1 Tim. 5:5 - Ebaibul

⁵ Apuserut ŋina erae iŋes bon, ŋina emam kire jik ituŋanan ŋini iŋarakinit, iŋes igeno neni ka Akuj, erubakini ilipi ka imaimai Akuj, nakwaare ka naparan.

1 Tim. 5:5 Iomraidhean Croise

Ŋikiru. 91:4

Ikimukori iŋes iyoŋ nyiloma locan, ido iryamuni iyoŋ neni iunor aneni keŋ; ikwaanikin akikinyoma keŋ ka aupal ŋina ikiuni alojie.

Isa. 12:2

“Kire jik, erae Ekapolon ekaiunan kaŋ; ekinyomi ayoŋ iŋes ka nyakuryaniar ayoŋ, anerae erae Ekapolon Akuj agogoŋu ka apedor kaŋ; iŋes erae ekaiunan kaŋ,

Isa. 3:26

Iwololoete ka igworete ŋituŋa alopukei a Sion. Eruwor Sion etaun ŋolo a ŋican, ikwaanikin ka aberu ŋina iboi alokwap emam ŋiboro enapit.

Isa. 49:21

Itamakinete nai iyes alotai kus ebe, “Ŋae keuri ŋidwe lu aŋuna kosi? Aponi isua ikiteryamun ŋican, ikitusubun ŋikolupanotin, aponi isua ikirikor nakwapin, ikilemar a ne, ŋae nai kitopolouni ŋidwe lu? Aponi kimyekinae Sion esil, nai ai aponiata ŋituŋa lu etya ne?”

Isa. 50:10

Ŋae alokidiŋ kus itopoloorit Ekapolon ka ŋini iwuapit ŋakiro a eketiyan keŋ? Ŋae elosi anakiryonut ka ŋini emamukar akica? Emaikina ŋin kikinyom ekiro ŋolo a Ekapolon ka toyarikinite neni ka Akuj keŋ?

Isa. 54:1

Alimu Ekapolon ŋakiro nu, “Okoe iyoŋ aberu ŋina ikolupana, toeik, tocelu ieo ka kiworou iyoŋ ŋina nyeanyuna aryeba ŋina ka akidoun! Anerae aryamu aberu ŋina abu lokile keŋ toesik ŋidwe ŋulu alalak, akilo aberu ŋina eyakar ekile.

Aum. 1:13

“Abu Ekapolon kiyaku akim alokidiama, abu akim ŋin itonom isua todol tari nakoyo. Abu Ekapolon topeta atibait keŋ akikamunia ŋakejen kosi kiŋoliyarae neni sek aponere. Abu Ekapolon ikimyek isua make, eryebae apaaran jwii.

Luk. 18:1

Tosodi Yesu tolimok ŋikeekasyomak akitadapet aŋuna ka akitatamya ikes atemar itemokino ikes akilipenen jwi jwi tomam akiup.

Luk. 18:7

Ani bo Akuj, nyepedori mono iŋes akitiya neni ajokan loseuna keŋ ŋulu igworonokinete iŋes apaaran jwii ka akuwar kya ecamito akiŋarakino a? Edidi iŋes akiŋarakin ikes a?

Luk. 2:37

Arae iŋes apuserut ŋina adolito ŋikeekaru ŋatomonikanikauni ka ŋiomwon. Pa arotonokini iŋes alo Kai ka Akuj; etiyae etic ŋolo ke Ekapolon Akuj apaaran jwii ka akuwar kya, kikanyanakini akimuj kilipi akilip bon.

Ŋitic. 26:7

Erae na akiikinet ŋinapei igenosi ŋatekerin ŋunatomon ka ŋaarei ŋuna a Ŋisirael aanyun akisiyookino keŋ, ikwaŋina ilipyata ka agogoŋu jwi jwi. Erwosit Agripa, erae Ŋiyudayan pei ekesitakinito ayoŋ aŋuna ka akigeno a na!

Ŋitic. 6:1

Alorwa a ŋulu eyatakinor ekimar ŋolo a ŋikasyomak a Yesu, kiŋuruŋurakinos Ŋiyudayan ŋulu erworosi Ŋagirik neni a Ŋiyudayan a ŋulu erworosi Ŋaburaniyae. Abasi ŋulu erworosi Ŋagirik ebe nyemitakinitae ŋapuseru kec a ŋinakoloŋit apaki ŋina ekorere akimuj.

Ŋitic. 9:39

Torukosi nai Petero ka ikes. Ani edoli, yaarae nagule ŋina ayai kidiama. Awuasi ŋapuseru daadaŋ alodiyete Petero, kigworos ka kitoodikis iŋes ŋikiteiteyo ka ŋikotyo ŋulu kitiyauni Tabisa eriŋa erukito ka ikes.

Ŋitic. 9:41

Ya Petero akan, kitonyou iŋes. Tonyarau nai iŋes ŋikanupak ka ŋapuseru kipotok Tabisa eyari neni kec.

Ŋirom. 1:12

Iŋes atemar esimukekinos iwon kaapei ananupit yok; ekesimukek ayoŋ iyes ananupit kus ka ikisimukekis iyes ayoŋ ananupit kaŋ.

Ŋirom. 1:5

Akainaki Akuj ayoŋ arereŋu aneni a Yesu Kristo; arereŋu ŋina ruworet ekiyakia, ikotere etunupya ka esiwuapya ŋituŋa a ŋakwapin a daadaŋ ŋakiro keŋ, ido kitopolooroe ekiro a Kristo.

1 Ŋikor. 7:32

Acamit ayoŋ iyes tomamukatar amitakinit aneni kus. Emitakinit ekile ŋolo nyiitarit etic ŋolo ke Ekapolon, anerae ecamit iŋes akitalakar Ekapolon.

1 Ŋikor. 7:34

aŋun, iriyarito iŋes ŋirotin ŋiarei. Aberu ŋina nyiitit kori apese ŋina nyiryamakina ka ekile emitakinit etic ŋolo ke Ekapolon, anerae ecamit iŋes ainakin akuwan ka etau keŋ daŋ neni ke Ekapolon. Nai aberu ŋina iitit, emitakinit ŋiboro ŋulu ka akwap a na, anerae ecamit iŋes akitalakar lokile keŋ.

Ŋiep. 6:18

Kitiyata ŋun daadaŋ alotooma akilip, iŋitasi akiŋarakino aneni ka Akuj. Kilipeneneete ŋapakio daadaŋ anapedor a ŋina ke Etau a ŋolo ka Akuj. Totenito, nyijamakis akilipanakin jwi jwi ŋituŋa ŋulu ka Akuj daadaŋ.

Ŋipil. 4:6

Nyiyaloloŋete aŋuna a idiobore, nai anakiro a daadaŋ, kimaimaa ka tolimokisi Akuj ibore ŋini iitanito iyes, tolimonokinete iŋes a ŋitai a ŋulu elakara neni keŋ.

1 Tim. 2:1

Ŋuna iŋarenete, ekemaimai ayoŋ iyes daadaŋ atemar toyai akimaima, akilip, akiŋita ka alakanar neni ka Akuj aŋuna a ŋituŋa a daadaŋ;

1 Tim. 5:16

Nai ani keyakar aberu ŋina erae Akristoit ŋapuseru lokal keŋ, itemokino iŋes kidar ikes, nyeinak atyonis neni ka atukot a Ŋikristo, ikotere nai atukot idarit ŋapuseru ŋuna emam kire jik ituŋanan ŋini iŋarakinit.

1 Tim. 5:3

Tokerite ŋapuseru ŋuna emam kire jik ituŋanan ŋini iŋarakinit.

2 Tim. 1:3

Alakara ayoŋ neni ka Akuj, a ŋina etiyae ayoŋ etic keŋ alotooma ŋatameta ŋuna ecayete, ikwaŋinapei aponiata atapapaa kaŋ kitiyaata. Alakara ayoŋ neni keŋ ikwapei akatamunitor ayoŋ iyoŋ jwi jwi anakilip kaŋ nakwaare ka naparan.

1 Pet. 3:5

Tari ŋaberu ŋuna koloŋ sek ŋuna arae ŋituŋa ka Akuj ka kigenosi neni keŋ, esibusete ŋawat kec anakerit ŋikilyok kec.

Rus. 2:12

Ikiropi iyoŋ Akuj aŋuna ke etic kon ka irikakini Akuj ŋina a Isirael akirop iyoŋ, Akuj ŋina erae neni keŋ ibu iyoŋ aryamunia aiuno.”