1 Tim. 6:4 - Ebaibul

⁴ erae iŋes ŋini elal akituro ka emam ibore eyeni. Eyakar iŋes ekibure ŋolo aronon ŋolo ka apega ka ŋolo kiburaet, ido eyaunete ŋun: arakao, ŋiburasyo, akiyany ŋuluce ka atamakinit ŋakiro ŋuna aronok neni a ŋuluce,

1 Tim. 6:4 Iomraidhean Croise

Ŋakit. 13:7

Itusubuna ŋituŋa ŋice ŋikabarak, tomam bo ibore eyakatar, itusubuna ŋice ŋikulyakanotin, toyakatar bo ebari ŋolo alalan nooi.

Ŋakit. 25:14

Ituŋanan ŋini iturokin aŋuna ka ainakinet a ŋina eriŋa iŋes nyeryamuna, ikwaan iŋes ka ŋidouwon ŋulu irimitor ekuwuam tomam akiru apei daŋ ilimi.

Ŋakit. 26:12

Iŋolikinit mono iyoŋ ituŋanan ŋini itooso anakonyen a? Ejok ibaŋaanot nooi akilo ituŋanan ŋin.

Isa. 58:4

Kiirasi, iredanakinete iyes akiron aŋuna ka akiburaa ka ajio, ta aara make iyakatar aronis. Aronenen ŋina itiyaete iyes, nyepedori ainakin ayoŋ aboŋokin akigworo kus.

Ŋitic. 15:2

Apotu ŋakiro nu inakis Paulo ka Baranaba ebura ka apeganakin ka ikes. Toseunae nai Paulo ka Baranaba ta ŋikanupak ŋice alosit Yerusalem aanyun Ŋikiyakia kaapei ka ŋikatukok a Ŋikristo aŋuna a ŋakiro a ŋun.

Ŋitic. 18:15

Nai ikwaŋinapei eraakar ebura lo ŋolo a ŋakiro ka ŋirorwa ka ŋikisila kus a ŋilopeyek, itemokino iyes ŋilopeyek tosubakis ŋakiro kus. Nyaruwor ayoŋ ekatubon ŋolo a ŋakiro a ŋuna ikote nu!”

Ŋitic. 8:9

Ayai lotaun ŋol ekile ŋolo anyaritae Simoni, ŋolo sek kitiyae ŋakikukujaeta, ŋolo kebu kituumok ŋituŋa ŋulu ka akwap a Samaria, etusubuna iŋes idiotuŋanan ŋini apolon.

Ŋirom. 12:16

Kiboiyoto ka ŋituŋa daadaŋ irae ŋipei. Nyiturosi, nai tocamutu ŋiticisyo ŋulu ka akitiditeuna. Nyitamete atemar kori iosok iyes.

Ŋirom. 13:13

Eboiyoto ejok ikwa ŋituŋa ŋulu eya nakica ŋina ka apaaran; olemasi adakanu kori emeret, olemasi amalao kori akiŋobel, olemasi ejiye kori arakao.

Ŋirom. 14:1

Tocamutu ekile ŋolo epalag ananupit eyakaun neni kus, nai nyipeganakinosi ka iŋes anakiro a ŋuna erae ŋatameta keŋ a elope.

Ŋirom. 2:8

Nai ebuni anyunyura ka aŋoit ŋina ka Akuj neni a ŋulu iwarito ŋuna kec a ŋilopeyek make, toŋerito daŋ ŋuna iyookino, ido kiwuapito ŋuna aronok.

1 Ŋikor. 11:16

Nai ani keyai ituŋanan ecamit apega ŋakiro ŋuna ikamunito ŋun, alimuni ayoŋ nu bon atemar emam etal ece ŋolo eyakare isua kori eyakatar ŋatukon a ŋikanupak.

1 Ŋikor. 11:18

Ŋuna esyaunak, eira ayoŋ atemar ŋina iryamiryamyata iyes ikwapei atukot a ŋikanupak, eyai atyakatyaka kidiŋ kus; aneni kaŋ, esibit ŋakiro ŋun ŋuna a kire.

1 Ŋikor. 3:18

Nyitemokino idiotuŋanan emodikin bon. Ani ketami idiotuŋanan alokidiŋ kus atemar aos iŋes alopitesyo a ŋulu ka akwap a na, itemokino iŋes tobaŋaan, ikotere nai eruwor ŋini aoson kire.

1 Ŋikor. 3:3

anerae eriŋa ŋipitesyo ŋulu ka aseconu ikipukato iyes. Anerae ani keyai arakao ka ebura kidiŋ kus, nyitoodiunito nai ŋun atemar ikipukato ŋipitesyo ŋulu ka aseconu ka ikwaan iyes ka ŋituŋa ŋuluce a?

2 Ŋikor. 11:20

Idaŋito iyes ituŋanan ŋini ikitusubunit iyes ŋipi kori ŋini ikinipit kori ikilokit kori ikijamuwarit kori ikibapabapae iyes.

Ŋigal. 5:15

Nai ani kitiyaete iyes ikwa ŋityaŋ ŋulu ka ariet ŋulu ekonyokonyasi ka tonyamas make, tocoito nai nyirikarosi make.

Ŋigal. 5:26

Nyitemokino eturokinos kori obenyununos make kori erakanaros make aŋuna a ŋuluce.

Ŋigal. 6:3

Ani ketami ituŋanan atemar arae iŋes ŋae torae bo kire ikoŋinait, emodyanakin iŋes bon.

Ŋipil. 1:15

Kire, elimonokinete ŋice ŋakiro a Kristo anarakao ka anakiloiloa, nai elimonokinete ŋice alotai a ŋulu ajokak.

Ŋipil. 2:14

Kitiyata ŋinibore daadaŋ emam akiŋuruŋura kori apeganakin,

Ŋipil. 2:3

Nyitiyata idiobore anakiloiloa kori anakisupa, nai anakitiditeuna; yaito ŋuluce erae ŋulu ejokak akilo iyes.

Ŋikol. 2:18

Nyicamut ikimodikini iyes idiotuŋanan ŋini iitanit aanyunun ŋakitoodikineta ŋuna a ŋimalaikan ka torubakinite itatami ŋuna ka akitiditeuna a ŋina erae alyokonu ka kilipi daŋ neni a ŋimalaikan. Aŋuna a ŋakiro a ŋuna emam apolou, ituro ituŋanan ŋin ikoŋin aŋuna ka akitam keŋ a ilope

2 Ŋites. 2:4

Itepegi iŋes ibore daadaŋ ŋini enyaritae akuj kori ibore daadaŋ ŋini isitiyaete ŋituŋa akitopoloonorya ŋakujo ka itopoloori iŋes bon akilo ŋakujo daadaŋ. Iboikin tari Kai ka Akuj, ido kitusubun bon Akuj.

1 Tim. 1:4

Tolimok ikes tojoŋoto akitumoro aloemuto a ŋul ka anakimar ŋirorwa ŋulu alalak ŋulu atapapaa--ŋulu iatakinete ŋakiŋiseta ka ŋipegeta akilo akiyokit etic ŋolo ka Akuj ananupit.

1 Tim. 1:7

Iitanito ikes araakau ŋiketatamak a Ŋikisila, nai nyeyenete ŋakiro kec a ŋilopeyek kori ŋakiro ŋuna irworosi ikes ebasi ikiyeni nooi.

1 Tim. 3:6

Nyitemokino iŋes erae ituŋanan ŋini ariŋa enupi ŋakiro ŋuna ka Akuj, anerae acepaki iturokin, tosodi toloma natubokino ŋina ka Akuj ŋina etubokinitere Satan.

2 Tim. 2:14

Tolimok nabo ŋituŋa kon ŋakiro ŋun ka kicik ikes ka agogoŋu alokiŋaren Akuj tojoŋoto apega a ŋakiro; emam ajokis eyaunete ŋakiro ŋun, nai emunaarete ŋulu epupete ikes.

2 Tim. 2:23

Toŋer ŋipegeta ŋulu a ŋimasimas ka ŋulu ka abaŋao, anerae iyeni iyoŋ atemar ebura bon eyaunete ikes.

2 Tim. 3:4

eruworosi ŋikalukinok, ŋulu enyamete ŋakiro emwaka, ŋulu ileleba akituro, ŋulu eminasi ekibure ŋolo ka akuwan bon, akilo amina Akuj;

Tito 3:9

Nai toŋerite ŋipegeta ŋulu ka abaŋao, akirworo ŋakiro ŋuna a ŋirorwa a ŋulu alalak a ŋulu atapapaa yok, ŋiburasinei ka ŋijiyesyo ŋulu ejiyo aŋuna a Ŋikisila. Erae ikes ŋicaryo, ido nyiŋarakinete ŋituŋa.

Yak. 1:19

Ŋikaitotoi kaŋ ŋuluminan, toyenutu ŋakiro nu! Itemokino ŋinituŋanan kikirikira apupokin, nai tosae akirworikin ka nyeŋoyenene atipei.

2 Pet. 2:12

Irworosi ŋituŋa lu iyanyete ibore ŋini nyeyenete ikes apolou keŋ. Ikote ikes ŋityaŋ ŋulu ka ariet, ŋulu nyetamete, ŋulu euruunitae kisurumae, tomunyarae. Ikwapei ŋityaŋ ŋul, emunyarosi ikes daŋ.

2 Pet. 2:18

Irworosi ikes ŋakiro ŋuna apolok ŋuna ileleba abaŋao; isitiyaete ikes ekibure ŋolo ka akuwan ŋolo aronon, akisirumia ŋulu ariŋa sek ebucarosi alotuŋa a ŋulu eyarete anadyakarit.

Yud. 1:10

Nai iyanyete ŋituŋa ŋul ibore daadaŋ ŋini nyeyenete ikes apolou keŋ, ka ibore daadaŋ ŋini idounitere ikes eyenete lopite ŋolo a ŋityaŋ iŋes pei inyasuni ikes.

Yud. 1:16

Erae ŋituŋa lu ŋikeŋuruŋurak, ŋikokopyanotin, iwuapito ekibure ŋolo a ŋawat kec make; iturosi ikes nooi ka isupete ŋituŋa ŋuluce, ikotere eryamuniata ibore ŋini ecamito ikes.

Akis. 3:17

Anerae ibala iyoŋ, ‘Abarit, ayakar ibore daadaŋ ka emam ibore eitanit.’ Nai nyiyeni iyoŋ atemar icana, irae ekaŋipapan, ekulyakit, emudukanot ka ileri.