1 Tim. 6:13 - Ebaibul

¹³ Alokiŋaren Akuj ŋina einanakini akiyar neni a ŋinibore daadaŋ ka alokiŋaren Yesu Kristo ŋolo abu kisera anupit keŋ alokiŋaren Ponitio Pilato, ekecikakini ayoŋ iyoŋ

1 Tim. 6:13 Iomraidhean Croise

Mat. 27:11

Towo Yesu alokiŋaren Pilato, a ŋolo abu kiŋit iŋes tema, “Irae iyoŋ erwosit a Ŋiyudayan a?” Toboŋok Yesu tema, “Ilimu iyoŋ.”

Mat. 27:2

Toena ikes iŋes torikosi inakis Pilato ŋolo awuoikinit apukan ŋina a Roma alo Yudaya.

Yoa. 14:6

Tolimok Yesu Tomas tema, “Arae Ayoŋ erot, Arae ŋuna a kire ka Arae akiyar; nyepedori ituŋanan abunore neni a Papa, mati kitoru neni kaŋ.

Yoa. 19:11

Toboŋok Yesu tema, “Kemam iyoŋ apedor aneni kaŋ, kerae nyikiinakinit Akuj. Aŋun, ituŋanan ŋini ekepotokini ayoŋ neni kon, iŋes eyakar asecit ŋina epol akilo ŋina kon.”

Yoa. 5:21

Ikwaŋinapei iteyarununuya Papa ŋikatwak ka inak akiyar, einakini Lokoku daŋ akiyar neni a ŋulu ecamit iŋes.

Yoa. 5:26

Ikwaŋinapei eyakar Papa akiyar tooma keŋ, ainaki iŋes Lokoku keŋ daŋ akiyar ikwaŋinapei.

Ŋitic. 17:25

Nabo daŋ nyiitanit iŋes akiŋarakinet a ŋituŋa esibit icana iŋes idiobore, torae bo iŋes einanakini akiyar ka ekieŋanu ta ŋiboro daadaŋ neni kec.

2 Ŋikor. 9:13

Itoodiuni etic kus ŋol akiyar kus a Ŋikristo ka epote ŋituŋa ŋulu alalak akipuro Akuj aŋuna ke epite a ŋolo ilimoritotor ka iwuapitotor iyes Ŋakiro ŋuna Ajokak ŋuna a Kristo, ŋuna iseraete iyes. Ipurete daŋ ikes Akuj aŋuna imoryata iyes ka ikes ta ŋikanupak ŋuluce daadaŋ ibore ŋini iyakatar iyes.

Ŋigal. 3:26

Iraakasi tokona iyes daadaŋ ŋidwe ŋulu ka Akuj, aŋuna inupitotor iyes Yesu Kristo.

Ŋikis. 32:39

Toyenutu tokona atemar ayoŋ arae Akuj, emam Akuj ace mati ayoŋ, aari ayoŋ ka eteyari, awani ayoŋ ka etaŋaleuni, emam ituŋanan elakuni ituŋanan anapedor kaŋ,

1 Tim. 1:12

Alakara ayoŋ neni a Yesu Kristo Ekapolon yok, ŋolo akainaki ayoŋ agogoŋu aŋuna ke etic kaŋ, anerae ekemarak ayoŋ atemar arae ŋolo ekinyoma aŋuna ekewuakinia ayoŋ lotic keŋ,

1 Tim. 1:15

Erae na alimunet ŋina ikinyoma ka emaikina tocamunae: Abuni Yesu Kristo nakwap aiun ŋikasecak. Ayoŋ iŋes ekasecan ŋolo aronon nooi akilo daadaŋ,

1 Tim. 2:5

Anerae eyai Akuj apei bon ka eyai epei bon ŋolo erae ekemorikinan Akuj ka ŋituŋa; ituŋanan ŋin, iŋes Yesu Kristo.

1 Tim. 5:21

Alokiŋaren Akuj ka Yesu Kristo ta ŋimalaikan ŋulu seuna, ekeciki ayoŋ iyoŋ ka agogoŋu atemar kiwuap ŋakiro nu tomam atubonokin eriŋa nyeripiripa ejok kori tomam atyakatyakat ŋituŋa.

1 Tim. 6:12

Tojiye ejiye ŋolo ajokan ŋolo ka anupit, ikotere iryamuni akiyar ŋina nyedaun, ŋina abu Akuj ikinyarak iyoŋ apaki ŋina iserakinia iyoŋ alokiŋaren ŋisuudae ŋulu alalak anupit kon Kristo.

Akis. 1:5

ta aneni a Yesu Kristo ŋolo erae esuuda ŋolo ikinyomitae, ŋolo esyaunan ayarun alokatwak, torae daŋ ekepukan ŋolo a ŋirwosi a ŋulu ka akwap. Ikimina iŋes iwon, ka aŋuna ka atwanare keŋ abu itolacak iwon anasecisya yok.

Akis. 21:6

Tema nabo neni kaŋ, “Erikakin! Arae ayoŋ Alpa ka Omega--Akisyakinet ka Asalunet. Ŋini daadaŋ enyami akure, ainakini ŋakipi ŋuna emam egyelit, ŋuna aloitanit a ŋolo ka akiyar.

Akis. 22:1

Abu nai emalaika eketoodik ayoŋ aŋolol ŋina a ŋakipi a ŋuna ka akiyar, ŋuna apariparete ikwa ŋakamilimili, toleleunito alokicoloŋ a ŋolo ka Akuj ka a ŋolo a Imesek.

Akis. 3:14

“Kigir neni ke emalaika a ŋolo ka atukot a Ŋikristo alo Laodikeya atemar: “Erae ŋakiro nu ŋuna eponito aneni a ŋolo enyaritae Amen, esuuda ŋolo ikinyomitae ka ŋolo a kire ŋolo erae akisyakinet ŋina a ŋisubuna ka Akuj.

1 Sam. 2:6

Earenene Ekapolon ka iteyarununui; eayenene ŋituŋa nakibois a ŋikatwak, ido inyakununui ikes a nen.