1 Yoa. 1:7 - Ebaibul

⁷ Nai ani kikiboi iwon anakica, ikwapei eyakar iŋes nakica, ikiyakar iwon akimorikina ka ŋuluce ka ikitesegunete iwon ŋaokot a Yesu a Lokoku keŋ anasecit a daadaŋ.

1 Yoa. 1:7 Iomraidhean Croise

Ŋikiru. 104:2

Ikimukorit iyoŋ akica ikwa imukoritor elou ituŋanan, ibu iyoŋ topeta kidiama ikwa eema,

Ŋikiru. 51:2

kilota aronis kaŋ jik, ido kitesegunae ayoŋ anasecit kaŋ.

Ŋikiru. 56:13

anerae ilaku iyoŋ akiyar kaŋ anatwanare, nyimyekina iyoŋ ayoŋ ekelounio. ikotere ayoŋ alosi alokiŋaren kon; Akuj anakica a ŋin ecaikinit ŋulu eyarete.

Ŋikiru. 89:15

Okoe Akuj elakara ŋituŋa ŋulu ayenut akipuro iyoŋ, ŋulu itojokit iyoŋ.

Ŋikiru. 97:11

ebuneeneajokis neni a ŋulu iyookino, ebuneenealelyanu neni a ŋulu iyookino alotai.

Isa. 2:5

Okoe ŋituŋa a Yakob. potu ewuapa ŋuna ikilimokinit Ekapolon!

Isa. 33:24

Mam ituŋanan ŋini iboi a nen ŋini etemari, “Adyaka ayoŋ,” isyoniyo ŋasecisya a ŋituŋa a ŋulu iboiyete a nen.

Isa. 6:7

Abu esubuna ŋol totap a aridet akituk kaŋ tema, “Ikwapei atapya aridet na ŋipon kon, nyeriŋa iyoŋ iyakar ekaile ka ikimookun iyoŋ anasecit kon.”

Amos 3:3

“Epedorete mono ŋituŋa ŋiarei arukit alorot elosete pa sek keyeunito ikes alosit kaapei a?

Sakar 13:1

“Akoloŋit ŋin, eŋakinio elelya neni a ŋituŋa a ekal a Daudi ka neni a ŋulu iboiyete alo Yerusalem, ikotere kitaleun ikes anasecit ka anaronis.”

Mat. 6:12

Kisyoni isua ŋasecisya kosi, ikwaŋina ikisyoniyo isua daŋ ŋulu eseceneneete aneni kosi.

Yoa. 1:29

Akoloŋit ŋina atupakini ŋin, kiŋolik Yoana ebunit Yesu neni keŋ, ido tolimu tema, “Kiŋolikisi Imesek ŋini ka Akuj, ŋini elemari asecit ŋina ka akwap.

Yoa. 12:35

Toboŋok Yesu tema, “Eyakaun akica ka iyes adiouriyen. Torubakisi ilosete eriŋa akica eyai, ikotere nyedolu akiryonut neni kus. Ituŋanan ŋini elosi anakiryonut, nyeyeni neni elosi.

Yoa. 5:4

anerae ŋicesaae abuneene emalaika ŋolo ke Ekapolon nabwal akicakulakin ŋakipi. Ituŋanan ŋini esyauni alomar nakipi icakulakini emalaika, aŋaleuni iŋes alodeke a daadaŋ a ŋolo adyaka iŋes.]

Ŋirom. 13:12

Aapuu akuwar alunyar, aapuu akiwalar. Ojoŋoto nai akitiya ŋiticisyo ŋulu ka akiryonut, olemutu ŋiboro ŋulu ikijiyo anakica.

1 Ŋikor. 6:11

Apotu ŋice alokidiŋ kus kitiyata ŋakiro ŋun. Nai adaun akitesegun iyes anasecit; adaun ainakin iyes neni ka Akuj; adau Ekapolon Yesu Kristo ka Etau ka Akuj yok akituruwor iyes ŋulu iyookino alokiŋaren Akuj.

Ŋiep. 1:7

Anerae ikituruwor iwon ŋulu ikilakuna a ŋuna a ŋaokot a Kristo, a ŋuna aponi tobukoroe alomusalaba; iŋes nai atemar esyoni ŋasecisya yok. Alopite a ŋol, ikitoodik Akuj iwon epite ŋolo epoloo nooi ajokis keŋ.

Ŋiep. 5:8

Iyakasi paaran sek iyes nakiryonut, nai aŋuna ka akimorikina kus ka Ekapolon, iyakasi tokona iyes nakica. Aŋun, itemokino iyes kiboiyete ikwa ŋituŋa ŋulu erae ŋulu ka akica,

1 Tim. 6:16

Iŋes bon erae ŋolo nyetwani jik; iboi iŋes anakica a ŋina emam ituŋanan eapikini. Emam ituŋanan aanyuwa iŋes; emam ŋini epedori aanyuwar iŋes. Toyai neni keŋ akerit ka apedor ŋina nyedaun! Amen.

Tito 2:14

Abu iŋes tojal akiyar keŋ aŋuna yok, aiun iwon anaronis a daadaŋ ka akituruwor iwon ŋituŋa ŋulu asegak ŋulu erae ŋulu keŋ make, ŋulu imuit nooi akitiya ŋuna ajokak.

Ŋibur. 9:14

Ikwaŋina eraakatar ŋakiro ŋun ŋuna a kire, etya nai ai ŋakiro ŋuna erikakis ŋaokot ŋuna a Kristo! Alotooma Etau ŋolo Asegan, abu iŋes inak akeekuwan neni ka Akuj ikwapei amuronot ŋina asegan. Itesegete ŋaokot keŋ ŋitai yok alotalyo a ŋulu ikirikorete natwanare, ikotere ejaanakisi iwon Akuj ŋina eyari.

Yak. 1:17

Ebuni alokidiama ainakinet daadaŋ ŋina ajokan akilo, aneni a Papa a ŋolo asuban akica, a ŋolo nyeribonokini ikwa akoloŋ.

1 Pet. 1:19

arae ŋaokot a Kristo ŋuna epol egyelit, ŋuna ekwaan ka ŋuna a imesek a ŋini emam nyeŋwalit kori nyitoronitae.

1 Yoa. 1:3

Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.

1 Yoa. 1:5

Erae ŋakiro nu ŋuna ikiira isua aneni a Kristo ka erae nu ikiserae isua neni kus: Akuj iŋes erae akica ka alotooma keŋ emam akiryonut jik.

1 Yoa. 5:6

Abu Yesu Kristo bu a ŋakipi a ŋuna ke ebatisimu keŋ ka a ŋaokot a ŋuna ka atwanare keŋ. Nyebuno iŋes a ŋakipi bon, nai abu bu a ŋakipi ka ŋaokot. Nabo daŋ elimorit Etau elope atemar erae nu ŋuna a kire, anerae erae Etau ŋolo a kire.

1 Yoa. 5:8

Etau, ŋakipi ka ŋaokot; elimorito ŋisuudae ŋuluuni lu daadaŋ ibore ipei.

2 Yoa. 1:4

Abu ayoŋ olelyan nooi aryamuni ŋidwe kon ŋice iwuapito ŋakiro ŋuna a kire, ikwaŋinapei abunio Papa ikicikakinia iwon.

3 Yoa. 1:4

Emam alelyan ace ŋina aryamunit ayoŋ akilo akiirar atemar iwuapito ŋidwe kaŋ ŋuna a kire.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 12:11

Apotu ŋikaitotoi yok kilout iŋes a ŋaokot a ŋuna a Imesek ka aŋuna a ŋakiro a ŋuna eteyenunete ikes; anerae acamunito ikes akijal akiyar kec, totwaka.

Akis. 7:14

Abu ayoŋ oboŋok iŋes otema, “Ekapolon, iyoŋ iyeni.” Okolimok iŋes ayoŋ tema, “Erae ŋituŋa lu ŋulu adaut akitorun nakisicanio ŋina aronon nooi, elotasi ikes ŋikaasoi kec ka etokwaŋut kya a ŋaokot a ŋuna a Imesek.