1 Yoa. 1:6 - Ebaibul

⁶ Ani kikitema ebe ikimorikina iwon ka Akuj, olosete bo anakiryonut, ikilyokoni iwon ka nyikiboi alotooma ŋakiro ŋuna a kire.

1 Yoa. 1:6 Iomraidhean Croise

Ŋikiru. 82:5

Emamukatar ŋituŋa ŋulu aronok aosou, kori ayenut, irimito ikes anakiryonut; eryairyai akwap daadaŋ aŋuna kec.

Ŋikiru. 94:20

Epedorete mono ŋikepukak ŋulu aronok akiri ka iyoŋ, ŋikepukak ŋulu nyiwuapito ŋikisila a?

Ŋakit. 2:13

ŋulu eŋerito akiwuap ŋuna itiyaete ŋulu iyookino, ŋulu ebobokinit akitiya ŋuna nyiyookino.

Mat. 7:22

Akoloŋit ŋin, etemarete ŋikalalak neni kaŋ, ‘Ekapolon, Ekapolon! Pa aponi isua todwarae alokiro kon ka eritanasi ŋipyan alokiro kon; nabo etiyata ŋakujuwuanisya alokiro kon a?’

Yoa. 11:10

Ani elosi ituŋanan nakwaare, igukini, anerae emam akica aneni keŋ.”

Yoa. 12:35

Toboŋok Yesu tema, “Eyakaun akica ka iyes adiouriyen. Torubakisi ilosete eriŋa akica eyai, ikotere nyedolu akiryonut neni kus. Ituŋanan ŋini elosi anakiryonut, nyeyeni neni elosi.

Yoa. 12:46

Abu ayoŋ nakwap na arae akica, ikotere ŋini akanupi ayoŋ, nyidoŋ nakiryonut.

Yoa. 8:12

Kirwor nabo Yesu neni kec tema, “Arae Ayoŋ akica ŋina ka akwap; ŋini ekewuapakini ayoŋ, nyelomari nakiryonut, nai eryamuni akica ŋina ka akiyar.”

Yoa. 8:55

Nyiyenete iyes iŋes; ayoŋ bon ayeni iŋes. Kerae otema ayoŋ nyayeni iŋes, karuwor ayoŋ ŋolo alyokonon ikwa iyes. Nai ayeni ayoŋ iŋes, ka ericakinit ŋakiro keŋ.

1 Tim. 4:2

Akitatam ŋina ikoni ŋin, erae ŋina ebunit aneni a ŋikalyokonok a ŋulu emodiyaka, ŋulu etwakito ŋatameta kec esibit icunyitae ka asuwat a ŋina emwana.

Yak. 2:14

Ŋikaitotoi kaŋ, anijokis eyakar ituŋanan erae kelimu atemar ayakar iŋes anupit, nai nyitoodiunito ŋiticisyo keŋ? Epedori nai anupit ŋin aiun iŋes a?

Yak. 2:16

ido itemasi iyes, “Ikidarite Akuj! Kiboiyoto ejok, kimuja neni ajokan!” Nyo nai ajokis a ŋakiro a ŋun, tomam nyiinakinito iyes ikes ŋiboro ŋulu iitanito aŋuna a ŋawat kec?

Yak. 2:18

Nai elimuni ituŋanan ice tema, “Iyakar iyoŋ anupit ka ayakar ayoŋ ŋiticisyo.” Aboŋokinet kaŋ iŋes na, “Kitoodikinae ayoŋ anupit kon emam ŋiticisyo; eketoodikini ayoŋ iyoŋ anupit kaŋ ŋina erukito ka ŋiticisyo”.

1 Yoa. 1:10

Ani kikitema iwon ebe nyikisecit, ikitusubuni iwon Akuj ŋina alyokonon ka emam ŋakiro keŋ alotooma yok.

1 Yoa. 1:3

Ŋuna ikiŋolik ka ikiira ikes ikiserae isua neni kus, ikotere iyes daŋ ikimorikin ka isua. Ikimorikina isua ka Papa ta Lokoku keŋ Yesu Kristo.

1 Yoa. 1:8

Ani kikitema iwon ebe nyikisecenene, ikimodyanakin iwon make, ido emam ŋuna a kire alotooma yok.

1 Yoa. 2:4

Iŋes ŋini ebala, “Ayeni ayoŋ Akuj,” nai nyiricakinit Ŋakiciketa keŋ, erae iŋes ikalyokonon ka emam ŋuna a kire alotooma keŋ.

1 Yoa. 4:20

Kelimu ituŋanan atemar, “Amina ayoŋ Akuj,” ido toremokino lokaato keŋ, erae iŋes emodiyanot; anerae iŋes ŋini nyemina lokaato keŋ ŋolo etakani, nyepedori aminakin Akuj ŋina nyetakani.