1 Tim. 5:17 - Ebaibul

¹⁷ Itemokino ŋikatukok ŋulu idarito ejok atukot a Ŋikristo etacio ŋarwa ŋaarei, akilo nooi ŋulu elimonokinete, kitatamete ka alelakinit.

1 Tim. 5:17 Iomraidhean Croise

2 Ŋirw. 2:9

Kedaut ikes atubor ekekwaye, kiŋit Eliya Elisa tema, “Tolimokinae, inyoni icamit iyoŋ ayoŋ etiya aŋuna kon eriŋa nyeyaara ayoŋ aneni kon?” Toboŋok Elisa tema, “Kimyekinae ayoŋ oryamu apedori ŋina iyakar iyoŋ kiyatak ace ŋina etya nenipei.”

Isa. 40:2

Kirworo irimaaka neni a ŋituŋa a Yerusalem, kiserata ŋakiro neni a ŋituŋa keŋ, tolimokisi ikes atemar erikakin ŋakiro ŋuna atyonok ŋuna sek etiyaete ikes, tolimokis ikes atemar ataci ŋuna sek adikino ikisicanere, tolimokis ikes atemar adaun akisican iyes anapedor a Ekapolon a ŋina apolon aŋuna a ŋasecisya kus daadaŋ.

Yer. 16:18

Aboŋokini ayoŋ akisican ikes nabo aŋuna ka aronis kec ka aŋuna ka asecit kec, anerae apotu ikes kitoroniyasi akwap kaŋ a ŋalyalin, a ŋamuja, a ŋakujo kec a ŋuna nyeyarete, ido elelebikis nakwap kaŋ asiilyo.

Yer. 17:18

Kimyek ŋikesicanak kaŋ kiruma ŋileec, nai nyikimyek ayoŋ ekeruma ŋileec. Kimyek ikes tokadak, nai nyikimyek ayoŋ okokadak, yau aŋuna kec akoloŋit ŋina ka akisicanio, tomunya ikes iryenyaana nooi.

Sakar 9:12

Toboŋutu iyes ŋulu iyakatar akigeno, iyes ŋulu sek ikirikoritae nakwapin toboŋutu nakibois kus ŋina eyai aiuno. Akalimokini ayoŋ iyes tokona atemar, ekenyakakini ayoŋ iyes ŋinibore ŋarwa ŋaarei adepar ŋini sek.

Ekim. 18:31

Ipedorete iyes akimuj ŋiboro ŋul aneni daadaŋ icamitotor, iyes kaapei ka ŋituŋa a ŋikalya kus, anerae erae eropit kus aŋuna a ŋiticisyo a ŋulu itiyaete iyes aloeema a ŋolokilipet.

Mat. 24:25

Topupokisi! Akalimokinit ayoŋ iyes ŋakiro nu eriŋa nyedoluno.

Luk. 10:7

Kiboikinos kai ŋina tomata ka kimuja ibore daadaŋ ŋini ikiinio, anerae itemokino eketiyan eropyo. Nyirimito ka nyitubonorosi anakais a ŋituŋa.

Luk. 12:42

Toboŋok Yesu tema, “Ŋae bo erae eketiyan ŋolo aoson ŋolo kikinyoma, ŋolo iwuakini ekapolon toruwor ekapolokiniton ŋolo a ŋiketiyak keŋ, tokoranakini ikes akimuj apaki ŋina ecamitere?

Yoa. 4:38

Abu ayoŋ ekeyakia iyes akilem aneni pa iekinito. Etiyata ŋuluce ka ilema iyes anakinyinyir kec.”

Ŋitic. 11:30

Kitiyata ikes ŋun, kiyakiyasi Baranaba ka Saulo yaasi ŋisiliŋa, inakis ŋikatukok ŋulu ka atukot a Ŋikristo alo Yudeya.

Ŋitic. 20:35

Eketoodik ayoŋ iyes alopitesyo a daadaŋ atemar itemokino ŋinituŋanan kitiya ka agogoŋu, ikotere epedori akiŋarakin ŋulu epalag anatamunit ŋakiro ŋuna abala Ekapolon Yesu, ‘Eyai arereŋu nooi nainanakin akilo naryamunun.’ ”

Ŋitic. 28:10

Ikiinakis ikes isua ŋainakineta ŋuna alalak. Ani erotokinio isua, kiwuakis ikes nameeli ŋiboro daadaŋ ŋulu ikiitanit isua analosit kosi.

Ŋirom. 12:8

Ani kerae akisimukekin ŋuluce, itemokino iwon esimukekisi. Ituŋanan daadaŋ ŋini ipotonori ka arimao neni a ŋuluce, itemokino kitiya ka alakara. Ituŋanan daadaŋ ŋini erae ekarikon, itemokino kitiya ka alelakinit.

Ŋirom. 15:27

Erae ŋakiro ŋun ŋuna apotu ikes ŋilopeyek totubut akitiya. Erae tari amica aneni kec aŋuna a ŋituŋa a ŋul. Anerae ikwapei adauniata Ŋiyudayan akimor ka ŋulu nyerae Ŋiyudayan ŋarereŋisyo ŋuna ka Akuj, itemokino ŋulu nyerae Ŋiyudayan daŋ tomora ka Ŋiyudayan ŋarereŋisyo ŋuna a ŋiboro ka akwap.

Ŋirom. 16:12

Kimalakinae Turupena ka Turuposa, ŋuna itiyaete etic ke Ekapolon ka nakone kaŋ Peresi, ŋina itiyae etic ŋolo alalan ŋolo ke Ekapolon.

1 Ŋikor. 15:10

Nai aŋuna ka ajokis a ŋina ka Akuj, arae ayoŋ tokona ekiyakia ka nyeruworo ajokis ŋina abu iŋes okoinak ayoŋ akoŋinait. Akilo, etiya ayoŋ nooi adepar Ŋikiyakia ŋuluce daadaŋ, tari pa kerae agogoŋu kaŋ a elope etiyae, nai ajokis ŋina ka Akuj ŋina eyai neni kaŋ.

1 Ŋikor. 16:16

topupo ŋikilyok ŋulu ikote ŋul ka ŋulu itiyaete ka ikes.

1 Ŋikor. 3:9

Anerae ikitiyae isua kaapei ka Akuj. Irae iyes emanikor ŋolo ka Akuj. Iraakasi daŋ Akai ka Akuj.

2 Ŋikor. 6:1

Ikwaŋina itiyaere iwon kaapei ka Akuj, ikilipit isua iyes nyicanican ajokis ŋina idaut iyes aryamun aneni ka Akuj.

Ŋigal. 6:6

Itemokino ituŋanan ŋini itatamyo ŋakiro ŋuna a Ŋikristo tomora ka eketataman keŋ ŋiboro ŋulu ajokak daadaŋ ŋulu eyakar iŋes anakiyar keŋ.

Ŋikis. 18:8

Emaikina ikes toryamut akimuj ŋina enyamete ŋina eriyan ka ŋina eryamunete ŋilepi ŋuluce, tari daŋ keryamununeete ikes ŋiboro ŋice aneni a ŋituŋa a ŋikalya kec.

Ŋipil. 2:16

ikwapei iricitotor iyes ŋakiro ŋuna ka akiyar. Ani kitiyata iyes ikoŋina, aryamuni ayoŋ ŋakiro ŋuna eturokinor aŋuna kus Akoloŋit ŋina a Kristo, anerae itoodiuni neni ebe abu ayoŋ nyecanican agogoŋu ka etic kaŋ.

Ŋipil. 2:29

Kijautu nai iŋes ka alelyan ikwapei lokaato alotooma Ekapolon. Kitopoloorito ŋituŋa daadaŋ ŋulu ikote iŋes,

Ŋipil. 4:3

Acamit ayoŋ iyoŋ daŋ Sisipo ŋolo irae erukitos kaŋ ananupit, kiŋarak ŋaberu ŋun; anerae ikitiya ayoŋ ka ikes ka agogoŋu nooi akisera Ŋakiro ŋuna Ajokak, kaapei ka Kilement ka ŋuluce daadaŋ ŋulu ikitiyae ka ayoŋ, ŋulu igiritae ŋirorwa kec Lokitaabo ŋolo ka Akiyar.

1 Tim. 3:5

Anerae ani pa keyeni ituŋanan epite ŋolo kidaret ekal keŋ ke elope, ikokini nai iŋes idari atukot a ŋituŋa a ŋulu ka Akuj ai?

1 Tim. 4:10

Ikicatakinit iwon ka ikitiyae ka agogoŋu nooi, anerae ikigeno iwon neni ka Akuj a ŋina eyari, a ŋina erae Akaiunan a ŋituŋa a daadaŋ, akilo nooi ŋulu enupito iŋes.

1 Tim. 4:14

Nyijamak ainakinet ŋina ke Etau a ŋolo ka Akuj ŋina eyai neni kon, ŋina aponi ikiinakin iyoŋ apaki ŋina erworotor ŋikadwarak, ido kidokok atukot a ŋikatukok ŋakan kec nakou kon.

1 Tim. 4:16

Toyeni iyoŋ epite ŋolo iboiyo ka ŋakiro ŋuna itatami. Torubak itiyae ŋakiro ŋun, anerae kitiya iyoŋ, iiun iyoŋ elope ka ŋulu iirarete ŋuna itatami.

1 Tim. 4:6

Ani kilimok iyoŋ ŋakiro nu neni a ŋikaitotoi alotooma Kristo, iruwor iyoŋ eketiyan a Yesu Kristo ŋolo ajokan, apaki daadaŋ ŋina irubakinitor iyoŋ iryamunit agogoŋu anakiro a ŋuna ka anupit ka anakitatam a ŋina ajokan a ŋina idau iyoŋ akiwuap.

1 Tim. 5:19

Nyipupok ŋakiro ŋuna isitakinitere ekatukon, mati erae ŋisuudae ŋiarei kori ŋiuni.

1 Tim. 5:3

Tokerite ŋapuseru ŋuna emam kire jik ituŋanan ŋini iŋarakinit.

2 Tim. 2:6

Eketan ŋolo icidari ŋakinyinyir iŋes isyauni alemikin eriŋa ŋuluce.

2 Tim. 4:2

kisera Ŋakiro ŋuna ka Akuj, torubak iserae ikes anapaki a ŋina itemokino, kori nyitemokino, kitepeg ŋuna edyakara, kikilyak ka kimaima apaki ŋina itatamya alotooma atitinyikinit daadaŋ.

Ŋibur. 13:17

Tokerito ŋikarikok kus ka kiwuapito ŋakiro kec; anerae itemokino ikes tolimosi neni ka Akuj epite ŋolo ikiyokiyoto ikes iyes. Kitiyata ŋun alopite a ŋolo italakari ikes, meere alopite a ŋolo isiyaloloŋi ikes, anerae iyes pei ŋilopeyek itwakiyarete.

Ŋibur. 13:24

Kimalata ŋikarikok kus daadaŋ ka ŋituŋa ŋulu ka Akuj daadaŋ. Ikimalaete iyes ŋikaitotoi ŋulu eponito alo Italia.

Ŋibur. 13:7

Totamutu ŋikarikok kus ŋulu koloŋ, ŋulu ikilimonokinete iyes ŋakiro ŋuna ka Akuj. Totamutu epite ŋolo ayakar akiyar kec ka ŋolo atwakyata; torokutu anupit kec.