokoku keŋ.