1 Yoa. 1:8 - Ebaibul

⁸ Ani kikitema iwon ebe nyikisecenene, ikimodyanakin iwon make, ido emam ŋuna a kire alotooma yok.

1 Yoa. 1:8 Iomraidhean Croise

1 Ŋirw. 8:46

“Ani keseca ikes neni kon, anerae mam ŋini nyesecenene, ido toŋoik iyoŋ ikes, kipotok lomoe kec ikotere erikorete ŋimoe ikes nakwap a ŋimoe a ŋul erae ŋikikamara alojie, yaarae ikes neni elwana, kori neni eapi;

2 Ŋirw. 20:15

Kiŋit Isaya erwosit tema, “Inyoni eŋolikis ikes alokai kon?” Toboŋok Esekia tema, “Eŋolikis ikes ibore daadaŋ. Emam ibore anakais aŋuna iŋadao ŋiboro ŋini nyitoodikina ayoŋ ikes.”

2 Ŋakiro a ŋirwa 6:36

“Ani keseca ikes neni kon, anerae mam ŋini nyesecenene, ido toŋoik iyoŋ ikes, kipotok lomoe kec, ikotere erikorete ŋimoe ikes nakwap kec erae ŋikikamara alojie, yaarae ikes neni elwana, kori neni eapi;

Yob 14:4

Ŋae epedori alemun ibore ŋini asegan anibore a ŋini nyeseg? Mam ŋini epedori.

Yob 15:14

Alipite mono eruworotor ŋituŋa ŋulu emam asecit? Kori alipite mono epedoryata ŋituŋa ŋulu erae ŋituŋa pei euruunito aruwor ŋulu iyookino?

Yob 25:4

Alipite nai epedorya ituŋanan aruwor ŋini iyookino alokiŋaren Akuj? Alipite nai epedorya ituŋanan ŋini arae aberu auruuni aruwor ŋini emam asecit?

Yob 9:2

“Kire ayeni ayoŋ atemar erae ŋun ŋuna a kire; nai, alipite eruworor ituŋanan ŋini iyookino alokiŋaren Akuj?

Ŋikiru. 143:2

Nyikitubok ayoŋ eketiyan kon, anerae mam alotuŋa a ŋulu eyarete ŋini iyookino alokiŋaren kon.

Ŋakit. 20:9

Ŋae epedori alimun ebe, “Adau ayoŋ alemar aronis alotau kaŋ; emam asecit eyai neni kaŋ?”

Ekal. 7:20

Kire jik emam ituŋanan anakwap ipei daŋ ŋini iyookino, ŋini itiyae ŋuna iyookino, ido nyesecenene.

Isa. 53:6

Aoliyor iwon daadaŋ ikwa ŋamesekin ŋuna apotu tooliyosi alorot, ewuapi iwon daadaŋ ŋirotin yok a ŋikulepek, ido ewuak Ekapolon nakou a eketiyan keŋ asecit yok a daadaŋ.

Isa. 64:6

Ikikwaanikin tokona isua ka ituŋanan ŋini nyeseg, ekwaanikin ŋiticisyo kosi ŋulu iyookino daadaŋ ka elou ŋolo eoŋoryana. Ikiiniya isua ikwa ŋakwii, ikiwokosi isua ŋasecisya kosi ikwa ekuwuam iwokori ibore.

Yer. 2:35

irworosi iyes ibasi, ‘Mam ŋakiro ikisecit isua; kire jik, nyikiŋoikinit Akuj iyes.’ Tokona, ekesicani ayoŋ iyes aŋuna irworotor ibasi, ‘nyikisecit isua.’

Ŋilep. 13:12

Ani kelomu edeke anakuwan a ituŋanan toburusiya amuny ka akuwan daadaŋ ŋinapei anakou tari nakejen nenidapal, lopite ŋolo eŋolikina esacaradoti,

Yoa. 8:44

Irae iyes ŋidwe a papa kus a Satan ka icamito iyes akiwuap ŋuna ecamit iŋes. Arae iŋes ekaaran ŋinapei anakisyakinet, ka nyikamunito iŋes ŋuna a kire, anerae emam ŋuna a kire aneni keŋ. Ani elimuni iŋes alyokonu, itiyae ŋuna erae ekeepite, anerae erae ekalyokonon ka erae papa ka alyokonu.

Ŋirom. 3:10

ikwaŋinapei igiritere Nakigireta ebe: “Emam ituŋanan iyookino, emam ipei daŋ;

Ŋirom. 3:23

anerae aseca daadaŋ ka aŋopiki epite ŋolo eryamuniata apolou ŋina anakuj ŋina etemokino toryamut.

1 Ŋikor. 3:18

Nyitemokino idiotuŋanan emodikin bon. Ani ketami idiotuŋanan alokidiŋ kus atemar aos iŋes alopitesyo a ŋulu ka akwap a na, itemokino iŋes tobaŋaan, ikotere nai eruwor ŋini aoson kire.

Ŋigal. 6:3

Ani ketami ituŋanan atemar arae iŋes ŋae torae bo kire ikoŋinait, emodyanakin iŋes bon.

1 Tim. 6:5

ŋipegeta ŋulu nyedaun alotuŋa a ŋulu nyisitiyaete ŋatameta kec, ŋulu nyeriŋa eyakatar ŋakiro ŋuna a kire. Etamete ŋituŋa ŋul atemar edin iŋes erot ŋolo eryamunere ebari.

2 Tim. 3:13

Nai ŋituŋa ŋulu aronok ka ŋulu a ŋisoswae erubakinete erae ŋulu aronok ka iyatakin aronis kec nooi, emodyanakinete ŋuluce ka emodikin ikes ŋilopeyek.

Yak. 1:22

Kitiyata ŋuna elimunit akirot; meere akipup bon, ido tomodyanakin make.

Yak. 1:26

Ani ketami idiotuŋanan atemar iwuapit iŋes ŋakiro ŋuna ke edin, nai nyetubit akeeŋajep, erae edin keŋ ŋolo a koŋin, nabo emodyanakin iŋes bon.

Yak. 3:2

Ikidyakanari iwon daadaŋ. Nai ani keyai ŋini nyedyakanari anakiro a ŋuna irworo iŋes, erae ituŋanan ŋin ŋini ajokan akilo, ŋini epedori akiyokiun akuwan keŋ daadaŋ.

2 Pet. 2:13

Etacakinio ikes aronis aŋuna ka aronis a ŋina etiyata ikes. Alakara aneni kec iŋes akitiya ŋinibore daadaŋ naparan ŋini isimwoni ekibure a ŋawat kec. Ikote ikes aŋoryomom ka aaŋoryanut, anerae ejoikinit ikes jik akirworo alyokonu apaki ŋina imujata iyes ka ikes.

1 Yoa. 1:10

Ani kikitema iwon ebe nyikisecit, ikitusubuni iwon Akuj ŋina alyokonon ka emam ŋakiro keŋ alotooma yok.

1 Yoa. 1:6

Ani kikitema ebe ikimorikina iwon ka Akuj, olosete bo anakiryonut, ikilyokoni iwon ka nyikiboi alotooma ŋakiro ŋuna a kire.

1 Yoa. 2:4

Iŋes ŋini ebala, “Ayeni ayoŋ Akuj,” nai nyiricakinit Ŋakiciketa keŋ, erae iŋes ikalyokonon ka emam ŋuna a kire alotooma keŋ.

1 Yoa. 4:20

Kelimu ituŋanan atemar, “Amina ayoŋ Akuj,” ido toremokino lokaato keŋ, erae iŋes emodiyanot; anerae iŋes ŋini nyemina lokaato keŋ ŋolo etakani, nyepedori aminakin Akuj ŋina nyetakani.

2 Yoa. 1:2

anerae iboiyete ŋuna a kire alotooma yok ka erubakinete alotooma yok jik.

3 Yoa. 1:3

Abu ayoŋ olelyan nooi apaki ŋina adolunioto ŋikaitotoi ŋice, ido okolimokis ayoŋ anupit kon ŋina a ŋakiro a ŋuna a kire, ikwapei irubakinitor iyoŋ anakiro a ŋuna a kire.