1 Tim. 6:17 - Ebaibul

¹⁷ Tolimok ŋituŋa ŋulu ebarito a ŋiboro a ŋulu ka akiyar a na nyiturokinosi, nyiwuakis akigeno kec lobari ŋolo nyeropari, nai kigenos neni ka Akuj, a ŋina ikiinanakini iwon ibore daadaŋ anarimao, ikotere ikilakara iwon.

1 Tim. 6:17 Iomraidhean Croise

Akisy. 13:2

Apaki ŋin, abarit Aburam nooi, ayakar ŋibaren, esilipa ka egolid.

2 Ŋakiro a ŋirwa 26:16

Ani eyenuni Usia atemar agogoŋior, abu kiturokin, ido abu akiturokin keŋ inak iŋes aruwor ekoŋinait. Abu iŋes toŋer akikinyomit neni ke Ekapolon Akuj keŋ, abu toloma Kai ka Akuj akicuny ekinyate a Namuroet a ŋina ecunyeneneere ekinyate.

Ŋikiru. 104:28

Ani iinakini iyoŋ ikes akimuj, ecunakinete ani iinakini iyoŋ ikes akimuj, imwokete.

Ŋikiru. 52:7

“Kiŋolikisi ituŋanan ŋini abu nyikinyom neni ka Akuj, nai abu kikinyom ebari keŋ ŋolo alalan, ido abu iŋes tobarak nakiar ŋuluce.”

Ŋikiru. 62:10

Nyiwuakis akikinyoma kus naryenyeo, kori nyigenosi atemar ikibari anakoko; tari daŋ kiyatanakin ebari kus, nyiwuakis ŋitai kus loboro ŋul.

Ŋikiru. 62:8

Okoe ŋituŋa kikinyoma Akuj; anerae Akuj iŋes erae akaiunan yok.

Ŋakit. 11:28

Ituŋanan ŋini ikinyomit ebari keŋ, epuripuryaar ebari ŋol, nai ileereunete ŋulu iyookino erae ŋulu ebarito nooi.

Ŋakit. 23:5

Epedori ebari kon apuripuryaar ite iyoŋ, epuripuryaar atipei esibit kepena ŋabebenuk ŋuna epororya ikwa egole.

Ŋakit. 27:24

anerae nyerae ebari ŋolo a ŋikaru ka ŋikaru, ido nyerubakini ebokot ŋolo ikitopolooritere iyoŋ eyai ŋanyameta ka ŋanyameta.

Ŋakit. 30:9

Acepaki apedori ayoŋ akiŋer iyoŋ erae karyamu akimuj ŋina alalan nooi, ido otema, ‘Ekapolon mono ŋae?’ kori apedori ayoŋ aruwor ikulyakit, ido okoko, ojoŋo akitopoloorit ekiro ŋolo ka Akuj kaŋ.

Ekal. 2:24

Emam ibore idio daŋ ŋini ejok nooi aneni a ituŋanan mati akimuj ka akimat ta aryamun alelyanu alotic a ŋolo itiyae iŋes. Ŋun daŋ, ayeni ayoŋ atemar erae napedor ŋina ka Akuj itiyaere,

Yer. 2:31

Okoe anyamet na, kiirasi ŋakiro a Ekapolon! Abu mono ayoŋ ekwaanikin ka aloŋisat aneni a Ŋisirael, kori ka akwap ŋina ileleba akiryonut cuc a? Kaanukiro nai irworotor ŋituŋa kaŋ ebasi, ‘Ikitiyae isua ŋuna ecamitae, nyikiboŋuni nabo isua neni kon?’

Yer. 49:4

Kaanukiro iturotor iyes aŋuna ka agogoŋu kus? adaun agogoŋu kus okoe ŋituŋa ŋulu emam akikinyoma. Ipotu iyes kikinyoma ebari kus ibasi, ‘Ŋae epedori akitijikin iwon?’

Esek. 16:56

Pa mono imina iyoŋ akirworor nakaato kon Sodoma apaki ŋina ituror iyoŋ

Dan. 4:30

abu erwosit tema, “Meere mono etaun a Babilon ŋoloti apolon lo a? Etaun ŋolo adau ayoŋ adukokin erae neni iboiyo erwosit, ŋolo adau ayoŋ adukokin a apedor kaŋ aŋuna ka akitoodiunia apolou kaŋ ŋina ailiilon a?”

Osea 13:6

Ŋina esimuja ayoŋ ikes, apotu ikes kimwoko, nai apotu ikes kiturokinos, tosodi tojoŋoto atamunit ayoŋ.

Mat. 12:32

Ŋinituŋanan irworo akirot ŋina ka akitidiŋit Lokoku a Ituŋanan, isyonio iŋes; nai ŋini irworo itidiŋit Etau ŋolo Asegan, nyisyoniyo iŋes alorwa a lu ka alorwa a ŋulu eponito.

Mat. 19:23

Tolimok Yesu ŋikeekasyomak tema, “Akalimokini ayoŋ iyes kire atemar, etyonior nooi ekabaran alomar Napukan ŋina anakuj.

Mat. 25:16

Abu eketiyan ŋolo akorakinitae ŋicweei ŋikan tolot atipei kicurutak, toryamu ŋicweei ŋice ŋikan.

Mat. 27:57

Ani edoli eboŋ, bu ekile ŋolo abarit ŋolo anyaritae Yosepu ŋolo anakwap a ŋina ka Arimatea. Arae iŋes daŋ ekasyoman a Yesu.

Mat. 6:32

(Erae ŋituŋa ŋulu nyenupito, ikes iwarito ŋiboro ŋul.) Eyeni Papa kus ŋolo anakuj atemar iitanito iyes ŋiboro lu daadaŋ.

Mar. 10:24

Toumokis ŋikasyomak keŋ aŋuna a ŋakiro a ŋun. Nai tema nabo Yesu neni kec, “Ŋidwe, kitotyon nooi ŋikabarak alomar Napukan ka Akuj.

Luk. 19:2

Ayai nen ekile ŋolo anyaritae Sakayo ŋolo apolokinit ŋikatubok ocur, torae daŋ ekabaran.

Luk. 3:11

Toboŋok iŋes tema, “Ituŋanan daadaŋ ŋini eyakar ŋilowi ŋiarei, itemokino tomora ka ŋini eleri; ani nabo ŋini eyakar akimuj, itemokino tomora ka ŋuluce.”

Ŋitic. 14:17

Tari kikote nen, itoodiunit iŋes jwi jwi akiteyenunet ŋina ka ayakau keŋ aloboro a ŋulu ajokak, a ŋulu itiyae iŋes; ikiinunui iŋes akiru alokidiama ka ŋapakio ŋuna elemeneneere; ikisimuji iŋes iyes ka ikitalakanari iyes.”

Ŋitic. 14:27

Ani edolunete ikes Antiokio, tocunakis ŋikanupak, tolimokis ikes ŋakiro daadaŋ ŋuna abu Akuj kitiya aneni kec ka epite ŋolo abunio Akuj toŋaarya erot ŋolo enupyata ŋituŋa ŋulu nyerae Ŋiyudayan.

Ŋitic. 17:25

Nabo daŋ nyiitanit iŋes akiŋarakinet a ŋituŋa esibit icana iŋes idiobore, torae bo iŋes einanakini akiyar ka ekieŋanu ta ŋiboro daadaŋ neni kec.

Ŋirom. 11:20

Erae ŋun kire! Aponi tobilanarae ikes, anerae pa anupito, tosodi ikilunyokin iyes nen, anerae inupito. Nai nyiturokinosi a ŋun; akilo, itemokino toyakatar akerit.

Ŋiep. 5:5

Toyenete nai atemar emam ituŋanan ŋini amalaanan, asiilyanan kori ŋini arorokanan (anerae ikwaan arorokanut ka akilip akuj ace) ŋini eyakaun Napukan ŋina a Kristo ka Akuj.

Ŋikis. 33:15

Elipi kiterereŋ Ekapolon akwap a Yosepu a ŋiboro a ŋulu ajokak a ŋulu alomoru a ŋuluruba ka a ŋaraito a ŋuna ajokak a ŋuna alokamukumukui a ŋulu a ŋikaru ka ŋikaru; kiterereŋ Ekapolon ikes a ŋiboro a daadaŋ a ŋulu ka akwap a ŋulu ajokak ka a ajokis a Akuj a ŋina iboi alo Sinai.

Ŋikis. 8:17

Nyetema ituŋanan ebe, “Erae agogoŋu ka apedor kaŋ a ilope iŋes aryamunia ayoŋ abaru na.”

Ŋikol. 3:16

Kimyekisi ŋakiro a Kristo anapedor ka anaosou kec kiboiyoto alotai kus; kitatamas ka tolimonokinos ŋun make anaosou a daadaŋ. Toeos Ŋieosyo a Daudi, ŋieosyo ŋulu ipurore Yesu ta ŋieosyo ŋulu ke Etau; toeikisi ka alakara neni ka Akuj alotai kus.

1 Ŋites. 1:9

Kire, erae ŋituŋa ŋuluce ŋilopeyek irworosi epite ŋolo ikijauniata iyes isua apaki ŋina aponere isua akipeyokin iyes ka epite ŋolo iponiata iyes kibelekinos anakujo, ido kiwuapa Akuj ŋina a kire ŋina eyari;

1 Tim. 1:3

Acamit ayoŋ iyoŋ kiboi alo Epeso ikwapei akadyekitor ayoŋ iyoŋ apaki ŋina alosio ayoŋ Makedonia. Itatamete ŋituŋa ŋice aina ŋakiro ŋuna erae alyokonu, ido itemokino iyoŋ kicikak ikes tojoŋoto akitatam ŋakiro ŋun.

1 Tim. 3:15

ani keketididi ayoŋ, toyenu iyoŋ epite ŋolo itemokino iyoŋ kiboiyo alokidiŋ ŋituŋa ŋulu ka Akuj, ikes atukot a Ŋikristo ŋina erae ŋina ka Akuj a ŋina eyari. Atukot ŋin iŋes erae akigaŋet ka akiyokiyet ŋakiro ŋuna a kire.

1 Tim. 4:10

Ikicatakinit iwon ka ikitiyae ka agogoŋu nooi, anerae ikigeno iwon neni ka Akuj a ŋina eyari, a ŋina erae Akaiunan a ŋituŋa a daadaŋ, akilo nooi ŋulu enupito iŋes.

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.

1 Tim. 6:13

Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

1 Tim. 6:9

Nai ikes ŋulu ecamito aruwor ŋikabarak elomarete nakitemyo ka ikamunete ŋaloketa ŋuna ke ekibure a ŋolo ka abaŋao a ŋolo awanan, ŋuna isibusokinete ikes toryamut ŋican ka akinyasuno.

2 Tim. 4:10

Aminaki Demas ŋakiro ka akwap a na, ido akaesiki ayoŋ, alot Tesalonika, alot Keresike nakwap a Galatia, alot Tito nakwap a Dalamatia.

Tito 2:12

Ikitatami ajokis ŋin iwon aesikin ŋipitesyo ŋulu nyekerito Akuj ka ekibure ŋolo ka akwap a na ka itemokino ikiboi ikirae ŋulu ikitenit anatameta, ŋulu ikiyookino ka ŋulu ikikerit Akuj anakwap a na,

Tito 3:6

Abu Akuj ikilelebik nooi iwon Etau ŋolo Asegan alotooma Yesu Kristo Ekaiunan yok,

2 Pet. 1:11

Alopite a lo, iryamunete iyes apedor ŋinalomaret Napukan ŋina nyedaun, ŋina ke Ekapolon ka Ekaiunan Yesu Kristo.